Day: January 5, 2024

  ဆိုးလ်၊ ဇန်နဝါရီ-၅-၂၀၂၄ မျိုးဆက်(VOM) မြောက်ကိုရီးယားဟာ နိုင်ငံအနောက်ဘက် ကမ်းရိုးတန်းကနေ အမြောက်ကျည် ၂၀၀ ကျော်နဲ့ တောင်ကိုရီးယား ယွန်ပြောင်းကျွန်းဘက်ကို ဒီနေ့ ဇန်နဝါရီ ၅ ရက်မှာ ပစ်ခတ်ခဲ့တယ်လို့ တောင်ကိုရီးယား စစ်တပ်က ပြောပါတယ်။ တောင်ကိုရီးယားက ကျွန်းပေါ်ရှိ အရပ်သားတွေကို ဘေးလွတ်ရာကို ချက်ချင်းပြောင်းရွှေ့ဖို့ သတိပေးချက်ထုတ်ပြန်ခဲ့ပေမယ့် ပစ်ခတ်မှုနဲ့ ဆက်နွယ်ခြင်းရှိမရှိ ရှင်းလင်းစွာ မသိရသေးပါဘူး။ တောင်ကိုရီးယားကတော့ ဒီလုပ်ရပ်ကို ရှုတ်ချထားပြီး ဒါဟာ ရန်စတာလို့ ပြောပါတယ်။၂၀၁၀ ခုနှစ်အတွင်းကလည်း မြောက်ကိုရီးယားဟာ ယွန်ပြောင်းကျွန်းကို အကြိမ်ပေါင်းများစွာပစ်ခတ်မှုကြောင့် လူလေးယောက်သေဆုံးခဲ့ပါတယ်။ ဒီတခါပစ်ခတ်မှုကတော့ ဒေသစံတော်ချိန်နံနက် ၉ နာရီကနေ ၁၁ နာရီအတွင်း ပစ်ခတ်ခဲ့တာဖြစ်ပြီး အမြောက်ကျည်တွေဟာ နှစ်နိုင်ငံကြားခံဇုန်အတွင်း ကျရောက်ခဲ့တာကြောင့် တောင်ကိုရီးယားဘက်ကို ကျရောက်ခဲ့ခြင်းမရှိပါဘူး။ ပစ်ခတ်မှုကြောင့် တောင်ကိုရီးယားပြည်သူတွေနဲ့ စစ်တပ်ကို ထိခိုက်မှုမရှိပေမယ့် ဒီလုပ်ရပ်ဟာ ကိုရီးယားကျွန်းဆွယ်ငြိမ်းချမ်းရေးကို ခြိမ်းခြောက်တာဖြစ်ပြီး…

    ဆိုးလ်၊ ဇန်နဝါရီ-၅-၂၀၂၃ မျိုးဆက်(VOM) မြောက်ကိုရီးယားရဲ့ ဒုံးကျည်စမ်းသပ်မှုတွေနဲ့ စစ်ရေးပြအခမ်းအနားတွေကို လိုက်ပါလေ့ရှိတဲ့ မြောက်ကိုရီးယာေးခါင်းဆောင် ကင်ဂျုံအန်ရဲ့ သမီးဖြစ်သူဟာ သူ့အရိုက်အရာကို ဆက်ခံဖို့ ဖြစ်နိုင်ခြေအရှိဆုံးဖြစ်ကြောင်း တောင်ကိုရီးယား ထောက်လှမ်းရေး အေဂျင်စီက ပြောပါတယ်။ ကင်ဂျူအေးကို မြောက်ကိုရီးယာခေါင်းဆောင် ကင်ဂျုံအန်ရဲ အရိုက်အရာဆက်ခံသူဖြစ်နိုင်ခြေအရှိဆုံးသူအဖြစ် တောင်ကိုရီးယား အမျိုးသာထောက်လှမ်းရေးဌာနက ပထမဆုံးအကြိမ် ယူဆထုတ်ပြန်လိုက်တာဖြစ်ပါတယ်။ ဒါပေမယ့် မြောက်ကိုရီးယားရဲ့ ရာထူးဆက်ခံရေးအစီအစဉ်နဲ့ ပတ်သက်ပြီး ဖြစ်နိုင်ခြေရှိတာ အားလုံးကို ထည့်သွင်းစဉ်းစားနေဆဲဖြစ်ကြောင်း တောင်ကိုရီးယားထောက်လှမ်းရေးအဖွဲ့က ဆိုပါတယ်။ ကင်ဂျူအေးဟာ မြောက်ကိုရီးယားခေါင်းဆောင် ကင်ဂျုံအန်ရဲ့ ဒုတိယမြောက်ကလေးဖြစ်နိုင်ပြီး အသက် ၁၀ နှစ်ဝန်းကျင်ရှိပြီလို့ ယူဆရပါတယ်။ ကင်ဂျုံအန်ရဲ့ သမီးဖြစ်သူ ကင်ဂျူအေးဟာ ဆက်ခံသူဖြစ်နိုင်ကြောင်း တောင်ကိုရီးယားပြန်လည်ပေါင်းစည်းရေးဝန်ကြီး ကင်ယောင်ဟိုကလည်း ပြီးခဲ့တဲ့လက သုံးသပ်ပြောဆိုထားပါတယ်။ သူမဟာ နိုဝင်ဘာလအတွင်းက ထောက်လှမ်းရေးဂြိုဟ်တုလွှတ်တင်မှုနဲ့ မကြာသေးမီက ပြုလုပ်ခဲ့တဲ့ တိုက်ချင်းပစ်ဒုံးကျည် စမ်းသပ်မှုတွေမှာ ဖခင်ဖြစ်သူကင်ဂျုံအန်နှင့်အတူ…

