မတ် ၃၀-၂၀၁၉
ကိုထွန်း(VOM)
လက်ရှိရခိုင်ပြည်နယ်မှာ တိုက်ပွဲတွေ အဆက်မပြတ်ဖြစ်ပွားနေပေမယ့် လောလောဆယ်အနေအထားမှာ အစိုးရအနေနဲ့ စစ်အုပ်ချုပ်ရေးကြေငြာဖို့ အစီအစဉ်မရှိသေးဘူးလို့ သမ္မတအိမ်တော်မှာပြုလုပ်တဲ့သတင်းစာရှင်းလင်းပွဲမှာ ပြန်ကြားရေးတာဝန်ခံ ဦးဇော်ဌေးကပြောပါတယ်။
“ဒီကိစ္စကလောလောဆယ်မှာတော့ တိုက်ပွဲကတော့ဆက်ဖြစ်နေဦးမှာပဲ၊လောလောဆယ်အနေအထားအရပေါ့၊ဘာကြောင့်လဲဆိုတော့ ကျေးရွာတွေကိုအခြေပြုတဲ့ ပျောက်ကျားစစ်ဆင်ရေးလုပ်နေတာဖြစ်တဲ့အတွက် အဲ့ဒီကိစ္စကကြာရှည်တတ်ပါတယ်။ကျွန်တော်တို့ နိုင်ငံမှာ ဖြစ်တဲ့ပြည်တွင်းလက်နက်ကိုင်ပဋိပက္ခသမိုင်းကြောင်းကိုပြန်ကြည့်လိုက်ရင် ဒီလိုမျိုးလူထုကို အကာအကွယ်ယူပြီးလုပ်တဲ့ဟာကိုင်တွယ်ရခက်ပါတယ်။အဲ့ဒီတော့ပြတ်ပြတ်သားသားအနေအထားရဖို့ရာအတွက်တော်တော်လေးလုပ်ယူရမှာ ဖြစ်တာကြောင့်နည်းနည်းတော့ကြာရှည်နိုင်ပါတယ်၊သို့သော် ဒီနေ့ဒီအခြေအနေအပေါ်မှာ ရခိုင်ပြည်နယ်ကို စစ်အုပ်ချုပ်ရေးကြေညာဖို့ ဆိုတာတော့ အစိုးရမှာ အစီအစဉ်မရှိသေးပါဘူး”လို့  ဦးဇော်ဌေးကပြောပါတယ်။
ရခိုင်ပြည်နယ်မှာရှိတဲ့ စစ်ဘေးဒုက္ခသည်တွေအတွက်လည်း နေ့တိုင်းတိုးတက်လာနေပြီး လက်ရှိမှာစစ်ဘေးရှောင်သူတစ်သောင်းကျော်အထိရှိနေပြီလို့လည်း ထုတ်ပြန်ခဲ့ပါတယ်။
“IDPအတွက်နိုင်ငံတော် အစိုးရက ဘာလုပ်ပေးလဲဆိုတော့ ပြည်နယ်အစိုးရကရော အဓိကတာဝန်ရှိတဲ့ လူကယ်ပြန်ဝန်ကြီးငှာနပေါ့နော် အဲ့ဒါကကူညီထောက်ပံ့မှုတွေလုပ်နေပါတယ်။အခုကျွန်တော်တို့ တိုက်တွန်းနေတာကဘာလည်းဆိုတော့ ဒီcamp (စစ်ဘေးဒုက္ခသည်စခန်း)တွေက နေရာမျိုးစုံမှာ ပြန့်ကျဲနေတယ်။ကောင်းကောင်းမွန်မွန်ထောက်ပံ့နိုင်ဖို့ အတွက်စနစ်တကျ စုစည်းပြီးတော့ အထူးသဖြင့် စားနပ်ရိက္ခာ ကျန်းမာရေးပေါ့ ဒါတွေကိုအထောက်အကူပေးနိုင်ဖို့ အတွက် လွယ်ကူတဲ့နေရာဖြစ်ရမယ်။ပြည်တွင်းပြည်ပအလှူရှင်တွေ ကူညီပံ့ပိုးမှုပေးချင်တယ်ဆိုရင်လည်း လွယ်လွယ်ကူကူပေးနိုင်တဲ့နေရာမျိုးဆိုရင်အဆင်ပြေတယ် အဲ့လိုအချက်အလက်တွေပြည့်စုံတဲ့နေရာမျိုးဖြစ်ရမယ်လို့ ပြည်နယ်အစိုးရကိုပြောနေပါတယ်”လို့ ဦးဇော်ဌေးကဆိုပါတယ်။
#voiceofmyanmar #ရခိုင်ပြည်နယ် #စစ်အုပ်ချုပ်ရေး #စစ်ဘေးရှောင်ဒုက္ခသည်။
