(လက်အရှိဖြစ်စုနေတဲ့ ရခိုင်ပြည်နယ်တိုက်ပွဲတွေကြား၊ သူတို့လုံခြုံရေးအတွက် တာဝန်ယူမှု တာဝန်ခံမှုတွေမရှိတာကြောင့် နှုတ်ထွက်ရတာဖြစ်တယ်လို့ ရပ်ကျေးအုပ်ချုပ်ရေးမှူးတွေကပြောပြီး သူတို့ရဲ့ တံဆိပ်တုံးတွေကို ပြန်အပ်ခဲ့ကြပါတယ်)
(ဓာတ်ပုံ – ခိုင်လင်းစံ)
မြောက်ဦး၊ မတ် ၁-၂၀၁၉
ခိုင်လင်းစံ (VOM)
ရခိုင်ပြည်နယ်အတွင်း တိုက်ပွဲတွေဖြစ်ပွားခဲ့တဲ့ နေရာတွေမှာရှိတဲ့ ကျေးရွာအုပ်ချုပ်ရေးမှူးတွေကို ဖမ်းဆီးတာတွေ၊ တရားစွဲဆိုမှုတွေပြုလုပ်နေပြီး မနေ့ ဖေဖော်ဝါရီ ၂၈ ရက်နေ့က မြောက်ဦးမြို့နယ်အတွင်းမှာ အုပ်ချုပ်ရေးမှူးလေးဦး ထပ်မံဖမ်းဆီးခံရတဲ့နောက် ရပ်ကျေးအုပ်ချုပ်ရေးမှူးတွေ အစုလိုက်အပြုံလိုက် တာဝန်က နှုတ်ထွက်နေကြပါတယ်။
အခုလိုမျိုး တိုက်ပွဲတွေဖြစ်ပွားခဲ့တဲ့ ဒေသတွေက ကျေးရွာအုပ်ချုပ်ရေးမှူးတွေ ဖမ်းဆီးစစ်ဆေးတာတွေကို ခံနေရတဲ့အတွက် ကျေးရွာအုပ်ချုပ်ရေးမှူးတွေကို တာဝန်ယူမှု တာဝန်ခံမှုမရှိတဲ့အတွက် မြောက်ဦးမြို့နယ်အတွင်းက အုပ်ချုပ်ရေးမှူး ၈၉ ဦးနဲ့ ကျေးရွာတာဝန်ခံတစ်ဦးတို့ဟာ လက်ရှိတာဝန်ကနေ နှုတ်ထွက်လိုက်ကြတာဖြစ်ပါတယ်။
“မနေ့က ကျွန်တော်တို့ အုပ်ချုပ်ရေးမှူး လေးယောက်ကို ရဲကဖမ်းဆီးသွားတဲ့အတွက် ပြန်ပြီးတော့ လွတ်မြောက်လာဖို့ ကြိုးစားခဲ့ကြတယ်။ မြို့နယ်အုပ်ချုပ်ရေးမှူးတို့ ခရိုင်အုပ်ချုပ်ရေးမှူးတို့ကိုလည်း အကူအညီတောင်းခဲ့တယ်။ ဒါပေမယ့် သူတို့ကို လွှတ်ပေးနိုင်ခြင်းမရှိဘူး။ ဒါကြောင့်ကျွန်တော်တို့ နှုတ်ထွက်လိုက်ကြတာဖြစ်ပါတယ်။” လို့ သံရှင်ပြင်ကျေးရွာ အုပ်ချုပ်ရေးမှူး ဦးခင်မောင်ဆန်းက ပြောပါတယ်။
ဒီလို တိုက်ပွဲတွေဖြစ်တိုင်းသာ ကျေးရွာအုပ်ချုပ်ရေးမှူးတွေကို လိုက်လံဖမ်းဆီး တရားစွဲဆိုတာတွေ လုပ်နေမယ်ဆိုရင် တိုက်ပွဲဖြစ်ပွားတဲ့ တခြားဒေသတွေက အုပ်ချုပ်ရေးမှူးတွေကိုလည်း ထပ်ပြီးတော့ ဖမ်းဆီးလာနိုင်တာကြောင့် လုံခြုံမှုမရှိတဲ့အတွက် နှုတ်ထွက်ရတာဖြစ်တယ်လို့ နှုတ်ထွက်သူတွေက ပြောပါတယ်။
“ဖမ်းဆီးခံရတဲ့ အုပ်ချုပ်ရေးမှူး လေးယောက်ပြန်လွတ်ဖို့အတွက် ကျွန်တော်တို့ အုပ်ချုပ်ရေးမှူး ၄၀ လောက်ဟာ မနေ့က စောင့်ဆိုင်းနေခဲ့တယ်။ မလွတ်လာတဲ့အတွက် ညနေပိုင်းမှာ မြို့နယ်အုပ်ချုပ်ရေးမှူးဆီမှာ အားလုံးသဘောဆန္ဒအရ နှုတ်ထွက်ခဲ့ပြီး ဖြစ်ပါတယ်။ ကျန်တဲ့အုပ်ချုပ်ရေးမှူးတွေကို ဒီကနေ့အစည်းအဝေးခေါ်ယူပြီး အစည်းအဝေးဆုံးဖြတ်ချက်နဲ့ အပြီးသတ်နှုတ်ထွက်စာကို တင်ခဲ့တာဖြစ်ပါတယ်။”လို့ သူကပြောပါတယ်။
မြောက်ဦးမြို့နယ်အတွင်းမှာ ကျေးရွာပေါင်း ၂၄၆ ရွာ၊ အုပ်စု ၁၀၂ အုပ်စုရှိပြီး အုပ်ချုပ်ရေးမှူး ၈၉ ဦးနဲ့ ကျေးရွာတာဝန်ခံတစ်ဦး တပြိုင်နက်တည်း နှုတ်ထွက်ခဲ့ပြီး၊ ဝေးလံပြီး ဆက်သွယ်သွားလာရေးခက်ခဲတဲ့ ကျေးရွာတွေက ဒီကနေ့အစည်းအဝေးကို မတက်ရောက်နိုင်တဲ့ အုပ်ချုပ်ရေးမှူး ၉ ဦးပဲ ကျန်ရှိခဲ့တယ်လို့ သိရပါတယ်။
