အုတ်ဖိုစက်တင်ဘာ၁၇-၂၀၁၉
မိုးယံ(VOM)
ပဲခုးတိုင်းသာယာဝတီခရိုင် အုတ်ဖိုမြို့နယ်တောင်ကုန်းအုပ်စုတောင်ကုန်းရွာနေဆိုင်ကယ်ကယ်ရီမောင်သူတစ်ဦးလေးရက်ကြာပျောက်ဆုံးနေပြီးစက်တင်ဘာ ၁၇ ရက်ညနေ၅နာရီဝန်းကျင်လောက်ကမှညောင်ပင်ကွင်းရွာရိုးချောင်းအတွင်းမှာဓားဒဏ်ရာများနဲ့သေဆုံးလျက်တွေ့ရှိရတယ်လို့အုတ်ဖိုမြို့မရဲစခန်းကသိရပါတယ်။
သေဆုံးသူကိုသန်းဇော်(ခ)သန်းဇော်မြင့်ဟာဆိုင်ကယ်ကယ်ရီမောင်းသူဖြစ်ပြီးစက်တင်ဘာ၁၃ရက်နေ့လည် ၃နာရီခန့်ကနေအိမ်မှအုတ်ဖိုသို့ထွက်ခွာသွားရာကနေ ပြန်လည်ရောက်ရှိလာခြင်းမရှိဘဲပျောက်ဆုံးနေလို့အုတ်ဖိုမြို့မရဲစခန်းမှာစက်တင်ဘာ၁၅ရက်နေ့ကလူပျောက်တိုင်တန်းခဲ့တယ်လို့အတူနေအကိုဖြစ်သူဦးမောင်စန်းကပြောပါတယ်။
“ အဲဒီနေ့ကနေ့လည် ၃နာရီလောက်အုတ်ဖိုက်ိုကယ်ရီစွဲမယ်ဆိုပြီးထွက်သွားတာည၈နာရီထိပြန်မလာဘူးအဲဒါနဲ့ညီလေးမောင်ငွေခဲနဲ့အတူလိုက်ရှာကြတာလည်းမတွေ့လို့စက်တင်ဘာ၁၅ရက်နေ့ကအုတ်ဖိုမြို့မရဲစခန်းမှာလူပျောက်တိုင်ထားတာပါရဲတပ်ဖွဲ့ဝင်တွေဆက်ပြီးစုံစမ်းတော့ဒီနေ့တော့ရိုးချောင်းထဲမှာဓားဒဏ်ရာတွေနဲ့သေဆုံးနေတာတွေ့တယ်လို့”ဦးမောင်စန်း ကပြောပါတယ်။
သေဆုံးသူဟာဆိုင်ကယ်ကယ်ရီလိုက်ဖို့ထွက်ခွာလာရာတစ်နေရာမှာစကားများရန်ဖြစ်ပြီးဓားနဲ့အထိုးခံရပြီးချောင်းရေထဲမျောပါခဲ့ခြင်းဖြစ်နိုင်တယ်လို့အုတ်ဖိုမြို့မရဲစခန်းကတာဝန်ရှိသူတစ်ဦးကသုံးသပ်ပြောဆိုပါတယ်။
အဆ်ိုပါမှုခင်းနဲ့ပတ်သက်ပြီး(ပ)၂၂၀/၁၉ရာဇသတ်ကြီးပုဒ်မ၃၀၂အရအမှုဖွင့်ထားပြီးတရားခံမမိသေးကြောင်းအုတ်ဖိုမြို့မရဲစန်းကသိရပါတယ်။
#voiceofmyanmar #အုတ်ဖို #လူသတ်မှု
