တီဟီရန်၊ မေ-၂၀-၂၀၂၄
မျိုးဆက်(VOM)
အီရန်သမ္မတ အီဘရာဟင်ရိုင်ဆီနဲ့ နိုင်ငံခြားရေးဝန်ကြီၤးတို့ဟာ သူတို့စီးနင်းလာတဲ့ ရဟတ်ယာဉ်ပျက်ကျမှုအတွင်း သေဆုံးသွားကြောင်း အီရန်တာဝန်ရှိသူတွေက ဒီနေ့ မေ ၂၀ ရက်မှာ အတည်ပြုပြောဆိုပါတယ်။
သူတို့လိုက်ပါသွားတဲ့ ရဟတ်ယာဉ်ဟာ ထောင်ထူထပ်တဲ့ဒေသရဲ့ အေးခဲတဲ့ရာသီဥတုအခြေအနေမှာ ပျက်ကျခဲ့ပြီး ရဟတ်ယာဉ်အပျက်အစီးတွေကို တွေ့ရှိပြီးနောက် သူတို့အသက်ရှင်လွတ်မြောက်မယ်ဆိုတဲ့ မျှော်လင့်ချက်တွေ အဆုံးသတ်သွားခဲ့တယ်လို့ အီရန်တာဝန်ရှိသူတယောက်က ပြောပါတယ်။
“ ပျက်ကျမှုမှာ သမ္မတရိုင်ဆီရဲ့ ရဟတ်ယာဉ်ဟာ လုံးဝမီးလောင်းပျက်စီးသွားပြီး ကံမကောင်းစွာနဲ့ လိုက်ပါသူအားလုံး သေဆုံးသွားတယ်” လို့ တာဝန်ရှိသူက ရိုက်တာကိုပြောပါတယ်။
ကယ်ဆယ်ရေးအဖွဲ့တွေဟာ ဒီနေ့မနက်အစောပိုင်းမှာ အရှေ့အဇာဘိုင်ဂျန်ပြည်နယ်ရှိ ရဟတ်ယာဉ်ပျက်ကျရာနေရာကို ရောက်ရှိဖို့ကို နှင်းမုန်တိုင်းနဲ့ ခက်ခဲတဲ့မြေပြင်အနေအထားမှာ ညလုံးပေါက် ကြိုးပမ်းခဲ့ရပါတယ်။
“ အပျက်အစီးတွေကို ကျွန်တော်တို့တွေ့ရပါတယ်။ အခြေအနေမကောင်းဘူး။ ရဟတ်ယာဉ်ပေါ်လိုက်ပါသွားသူတွေရဲ့ အသက်ရှင်ကြောင်း အရိပ်အယောင်မတွေ့ရဘူး” လို့ အီရန်လခြမ်းနီအဖွဲ့ အကြီးအကဲက ဆိုပါတယ်။
အသက် ၆၃ နှစ်အရွယ် သမ္မတရိုင်ဆီသည် ၂၀၂၁ ခုနှစ်မှာ အီရန်သမ္မတအဖြစ် ရွေးချယ်ခံခဲ့ရပြီး ရာထူးစတင်ချိန်မှနောက်ပိုင်း အီရန်တွင် အကျင့်စာရိတ္တဆိုင်ရာ ဥပဒေများကို တင်းကြပ်မှုတွေကြောင့် အစိုးရဆန့်ကျင်ရေး ဆန္ဒပြပွဲများ အကြီးအကျယ်ဖြစ်ပွားမှုအပေါ် သွေးထွက်သံယိုနှိမ်နှင်းခဲ့ပြီး နျူကလီးယားအရေးမှာလည်း သဘောထားတင်းမာသူဖြစ်ပါတယ်။
Ref:Reuters
Ref:Reuters
Related posts
-
မြန်မာ – အိန္ဒိယနယ်စပ်က ဖျားနာနေတဲ့ စစ်ရှောင်တွေ ဆေးဝါးကုသခွင့်မရလို့ အသက်ဆုံးမှုတွေ ရှိလာ
စက်တင်ဘာ ၇ – ၂၀၂၄SS (VOM)မြန်မာ – အိန္ဒိယနယ်စပ်၊ ဥခရုလ်ခရိုင်က ဖျားနာနေတဲ့... -
အမှိုက် မိုးပျံပူပေါင်း ရာပေါင်းများစွာ မြောက်ကိုရီးယားက တောင်ကိုရီးယားဘက် လွှတ်တင်ပြန်
ဆိုးလ်၊ စက်တင်ဘာ-၇-၂၀၂၄မျိုးဆက်(VOM)မြောက်ကိုရီးယားဟာ အမှိုက်တွေပါတဲ့ မိုးပျံပူပေါင်း ရာပေါင်းများစွာကို တောင်ကိုရီးယားဘက်ကို ထပ်မံလွှတ်တင်ခဲ့တယ်လို့ တောင်ကိုရီးယားစစ်တပ်က ပြောပါတယ်။မနေ့ကနှောင်းပိုင်းမှာ... -
ထားဝယ်က မျောက်ကျောက် သံသယလူနာ ရောဂါကူးစက်မှု မတွေ့ရ
စက်တင်ဘာ ၇ – ၂၀၂၄ SN (VOM) တနင်္သာရီတိုင်း၊ ထားဝယ်မြို့မှာတွေ့ရှိတဲ့ မျောက်ကျောက်...