Day: December 29, 2025

ကိယက်ဗ်၊ ဒီဇင်ဘာ-၂၇-၂၀၂၅ ရတီ(VOM) ယူကရိန်းစစ်ပွဲအဆုံးသတ်ဖို့ ညှိနှိုင်းမှုတွေ ဆက်လက်လုပ်ဆောင်နေချိန်မှာ အမေရိကန်သမ္မတ ဒေါ်နယ်ထရန့်နဲ့ ယူကရိန်းသမ္မတတို့ ဖလော်ရီဒါမှာ တွေ့ဆုံဆွေးနွေးမယ်လို့ တာဝန်ရှိသူတွေက ပြောပါတယ်။ အစည်းအဝေးကို တနင်္ဂနွေနေ့မှာ ကျင်းပသွားဖို့ မျှော်လင့်ထားပြီး အမေရိကန်ကြားဝင်စေ့စပ်ပေးတဲ့ အချက် ၂၀ ပါ ငြိမ်းချမ်းရေးအစီအစဉ်အပြင် အမေရိကန်လုံခြုံရေးအာမခံချက်တွေအတွက် သီးခြားအဆိုပြုချက်တွေကို ဆွေးနွေးသွားမယ်လို့ ယူကရိန်းသမ္မတ ဇီလန်စကီးက ပြောပါတယ်။ ဒါပေမယ့် ရုရှားအကြီးတန်းအရာရှိတယောက်ကတော့ ဒီအစီအစဉ်ဟာ အမေရိကန်ပြည်ထောင်စုနဲ့ ရုရှားတို့ ဆွေးနွေးနေတဲ့ အစီအစဉ်နဲ့ လုံး၀ကွဲပြားနေတယ်လို့ ဆိုပါတယ်။ လက်ရှိဆွေးနွေးပွဲတွေဟာ နှေးကွေးပေမယ့် တည်ငြိမ်တဲ့ တိုးတက်မှုရှိတယ်လို့ သူက ပြောဆိုပေမယ့် ရုရှားကလည်း ဆုတ်ခွာမယ်ဆိုရင် ဒွန်ဘတ်စ်ကနေ ယူကရိန်းတပ်တွေ ရုပ်သိမ်းမယ်ဆိုတဲ့ ဇီလန်စကီးရဲ့ ကမ်းလှမ်းချက်မပေါ် မှတ်ချက်မပေးပါဘူး။ ယူကရိန်းဟာ သဘောတူညီချက်ရဲ့ တစိတ်တပိုင်းအဖြစ် အမေရိကန်ထံမှ အာမခံချက်တွေရယူဖို့ ကြိုးပမ်းနေပြီး ရုရှားက အတင်းအကြပ် သိမ်းပိုက်မယ်လို့…

