Month: May 2024

ရန်ကုန် ၊ မေ ၈ – ၂၀၂၄ GG (VOM) ပြည်အလုပ်အကိုင် အလုပ်ခေါ်စာအသစ်ခေါ်ယူမှုမှာ ယောကျ်ားလေးတွေကို ပြည်ပထွက်အလုပ်လုပ်ကိုင်ခွင့်ယာယီရပ်ဆိုင်းမှုနဲ့ပတ်သက်လို့ ဝေဖန်မှုတွေထွက်ပေါ်အပြီးမှာ အလုပ်သမားဝန်ကြီးဌာနဘက်က ဖြေလျှော့မှုအချို့ ပြုလုပ်ပေးလိုက်တယ်လို့သိရပါတယ်။ အဲ့ဒါကတော့ အမျိုးသားအားလုံးကို Demand အလုပ်ခေါ်စာအသစ်နဲ့ ပြည်ပထွက်အလုက်လုပ်ခွင့်မပိတ်တော့ဘဲ အသက်အပိုင်းအခြားတခုသတ်မှတ်ပြီး ဖြေလျှော့ပေးလိုက်တာဖြစ်ပါတယ်။ အသက် ၁၈ နှစ်မှ ၂၃ နှစ်အထိ ယောကျ်ားလေးတွေကို Demand အလုပ်ခေါ်စာအသစ်နဲ့ပြည်ပထွက်အလုပ်လုပ်ပြန်ပြုလိုက်ပြီး အသက် ၂၃ ကစပြီး ၃၁ နှစ်အထိအမျိုးသားတွေကတော့ ပြည်ပထွက်အလုပ်လုပ်ခွင့် ရပ်ဆိုင်းခံထားရဆဲဖြစ်ပါတယ်။ ” အခု ပြန်ဖြေလျှော့ပေးတာကိုလည်း စာမထုတ်ဘူး။အေဂျင်စီတွေကိုအကြောင်းပြန်တာလို့ပဲသိရတယ်။အခုကအသက်ကို နှစ်ပိုင်းခွဲလိုက်ပြီးဖြေလျှော့တာ၊အရင်ယာယီရပ်ဆိုင်းတုန်းကလည်းစာမထုတ်ဘူး။ခုလည်းစာမထုတ်ဘူး၊တဦးချင်းပြောတဲ့ပုံစံပဲ ၊ ၃၁ နှစ်အထက်တွေရောအလုပ်လုပ်ခွင့်ရမှာလားဆိုတာလည်း သေချာတော့မသိဘူး၊ဝန်ကြီးဌာနမေးမှပဲသိမယ် ” လို့ မြန်မာနိုင်ငံပြည်ပအလုပ်အကိုင်ဝန်ဆောင်မှုလုပ်ငန်းရှင်များအဖွဲ့ချုပ်ရဲ့တာဝန်ရှိသူတဦးကပြောပါတယ်။ အမျိုးသားတွေအလုပ်ခေါ်စာအသစ်နဲ့ ပြည်ပထွက်အလုပ်လုပ်ခွင့်ကို အသက်အပိုင်းခြားအလိုက် တဆင့်လျှော့ပြီးပြန်ခွင့်ပြုပေးလိုက်ပေမယ့်လည်း ခွင့်ပြုပေးတဲ့အသက်အပိုင်းအခြားက နိုင်ငံခြားထွက် အလုပ်လုပ်မှုနည်းပြီး ကန့်သတ်ထားဆဲ အသက်အပိုင်းခြားကသာ အလုပ်လုပ်မှုပိုများတယ်လို့သိရပါတယ်။…

