အဘူဂျာ၊ စက်တင်ဘာ-၅-၂၀၂၄
ရတီ(VOM)
နိုင်ဂျီးရီးယားနိုင်ငံမှာ လောင်စာဆီရှားပါးပြတ်လပ်မှုတွေကြောင့် ဆီဆိုင်တွေမှာ တန်းစီစောင့်ဆိုင်းနေရပြီး နိုင်ငံပိုင် ရေနံကုမ္ပဏီကလည်း စျေးနှစ်ဆတက်လိုက်ပါတယ်။
မြို့တော်အဘူဂျာမှာ ဓါတ်ဆီဆိုင်အများစု ဖွင့်ထားပေမယ့်လည်း အလှည့်ကျစနစ်ကြောင့် ကားပေါ်မှာ ညအိပ်တန်းစီစောင့်ဆိုင်းနေရတယ်လို့ ယာဉ်မောင်းတွေက ပြောပါတယ်။ ဒါပေမယ့်လည်း ခွဲတမ်းကုန်သွားရင် လှည့်ပြန်ရတာပဲလို့ ဆိုပါတယ်။
နိုင်ငံတဝန်း ဓါတ်ဆီဆိုင်တွေမှာ ဆီရဖို့အတွက် လူတန်းရှည် ၊ကားတန်းရှည်ကြီးတွေ နေရာအနှံ့တွေ့နေရပြီး မြို့တော်လာဂို့စ်ရှိ ဘတ်စ်ကားဂိတ်တွေမှာ ခရီးသည်တွေစောင့်ဆိုင်းနေပေမယ့် ပြေးဆွဲတဲ့ဘတ်စ်ကားကတော့ အနည်းအကျဉ်းသာရှိပါတယ်။
နိုင်ဂျီးရီးယားလောင်စာတင်သွင်းပြီး ပုဂ္ဂလိက ကုမ္ပဏီတွေကို ပြန်လည်ဖြန့်ဝေနေတဲ့ နိုင်ဂျီးရီးယား အမျိုးသားရေနံကော်ပိုရေးရှင်းကတော့ ကြွေးမြီတွေနဲ့ ကမ္ဘာလုံးဆိုင်ရာ ရေနံစျေးတက်တာကြောင့် စျေးတင်ရတာဖြစ်တယ်လို့ ဆိုထားပါတယ်။
အချို့ဒေသတွေမှာတော့ အများသူငှာသယ်ယူပို့ဆောင်ရေး ဝန်ဆောင်ခတွေ ပိုမိုစျေးတက်သွားပါတယ်။ ဓါတ်ဆီတလီတာ၆၁၇ နိုင်ရာမှ ၈၉၇ နိုင်ရာကို တိုးမြှင့်လိုက်ကြောင်း နိုင်ငံပိုင် အမျိုးသားရေနံကော်ပိုရေးရှင်းက ပြီးခဲ့တဲ့နေ့က ကြေညာခဲ့ပါတယ်။
စျေးတက်လိုက်ပြီးနောက် ပုဂ္ဂလိကကုမ္ပဏီတွေကလည်း အချိူ့သောပြည်နယ်တွေမှည ဓါတ်ဆီတလီတာ ၁၂၀၀ နိုင်ရာနဲ့ ရောင်းချနေပြီး ရောင်းချစရာမရှိလို့ ပိတ်ထားရသော ဆိုင်အများအပြားလည်းရှိနေသလို အဝေးပြေးကားလိုင်းအချို့လည်း ပြေးဆွဲမှုရပ်နားလာတာတွေရှိတယ်လို့ ဒေသခံတွေက ပြောပါတယ်။
Ref:BBC
Photo:ConsumerConnect
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...