Month: April 2024

ဒမတ်စကတ်၊ ဧပြီ-၂-၂၀၂၄ မျိုးဆက်(VOM) ဆီးရီးယားနိုင်ငံ မြို့တော်ဒမတ်စကတ်ရှိ အီရန်ကောင်စစ်ဝန်ရုံးကို အစ္စရေးရဲ့ တိုက်ခိုက်မှုကြောင့် ပျက်စီးခဲ့ကြောင်း ဆီးယားနိုင်ငံပိုင် သတင်းဌာနက ဖော်ပြထားပါတယ်။ အီရန်ကောင်စစ်ဝန်ရုံး တိုက်ခိုက်ခံရမှုကြောင့် အီရန်တပ်ဖွဲ့ဝင် ခုနှစ်ယောက်သေဆုံးသွားပြီး အဆောက်အအုံ ပျက်စီးသွားကြောင်း အီရန် တော်လှန်ရေးအစောင့်တပ်က ပြောပါတယ်။ သေဆုံးသူတွေထဲမှာ အီရန်တော်လှန်ရေးအစောင့်တပ် ထိပ်တန်းဗိုလ်ချုပ်ဖြစ်သူ မိုဟာမက်ဇာဟီဒီနဲ့ လက်ထောက်ဖြစ်သူတို့ ပါဝင်ကြောင်း ထုတ်ပြန်ချက်မှာ ဖော်ပြထားပါတယ်။ အစ္စရေးဟာ ပြီးခဲ့တဲ့ နှစ်တွေအတွင်း ဆီးရီးယားရှိ အီရန်နဲ့ ဆက်နွယ်နေတဲ့ ပစ်မှတ်တွေကို တိုက်ခို်ကမှုရာနဲ့ချီပြုလုပ်ခဲ့ပေမယ့် တို်ကခို်ကမှုနဲ့ပတ်သက်ပြီး ထုတ်ဖော်ပြောဆိုတာမျိုးမရှိခဲ့ပါဘူး။ အစ္စရေးသည် လက်ဘနွန်ရှိ ဟဇ်ဘိုလာနဲ့ ဆီးရီးယားရှိ အီရန်ကျောထောက်နောက်ခံပြုစစ်သွေးကြွတွေရဲ့ နယ်စပ်ဖြတ်ကျော်တိုက်ခိုက်မှုကို တုံ့ပြန်တဲ့အနေနဲ့ ဂါဇာစစ်ပွဲစတင်ကတည်းက တိုက်ခို်ကမှုတွေကို အရှိန်မြှင့်ခဲ့ပါတယ်။ Ref:BBC Photo:CNN

Voice of Myanamr မြောက်ကိုရီးယားသည် ၎င်း၏ နျူကလီးယားလက်နက် ထုတ်လုပ်ရေးကို အရှိန်မြှင့်စေနိုင်ခဲ့သည့် ယောင်ဗြွန်းနျူကလီးယား ဓာတ်ပေါင်းဖိုကို ၂၀၁၃ ခုနှစ် ဧပြီ ၂ ရက်တွင် ပြန်လည်စတင် လည်ပတ်ကြောင်း ထုတ်ပြန်ကြေညာခဲ့သည်။

ဒေလီ၊ ဧပြီ-၁-၂၀၂၄ မျိုးဆက်(VOM) အကျင့်ပျက်ချစားမှု စွဲချက်တွေနဲ့ ဒေလီဝန်ကြီးချုပ် ဖမ်းဆီးခံရမှုနဲ့ပတ်သက်ပြီး အိန္ဒိယအတိုက်အခံမဟာမိတ်အဖွဲ့ဟာ မြို့တော်ဒေလီမှာ ဆန္ဒပြပွဲအကြီးအကျယ် ပြုလုပ်ခဲ့ကြပါတယ်။ ဒီဆန္ဒပြပွဲဟာ အတိုက်အခံတွေ မဟာမိတ်ဖွဲ့ပြီးနောက် အကြီးမားဆုံးသော အစိုးရဆန့်ကျင်ရေးဆန္ဒပြပွဲ ဖြစ်ပြီး လူဦးရေ တသောင်းကျော် ပါဝင်ခဲ့ကြောင်း အတိုက်အခံတွေက ပြောပါတယ်။ ဒေလီဝန်ကြီးချုပ်ဖြစ်သူ အာဗင်ကက်ဂျ်ရီဝယ်လ်ဟာ မြို့တော်ဒေလီရဲ့ အရက်ရောင်းချမှု မူဝါဒနဲ့ပတ်သက်လို့ ပြီးခဲ့တဲ့ လနှောင်းပိုင်းမှာ ဖမ်းဆီးထိန်းသိမ်းခံခဲ့ရပါတယ်။ သူဟာ ဝန်ကြီးချုပ်မိုဒီကို ဝေဖန်လေ့ရှိသူအဖြစ် လူသိများပါတယ်။ တတိယသက်တမ်းအတွက် ကြိုးပမ်းနေတဲ့ ဝန်ကြီးချုပ်မိုဒီအစိုးရနဲ့ အတိုက်အခံတွေဟာ ဧပြီလထဲမှာ စတင်မယ့် အထွေထွေရွေးကောက်ပွဲမတိုင်မီ သဘောထားကွဲလွဲမှုတွေ ပိုမိုပြင်းထန်လာနေပါတယ်။ အစိုးရအနေနဲ့ အတိုက်အခံအုပ်စုတွေကို ဖိနှိပ်နေပြီး ဒီမိုကရေစီကို ကာကွယ်ရမယ်လို့ အတိုက်အခံတွေက ပြောပါတယ်။ ဒေလီဝန်ကြီးချုပ် ဖမ်းဆီးခံရတဲ့ ကိစ္စနဲ့ပတ်သက်ပြီး တရားမျှတ ပွင့်လင်းမြင်သာတဲ့ တရားစီရင်ရေးကို လိုလားကြောင်း အမေရိကန်က ထုတ်ဖော်ပြောဆိုထားပါတယ်။ Ref:NHK…