တိုကျို၊ ဒီဇင်ဘာ-၂၇-၂၀၂၅ မျိုးဆက်(VOM) ဂျပန်အစိုးရဟာ လာမယ့်နှစ်အတွင်း ဒေါ်လာ ၅၈ ဘီလီယံအထိ အသုံးပြုမယ့် စံချိန်တင် ကာကွယ်ရေး အသုံးစရိတ်ကို အတည်ပြုလိုက်ပါတယ်။ ဒေသတွင်းတင်းမာမှုတွေ မြင့်တက်လာတာနဲ့အမျှ ခရုဇ်ဒုံးကျည်တွေ၊ မောင်းသူမဲ့စစ်ဘက်ယာဉ်တွေတိုးမြှင့်ရေးအပါအဝင် တိုက်ခိုက်ရေးစွမ်းရည်နဲ့ ကမ်းရိုးတန်းကာကွယ်ရေး ခိုင်မာစေဖို့ရည်ပါတယ်။ ဧပြီလမှာ စတင်မယ့် ၂၀၂၆ ဘဏ္ဍာရေးနှစ်အတွက် ဘတ်ဂျက်မူကြမ်းသည် ၂၀၂၅ ခုနှစ်ထက် ၉ ဒဿမ ၄ ရာခိုင်နှုန်း မြင့်တက်လာပြီး နှစ်စဉ်လက်နက်သုံးစွဲမှုကို ပြည်တွင်းအသားတင်ထုတ်ကုန်ရဲ့ ၂ ရာခိုင်နှုန်းအထိ နှစ်ဆတိုးမြှင့်ရေး ငါးနှစ်စီမံကိန်းရဲ့ စတုတ္ထနှစ်လည်း ဖြစ်ပါတယ်။ ဂျပန်နိုင်ငံဟာ တရုတ်နိုင်ငံနဲ့ တင်းမာမှုတွေ မြင့်တက်လာမှုနဲ့ ရင်ဆိုင်နေရချိန်မှာ ကာကွယ်ရေးအသုံးစရိတ် တိုးမြှင့်လာတာပါ။ တရုတ်အနေနဲ့ ထိုင်ဝမ်ကို တိုက်ခိုက်လာရင် ဂျပန်ကလည်း စစ်ရေးအရ ဝင်စွက်နိုင်တ်ယလို့ ဂျပန်ဝန်ကြီးချုပ် တာကာအိချိက နိုဝင်ဘာလမှာ ပြောကြားပြီးနောက် နှစ်နိုင်ငံသံတမန်ရေး တင်းမာခဲ့ပါတယ်။ အမေရိကန်ပြည်ထောင်စုက…

ဘန်ကောက် ၊ ဒီဇင်ဘာ-၂၇-၂၀၂၅ ရတီ (VOM) ထိုင်းနဲ့ ကမ္ဘောဒီးယားတို့ဟာ အပစ်အခတ်ရပ်စဲရေး သဘောတူညီချက်တရပ်ကို ဒီကနေ့ ဒီဇင်ဘာ ၂၇ ရက်မှာ လက်မှတ်ရေးထိုးခဲ့ကြောင်း နှစ်နိုင်ငံ ကာကွယ်ရေးဝန်ကြီးတွေရဲ့ ပူးတွဲကြေညာချက်မှာ ဖော်ပြထားပါတယ်။ အပစ်အခတ်ရပ်စဲရေးဟာ ဒေသစံတော်ချိန် မွန်းတည့် ချိန်ကစပြီး အသက်ဝင်မယ်လို့ ဆိုပါတယ်။ သဘောတူညီချက်ဟာ အရှေ့တောင်အာရှ အိမ်နီးချင်းနှစ်နိုင်ငံအကြား သုံးရက်ကြာ ဆွေးနွေးမှုတွေ အပြီးမှာ ထွက်ပေါ်လာတာပါ။ အမေရိကန်သမ္မတ ဒေါ်နယ်ထရန့်ရဲ့ ကြားဝင်စေ့စပ်ပေးမှုနဲ့ ဒီဇင်ဘာလမှာရရှိခဲပတဲ့ အပစ်အခတ်ရပ်စဲရေး ပျက်ပြားခဲ့ပြီးနောက် ပြီးခဲ့တဲ့ အပတ်ကစပြီး နှစ်နိုင်ငံအကြား တိုက်ခိုက်မှုတွေ ပြန်လည်ဖြစ်ပွားခဲ့ပြီး နှစ်ဖက်စလုံးမှာ အနည်းဆုံး လူ ၉၈ ယောက်သေဆုံးပြီး လူဦးရေ ငါးသိန်းကျော် နေရပ်စွန့်ခွာခဲ့ရပါတယ်။ ထိုင်းနဲ့ ကမ္ဘောဒီးယားတို့ဟာ ဇူလိုင်လ အပစ်အခတ်ရပ်စဲရေး ပျက်ပြားစေခဲ့တဲ့ လုပ်ဆောင်ချက်တွေအတွက် အပြန်အလှန် စွပ်စွဲခဲ့ကြပြီး အောက်တိုဘာလမှာတော့ နယ်စပ်ပဋိပက္ခကို…