အယ်လ်ဂျီးယား၊ မေ-၁၇-၂၀၂၄
မျိုးဆက်(VOM)
အယ်လ်ဂျီးရီးယားနိုင်ငံမှာ လွန်ခဲ့တဲ့ ၂၆ နှစ်ခန့်က ပျောက်ဆုံးသွားတဲ့ အမျိုးသား တယောက်ကို အိမ်နီးချင်းတယောက်ရဲ့ မြေအောက်ခန်းထဲမှာ အသက်ရှင်လျှက် ပြန်လည်တွေ့ရှိခဲ့ကြောင်း တာဝန်ရှိသူတွေက ပြောပါတယ်။
အိုမာဘင်အိုရန်းဆိုသူဟာ ဆယ်ကျော်သက်အရွယ် ၁၉၉၀ ပြည့်လွန်နှစ်များအတွင်း အယ်လ်ဂျီးရီးယား ပြည်တွင်းစစ်အတွင်း အယ်လ်ဂျီးယားနိုင်ငံ ဒဂျယ်ဖာမြို့ကနေ ပျောက်ဆုံးသွားခဲ့တာဖြစ်ပါတယ်။
လက်ရှိမှာ အသက် ၄၅ နှစ်ရှိပြီဖြစ်တဲ့ မစ္စတာဘင်အိုရန်းကို သူကြီးပြင်းရာအိမ်နေရာကနေ မီတာ ၂၀၀ အကွာမှာ ရှာဖွေတွေ့ရှိခဲ့တာဖြစ်ပါတယ်။ သူ့ကိုဖမ်းဆီးချုပ်နှောင်ထားတယ်လို့ သံသယရှိသူ ၆၁ နှစ်အရွယ် အမျိုးတယောက်ကို အာဏာပိုင်တွေက ဖမ်းဆီးထိန်းသိမ်းထားပါတယ်။
အိုမာဘင်အိုရန်း ဟာ အယ်လ်ဂျီးရီးယားအစိုးရနဲ့ အစ္စလာမ္မစ်အုပ်စုတွေအကြား ဆယ်စုနှစ်များစွာပဋိပက္ခတွေအတွင်း ပျောက်ဆုံးသွားခဲ့တာဖြစ်ပြီး ခန့်မှန်ခြေလူနှစ်သိန်းကျော် အသတ်ခံခဲ့ရ သို့မဟုတ် ပြန်ပေးဆွဲခံခဲ့ရပါတယ်။
သူဟာ အိမ်နီးချင်းတယောက်ရဲ့ အိမ်ရှိသိုးခြံအတွင်းရှိနေတယ်လို့ အမည်မဖော်လိုသူတယောက်ရဲ့ တိုင်ကြားချက်ကိုလက်ခံရရှိပြီးနောက် တာဝန်ရှိသူတွေကသွားရောက်စစ်ဆေးခဲ့ရာ အိမ်နီးချင်းရဲ့ မြေအောက်ခန်းမှာ တွေ့ရှိခဲ့တာဖြစ်ပါတယ်။
မစ္စတာဘင်အိုရန်းဟာ မြေအောက်ခန်းအတွင်းကနေ သူ့မိသားစုကို တခါတရံတွေ့ခဲ့ရကြောင်း ၊ ဒါပေမယ့် အကူအညီတောင်းဖို့ အခွင့်အရေးမရခဲ့ဘူးလို့ သူက ကယ်ဆယ်ရေးသမားတွေကို ပြောဆိုပါတယ်။
Ref:BBC
Photo:Twitter
Related posts
-
တပတ်အတွင်း ရွှေ၊ ဒေါ်လာ၊ စက်သုံးဆီနဲ့ အခြေခံစားသောက်ကုန်ဈေးကွက်
စက်တင်ဘာ ၂၉ – ၂၀၂၄SS (VOM)ဒီတပတ်မှာတော့ ပြင်ပဈေးကွက်မှာ ရွှေဈေးနှုန်းတွေ ဆက်တိုက် ကျဆင်းနေတာကို... -
ရှမ်းတောင်၊ ပုံးအင်းဒေသမှာ ရေဘေးကြောင့် မျိုးစပါးတွေပျက်စီးကုန်လို့ စိုက်ပျိုးရေးပါထိခိုက်
စက်တင်ဘာ ၂၉၊ ၂၀၂၄ သတင်း-ZY ရှမ်းပြည်နယ်တောင်ပိုင်းမှာ ဆန်စပါးအများဆုံးထွက်ရှိပြီး စပါးကျည်လို့ ခေါ်ဝေါ်ကြတဲ့ ပုံးအင်းဒေသမှာ... -
နီပေါ ရေကြီးမြေပြိုမှု လူ ၁၀၀ ကျော်သေပြီး ၇၀ နီးပါး ပျောက်ဆုံး
ခတ္တမန္ဒူ ၊ စက်တင်ဘာ-၂၉-၂၀၂၄ မျိုးဆက်(VOM) နီပေါနိုင်ငံမှာ မိုးသည်းထန်စွာရွာသွန်းပြီး ရေကြီးရေလျှံ မြေပြိုမှုတွေကြောင့် လူ...