အိန္ဒိယနိုင်ငံ ဒေလီရှိ ဆေးရုံတရုံမီးလောင်မှု မွေးကင်းစကလေးငယ် ခြောက်ယောက်သေဆုံး

ဒေလီ၊ မေ-၂၇-၂၀၂၄
မျိုးဆက်(VOM)

အိန္ဒိယနိုင်ငံ ဒေလီမြို့ရှိ ဆေးရုံတရုံမှာဖြစ်ပွားခဲ့တဲ့ မီးလောင်မှုကြောင့် မွေးကင်းစကလေးငယ် ခြောက်ဦးထက်မနည်း သေဆုံးသွားကြောင်း တာဝန်ရှိသူတွေက ပြောပါတယ်။

မီးလောင်မှုဖြစ်ပွားခဲ့တဲ့ ဗီဗက်ဗီဟာ ဆေးရုံမှာ မွေးကင်းစကလေးငယ် ၁၂ ယောက်ရှိပြီး မီးလောင်မှုကြောင့် ထွက်ပြေးသွားသော ဆေးရုံပိုင်ရှင်ကို အရေးယူနိုင်ရေး လုပ်ဆောင်နေကြောင်း ရဲတပ်ဖွဲ့က ပြောပါတယ်။

မီလောင်မှုမှာ အောက်ဆီဂျင်အိုးပေါက်ံကွဲမှုကြောင့် ပိုမို ကူးစက်လောင်ကျွမ်းခဲ့ပြီး မီးလောင်မှုကို ငြိမ်းသတ်ရန် မီးသတ်ကား ၁၄ စီးစေလွှတ်ခဲ့ရကြောင်း တာဝန်ရှိသူတွေက ပြောပါတယ်။

လှေကားတခုတည်းပါရှိတဲ့ ဆေးရုံအဆောက်အအဦမှ ကယ်ဆယ်ရေးလုပ်ငန်းတွေ ဆောင်ရွက်ရန် အခက်အခဲများ ဖြစ်ပေါ်ခဲ့ပြီး ဆေးရုံဟာ လူနေရပ်ကွက်ကြားမှာ တည်ရှိနေပြီး ဘေးကင်းလုံခြုံရေးစည်းမျဉ်းများကိုလည်း လိုက်နာခြင်းမရှိကြောင်း တာဝန်ရှိသူများက ပြောပါတယ်။

ပြီးခဲ့တဲ့ စနေနေ့အစောပိုင်းကလည်း အနောက်ဂူဂျာရက်ပြည်နယ်ရှိ ကစားကွင်းတခုမှာ မီးလောင်ကျွမ်းမှုကြောင့် ကလေးငယ်အများစုအပါအဝင် လူ ၂၇ ယောက်သေဆုံးခဲ့ကြောင်း တာဝန်ရှိသူတွေက ပြောပါတယ်။

Ref:BBC
Photo: Reuters