မေ ၇ – ၂၀၂၄ SN (VOM) မကွေးတိုင်း၊ မကွေးမြို့ပေါ်၊ အောင်မေတ္တာရပ်ကွက်ရှိ နေအိမ် ၃၀၀ ဝန်းကျင်ကို ကျူးကျော်လို့ဆိုကာ မြို့နယ်စည်ပင်သာယာရေး ကော်မတီက တလအတွင်း ဖယ်ရှားခိုင်းတယ်လို့ ဒေသခံတွေဆီက သိရပါတယ်။ အောင်မေတ္တာ (ဃ) ရပ်ကွက်၊ ရထားသံလမ်းဘေး ဝဲ/ယာရှိ မြင်းကင်းကွင်းအတွင်း အစိုးရ စီမံခန့်ခွဲပိုင်ခွင့်ရှိတဲ့ လန-၃၉ လူနေအိမ်ရာ အသုံးပြုဖို့ ခွင့်ပြုထားရှိပြီးဖြစ်တဲ့ မြေပေါ်မှာ နေအိမ်တွေဆောက်လုပ်ကာ ကျူးကျော် နေထိုင်တယ်လို့ဆိုပြီး ဖယ်ရှားခိုင်းတာလို့ သိရပါတယ်။ “စားရေးသောက်ရေးတောင် ခက်ခဲပါတယ်ဆိုတဲ့ အချိန်ကျမှ အခုလို အားချင်းဖယ်ခိုင်းတော့ ကျွန်မတို့က ဘယ်သွားနေရမှာလဲ။ ကျွန်မတို့က ဒီအိမ်ကို တန်ရာတန်ကြေးပေးပြီး ဝယ်ထားရတာ။ ဒီမှာနေကြတဲ့သူတွေထဲမှာ ကျူးကျော်ပြီး နေနေတာ တယောက်မှ မရှိဘူး” လို့ ဒေသခံတ‌ယောက်က ပြောပါတယ်။ အဲဒီ အောင်မေတ္တာရပ်ကွက်ရှိ နေအိမ်တွေကို ဖယ်ရှားပေးဖို့…

မေ ၇ – ၂၀၂၄ SN (VOM) မွန်ပြည်နယ်၊ ဘီးလင်းမြို့နယ်၊ ဘီးလင်း-ဖာပွန် ကားလမ်းမပေါ်ရှိ တံတားတစင်း မနေ့ မေ ၆ ရက်၊ မနက်ပိုင်းက မိုင်းခွဲဖျက်ဆီးခံခဲ့ရတာကြောင့် လမ်းပန်းဆက်သွယ်ရေး ပြတ်တောက်နေတယ်လို့ ဒေသခံတွေဆီက သိရပါတယ်။ အဲဒီ တံတားဟာ ဘီးလင်းမြို့နယ်၊ နတ်ကြီးကျေးရွာအုပ်စု၊ ပျဉ်သာကျေးရွာအနီး ဘီးလင်း-ဖာပွန် ကားလမ်းမပေါ်၊ မိုင်တိုင်အမှတ် ၁၆/၂ နဲ့ ၁၆/၃ ကြားမှာရှိတဲ့ ကညင်ပင်ကွင်းတံတားဖြစ်ပြီး မနေ့ မနက် ၆ နာရီ၊ မိနစ် ၂၀ ဝန်းကျင်က မိုင်းခွဲဖျက်ဆီးခံခဲ့ရတာ ဖြစ်တယ်လို့ သိရပါတယ်။ “တံတားတစင်းလုံး ပြိုကျသွားတာ။ ကားနဲ့ ဆိုင်ကယ်တွေရော၊ လူတွေရော ဘယ်လိုမှ သွားလို့မရတော့ဘူး။ ဒီ တံတားက ရွှေလုပ်ငန်း၊ သစ်လုပ်ငန်း လုပ်ကိုင်တဲ့သူတွေရော၊ ရွာသူရွာသားတွေပါ အဓိက အသုံးပြုနေရတဲ့ တံတားပါ။…

