Day: July 25, 2024

  ဇူလိုင် ၂၅ – ၂၀၂၄ GG (VOM) ” မောင်လေးစုပ် “သီချင်းစီစဥ်သူ ဒါရိုက်တာရွှေလက်အောင်မင်း နဲ့ ” မိန်းကလေးတွေကို ကျနော်နဲ့လိင်ဆက်ဆံမလားဆိုပြီး ” ညစ်ညမ်းမေးခွန်းတွေ လိုက်မေးခဲ့တဲ့ Facebook ဆယ်လီ ငြိမ်းချမ်းထက်အောင် တို့ကို ဖမ်းဆီးကာ အီလက်ထရောနစ်ဆက်သွယ်ဆောင်ရွက်ရေးဥပဒေ ပုဒ်မ၃၃(က)နဲ့အမှုဖွင့် အရေးယူထားတယ်လို့ သိရပါတယ်။ ဒါရိုက်တာ ရွှေလက်အောင်မင်းကို ဗဟန်းမြို့မရဲစခန်းမှာအမှုဖွင့်အရေးယူထားပြီး ငြိမ်းချမ်းထက်အောင်ကိုတော့ မရမ်းကုန်း မြို့မရဲစခန်းမှာအမှုဖွင့်အရေးယူထားတာဖြစ်တယ်လို့သိရပါတယ်။ ” ငြိမ်းချမ်းထက်အောင်က အဲဒီဗီဒီယိုတင်ပြီးမကြာဘူး ဝိုင်းဆဲကြပြောကြတာနဲ့ သူပြန်ဖြုတ်ချသွားတယ်။ဒါပေမယ့်လည်း ရုပ်သံကပြန့်သွားပြီးတိုင်သူရှိတော့ သူအဖမ်းခံလိုက်ရတယ်။အမှုဖွင့်ထားတဲ့အခြေအနေကိုအခုမှအသိပေးတာ။မထင်မှတ်ဘဲခုလိုဖြစ်သွားတဲ့သဘောပါ။သတိပေးပြီးပြန်လွှတ်မယ်ထင်ခဲ့တာ။” လို့ငြိမ်းချမ်းထက်အောင်နဲ့ရင်းနှီးသူ ဆယ်လီတယောက်ကပြောပါတယ်။ ငြိမ်းချမ်းထက်အောင်က လိင်ဆက်ဆံမှုဆိုင်ရာ ညစ်ညမ်းမေးခွန်းကို လမ်းမထက်သွားလာနေတဲ့ အမျိုးသား၊ အမျိုးသမီးတွေကို လိုက်လံမေးမြန်းပြီး အီလက်ထရောနစ်ဆက်သွယ်ရေးနည်းပညာအသုံးပြုကာ လူမှုကွန်ရက်စာမျက်နှာမှာ ရိုက်ကူးထုတ်လွှင့်ပြသခဲ့တာကြောင့် ဖမ်းဆီးအရေးယူခံခဲ့ရတာဖြစ်တယ်လို့သိရပါတယ်။ ဒါရိုက်တာ ရွှေလက်အောင်မင်းကိုတော့ အမျိုးသားယဉ်ကျေးမှုကို ထိခိုက်စေတဲ့ သီချင်းကို အရှက်သိက္ခာကင်းမဲ့စွာ ရိုက်ကူးထုတ်လွှင့်ပြသခဲ့တာကြောင့်ဖမ်းဆီးအရေးယူခဲ့တာဖြစ်တယ်လို့သိရပါတယ်။…

  ဇူလိုင် ၂၅ – ၂၀၂၄ SN (VOM) ရခိုင်ပြည်နယ်၊ သံတွဲနဲ့ ဂွမြို့နယ်ကို ဆက်သွယ်ထားတဲ့ ကားလမ်းမပေါ်က ချင်းကွင်းတံတား မိုင်းခွဲဖျက်ဆီးခံလိုက်ရတာကြောင့် သွားရေးလာရေး အခက်တွေ့နေတယ်လို့ ဒေသခံတွေက ပြောပါတယ်။ ချင်းကွင်းတံတားဟာ သံတွဲ – ဂွ ကားလမ်းပေါ်၊ ကျိန္တလီမြို့အနီးမှာတည်ရှိတဲ့ တံတားတစင်းဖြစ်ပြီး မနေ့ ဇူလိုင် ၂၄ ရက်၊ ညနေပိုင်းက မိုင်း ခွဲဖျက်ဆီးခံလိုက်ရတာ ဖြစ်တယ်လို့ သိရပါတယ်။ “သံတွဲမြို့သိမ်းတိုက်ပွဲ မဖြစ်ခင်ကတည်းက နစက က ချင်းကွင်းတံတားထိပ်မှာ တပ်အခိုင်အမာချပြီး စစ်ဆေးရေးဂိတ်လုပ်ထားတာ။ ဒီတံတားကနေ ဧရာ၀တီတိုင်း၊ ငသိုင်းချောင်းကနေ ရန်ကုန်အထိ သွားလို့ရတယ်။ စစ်ရှောင်တွေအတွက်ရော၊ ကျန်းမာရေးနဲ့ ကူးသန်းရောင်းဝယ်ရေးအတွက်ရော အရေးပါတဲ့ တံတားပါ” လို့ ဒေသခံတယောက်က ပြောပါတယ်။ ရခိုင်တောင်ဘက်ပိုင်း သံတွဲမြို့နယ်တခုလုံးကို သိမ်းပိုက်ပြီးနောက် သံတွဲကနေ ဂွမြို့ကို အာရက္ခတပ်တော်…

