မုံရွာ-ဧပြီ ၁၃ ၊ ၂၀၂၁
ကိုတိုးကြီး (VOM)
စစ်ကိုင်းတိုင်း မုံရွာမြို့ အလယ်ရပ်ကွက် ပြည်ထောင်စုလမ်း အရင် အခွန်လွတ်စျေး နေရာက. အမှိုက်ကန်ထဲမှာ ဒီမနက် အစောပိုင်းက အမည်မသိ ရုပ်အလောင်း တစ်လောင်းတွေ့ရတယ်လို့ စည်ပင်ဝန်ထမ်း အသိုင်းအဝိုင်းကနေ သိရပါတယ်။
သတင်းအတည်ပြုချက်ရရှိဖို့ မုံရွာမြို့မရဲစခန်းကို VOM က မေးမြန်းတဲ့အခါ ရဲအရာရှိတစ်ယောက် ပြောပြတာက ” သေဆုံးသူကအသက် ၄၀ နှစ် ဝန်းကျင် အမည်မသိ ရုပ်အလောင်းဖြစ်ပြီး ပြင်ပ ဒဏ်ရာတွေပါတယ် သေဆုံးရတဲ့အကြောင်းကတော့ ရင်ခွဲစစ်ဆေးရဦးမယ် ” လို့ ဖြစ်ပါတယ်။
အမှိုက်ကန်ထဲကတွေ့ရှိရတဲ့ အဲ့ဒီရုပ်အလောင်းကို မုံရွာပြည်သူဆေးရုံကြီး ရင်ခွဲတိုက်သို့ ပို့ဆောင်ထားရာ ရင်ခွဲတိုက်က PR 095 အရ လက်ခံထားရှိတယ်လို့ သိရပါတယ်။
ပြီးခဲ့တဲ့ မတ်ထဲကလည်း မုံရွာမြို့ရှောင်လမ်းဘေးမှာ အသက် ၄ဝ အရွယ် အမည်မသိတစ်ယောက် ပြင်ဒဏ်ရာတွေနဲ့ သေဆုံးနေတာတွေ့ခဲ့ရပါသေးတယ်။
#voiceofmyanmar #VOM #မုံရွာအမည်မသိအလောင်းတလောင်းတွေ့