    မော်စကို၊ ဇန်နဝါရီ-၅-၂၀၂၄ မျိုးဆက်(VOM) ရုရှားဟာ ယူကရိန်းစစ်ပွဲမှာ မြောက်ကိုရီးယားက ထောက်ပံ့ပေးထားတဲ့ ပဲ့ထိန်းဒုံးကျည်တွေနဲ့ လောင်ချာတွေကို အသုံးပြုနေတယ်လို့ အမေရိကန်က ထုတ်ဖော်ပြောဆိုလိုက်ပါတယ်။ ဒါဟာ ရုရှားကို မြောက်ကိုရီးယားရဲ့ ထောက်ပံ့မှုတွေ သိသိသာသာ တိုးမြင်လာတဲ့သဘောဖြစ်တယ်လို့ အမေရိကန်အမျိုးလုံခြုံရေးအကြံပေး ဂျွန်ခရီဘီက ပြောပါတယ်။ အမေရိကန်အနေနဲ့ ဒီကိစ္စကို ကုလသမဂ္ဂမှာတင်ပြသွားမှာဖြစ်ပြီး လက်နက်လွှဲပြောင်းမှုကို လုပ်ဆောင်ပေးနေသူတွေကို အရေးယူပိတ်ဆို့မှုတွေ နောက်ထပ်အရေးယူပိတ်ဆို့သွားမယ်လို့ ဆိုပါတယ်။ ရုရှားကတော့ ဒီကိစ္စတွေကို ငြင်းဆိုထားပါတယ်။ ဒါပေမယ့်လည်း နှစ်နိုင်ငံအကြား အလားအလာရှိတဲ့ စစ်ရေးပူးပေါင်းဆောင်ရွက်မှုတွေကို ဆွေးနွေးဖို့ မြောက်ကိုရီးယားခေါင်းဆောင် ကင်ဂျုံအန်ဟာ ပြီးခဲ့တဲ့ စက်တင်ဘာလက ရုရှားကို သွားရောက်ခဲ့ပါတယ်။ မြောက်ကိုရီးယားဟာ ရုရှားကို လက်နက်တွေထောက်ပံ့ပေးနေတယ်လို့ အမေရိကန်က အရင်ကလည်း စွပ်စွဲခဲ့ဖူးပေမယ့် မိုင်း ၅၀၀ ထိပစ်ခတ်နိုင်တဲ့ မြောက်ကိုရီးယားရဲ့ ပဲ့ထိန်းဒုံးကျည်တွေကို ရုရှားကအသုံးပြုတာနဲ့ ပတ်သက်ပြီး ပထမဆုံးအကြိမ ထုတ်ဖော်ပြောဆိုတာဖြစ်ပါတယ်။…

Voice of Myanmar ကမ္ဘာပေါ်တွင် တချိန်က ခမ်းနားသည့် အရှည်ဆုံးကြိုးတံတားတခုအဖြစ် သတ်မှတ်ခံခဲ့ရသော ဂိုးဒင်းဂိတ်တံတားကို အမေရိကန်နိုင်ငံ ဆန်ဖရန်စစ္စကို၌ ၁၉၃၃ ခုနှစ် ဇန်နဝါရီ ၅ ရက်တွင် စတင်တည်ဆောက်ခဲ့သည်။