  ဇူလိုင် ၂၅ – ၂၀၂၄ SN (VOM) ထိုင်းနိုင်ငံရောက် CDM ဝန်ထမ်းတွေက အမည်ပျက်စာရင်း (Black Lists) မှ ပယ်ဖျက်ပေးဖို့ မြန်မာသံရုံး (ဘန်ကောက်) ကို လာရောက် လျှောက်ထားမှုတွေ ရှိနေတယ်လို့ အဲဒီသံရုံးက သတင်းထုတ်ပြန်ပါတယ်။ မြန်မာသံရုံးအနေနဲ့ လက်ရှိမှာ အကြမ်းမဖက် အာဏာဖီဆန်ရေးလှုပ်ရှားမှု (CDM) မှာ ပါဝင်ခဲ့တဲ့ နိုင်ငံ့ဝန်ထမ်းတွေရဲ့ Black Lists စာရင်း ပယ်ဖျက်ပေးဖို့ လာရောက် လျှောက်ထားမှုတွေကို လက်ခံ ဆောင်ရွက်ပေးလျက် ရှိနေတယ်လို့ အသိပေး ထုတ်ပြန်ထားပါတယ်။ ဆက်လက် လျှောက်ထားလိုသူတွေအနေနဲ့ မိမိတို့ရဲ့ ဝန်ကြီးဌာနကို လိပ်မူပြီးမှတဆင့် သံအမတ်ကြီး၊ မြန်မာသံရုံး၊ ဗန်ကောက်မြို့လို့ ဖော်ပြကာ လုပ်ငန်းခွင် စွန့်ခွာရတဲ့အကြောင်းရင်း ဖော်ပြထားတဲ့ ကိုယ်ရေးစာ၊ ခြောက်လအတွင်း ရိုက်ကူးထားတဲ့ ဓာတ်ပုံ၊ ထိုင်းနိုင်ငံအတွင်း နေရပ်လိပ်စာအပြည့်အစုံ၊…

  ဇူလိုင် ၂၅ – ၂၀၂၄ GG (VOM) မိုးကုတ်မြို့ကို TNLA ပူးပေါင်းတပ်တွေထိန်းချုပ်လိုက်ပြီးနောက် မနေ့ကညနေကတည်းက ဒီနေ့ဇူလိုင်လ ၂၅ ရက်နေ့မနက်ပိုင်းအထိ ပစ်ခတ်မှုမရှိ တိုက်ပွဲတွေငြိမ်သက်နေတယ်လို့သိရပါတယ်။ ဒါပေမယ့် အရှေ့ပိုင်းမှာ pdf တပ်တွေ၊တိုင်းရင်းသားလက်နက်ကိုင်တွေထိန်းချုပ်လိုက်တဲ့မြို့အများစုမှာ လေကြောင်းပစ်ခတ်မှု လက်နက်ကြီးပစ်ခတ်မှုတွေကြောင့် ထိခိုက်သေဆုံးပျက်စီးမှုတွေ ရှိနေတဲ့အတွက် မြို့ခံတွေကတော့ တိုက်ပွဲထပ်မံဖြစ်မှာကိုစိုးရိမ်နေကြပါတယ်။ ” သတင်းတွေအရ သိနေတာပဲလေ။မြို့တွေသိမ်းသွားပြီဆိုရင် မြေပြင်ပစ်ခတ်မှုထက်လေ ကြောင်းပစ်ခတ်မှုတွေ၊လက်နက်ကြီးတွေအပြန်အလှန်ပစ်ကြတာမျက်မြင်ပဲ။ဒီတော့စိုးရိမ်တာပေါ့။ကျွန်တော်တို့ဒေသခံတွေကလေကြောင်းကိုအကြောက်ဆုံးပဲ။မြေပြင်နှစ်ဖက်ပစ်တာက ကိုယ့်အိမ်ထဲကိုယ်နေရသေးတယ်။လေကြောင်းနဲ့လက်နက်ကြီးကတော့ အိမ်ထဲနေလည်း အိမ်ပေါ်လာကျရင် ခံရတာပဲ။ညကပေါင်၅၀၀ဗုံးကြဲတယ်ဆိုတာသတင်းမှားပါ။ခုထိတော့ငြိမ်နေတုန်းပဲ ။မြို့ထဲမှာတော့မနေ့ထဲက TNLA နဲ့ PDF တပ်တွေရောက်နေပြီ ။ ” လို့ ဒေသခံတယောက်ကပြောပါတယ်။ မိုးကုတ်မြို့နယ်တခုလုံးကို TNLA ပူးပေါင်းတပ်တွေထိန်းချုပ်လိုက်ပေမယ့် လက်ရှိအထိတော့ ကားလမ်းတွေပြန်မဖွင့်သေးသလို မြို့အဝင်အထွက်လည်းပိတ်ထားဆဲဖြစ်ပြီး ဖုန်းလိုင်းတွေလည်းဆက်သွယ်လို့မရသေးဘူးလို့သိရပါတယ်။ မိုးကုတ်မြို့အရှေ့ပိုင်းက နစကတပ်စခန်းတွေကိုတော့ TNLA ပူးပေါင်းတပ်တွေက မနေ့ကဇူလိုင်လ ၂၄ ရက်နေ့ညနေပိုင်းမှာအပြီးသတ်တိုက်ခိုက်ထိန်းချုပ်ခဲ့တာဖြစ်တယ်လို့ TNLA ဘက်ကထုတ်ပြန်သလို…