ဖနွမ်းပင်၊ မေ-၆-၂၀၂၄မျိုးဆက်(VOM)ကမ္ဘောဒီးယားဝန်ကြီးချုပ်ဟောင်းနဲ့ အထက်လွှတ်တော်ဥက္ကဌ ဟွန်ဆန်ဟာ နစက ဥက္ကဌနဲ့ ဒီနေ့ မေ ၆ ရက်မှာ အွန်လိုင်းကနေ တွေ့ဆုံဆွေးနွေးခဲ့ကြပြီး အကျဉ်းချခံထားရတဲ့ ဒေါ်အောင်ဆန်းစုကြည်နဲ့ အွန်လိုင်းကနေ တွေ့ဆုံပြောဆိုခွင့်ပြုဖို့ ဟွန်ဆန်က တောင်းဆိုလိုက်ပါတယ်။ဝန်ကြီးချုပ်ဟောင်း ဟွန်ဆန်ဟာ ကမ္ဘောဒီးယားကို နှစ်ပေါင်း ၄၀ နီးပါးကြာ အာဏာရယူခဲ့သူဖြစ်ပါတယ်။ လက်ရှိမှာတော့ ဒေါ်အောင်ဆန်းစုကြည်ဟာ ထောင်ဒဏ် ၂၇ နှစ်ကျခံနေရပြီး ဘာကြောင့် တွေ့ဆုံပြောဆိုခွင့်ရရေး တောင်းဆိုတယ်ဆိုတာကိုတော့ ရှင်းလင်းစွာ မသိရပါဘူး။ဟွန်ဆန်ဟာ ၂၀၂၂ ခုနှစ် အာဆီယံအလှည့်ကျဥက္ကဌ တာဝန်ယူစဉ်အတွင်း မြန်မာ့အရေး ဖြေရှင်းရေးမှာ ပါဝင်ကူညီဖို့ မြန်မာနိုင်ငံကို လာရောက်ခဲ့ဖူးပါတယ်။“ ကျွန်တော်က ဗိုလ်ချုပ်မှူးကြီးမင်းအောင်လှိုင်နဲ့ ဆွေးနွေးချိန်မှာ ဒေါ်အောင်ဆန်းစုကြည်နဲ့ ဗီဒီယိုကွန်ဖရင့်စနစ်နဲ့ တွေ့ဖို့တောင်းဆိုခဲ့ပါတယ်။ သူမဟာ နှစ်အတန်ကြာ လုပ်ဖော်ကိုင်ဖက်တွေဖြစ်ပြီး အာဆီယံရေးရာတွေ အများကြီး ဆွေးနွေးခဲ့တယ်” လို့ ဟွန်ဆန်က ဆိုပါတယ်။နစက ဥက္ကဌနဲ့ဆွေးနွေးရာမှာတော့ မြန်မာ့အရေးမှာ…

မေ ၇ – ၂၀၂၄SN (VOM)ကရင်နီပြည်နယ် ဖားဆောင်းနဲ့ မိုးဗြဲမြို့တို့မှာ ထိတွေ့တိုက်ပွဲတွေ ပြင်းထန်နေပြီး လွိုင်ကော်နဲ့ ဖယ်ခုံမြို့နယ်တို့မှာလည်း တိုက်ပွဲတချို့ ဖြစ်ပွားနေတယ်လို့ ဒေသခံတွေဆီက သိရပါတယ်။ဖားဆောင်းမြို့အခြေစိုက် နစက တပ်ရင်းတွေ ဖြစ်တဲ့ ခလရ (၁၃၅) ၊ ခလရ (၁၃၄) တပ်တွေနဲ့ မြို့တွင်းရှိ မီးသတ်ရုံး၊ ဘုန်းကြီးကျောင်းတွေမှာ တပ်စွဲထားတဲ့ နစက တပ်ဖွဲ့တွေကို ကရင်နီအမျိုးသားများကာကွယ်ရေးတပ် (KNDF) နဲ့ ပူးပေါင်းတပ်တွေက စစ်ဆင်ရေးတွေ ဆက်လက် ပြုလုပ်ခဲ့တာကြောင့် ထိတွေ့တိုက်ပွဲတွေ ဆက်တိုက် ဖြစ်ပွားနေတယ်လို့ သိရပါတယ်။“တိုက်ပွဲတွေကတော့ ဒီမနက်အထိ ပြင်းထန်နေတုန်းပဲ။ လက်နက်ကြီး ကျတာတွေ၊ လေကြောင်းက တိုက်ခိုက်တာတွေလည်း ရှိတယ်။ မြို့ခံတွေကတော့ ရှောင်နေကြတာကြာပြီ” လို့ ‌ဖား‌ဆောင်းမြို့က ဒေသခံတယောက်က ပြောပါတယ်။ကရင်နီ ပူးပေါင်းတပ်တွေဘက်က ဖားဆောင်းမြို့ကို သိမ်းပိုက်နိုင်ရေးအတွက် ၂၀၂၄ ခုနှစ်၊ ဖေဖော်ဝါရီလကတည်းက…