ဝေါ၊ ဇန်နဝါရီ ၁၆-၂၀၂၀ မိုးယံ(VOM) ပဲခူးတိုင်း၊ ဝေါမြို့နယ်၊ နောင်ပတ္တရားကျေးရွာအရှေ့ဘက်လယ်ကွင်းမှာ ဒီကနေ့မနက်ပိုင်းက နေအိမ်တစ်လုံးမီးလောင်ရာကနေ ကလေးနှစ်ဦးမီးလောင်သေဆုံးခဲ့တယ်လို့ ဝေါမြို့မရဲစခန်းကသိရပါတယ်။ နောင်ပတ္တရားကျေးရွာအရှေ့ဘက် ကွင်းအမှတ်(၆၇၄-က) လယ်ကွင်းအတွင်းက နေအိမ်(၁)လုံးမှာ မီးလောင်မှုဖြစ်ပွားတဲ့အတွက် ဝေါမြို့နယ်ရဲမှူးနဲ့အဖွဲ့က သွားရောက်စစ်ဆေးခဲ့ရာမှာ ခုလိုတွေ့ရှိတာ ဖြစ်တယ်လို့ ရဲမှတ်တမ်းမှာဖော်ပြထားတာ ဖြစ်ပါတယ်။ ‟မိဘတွေကမရှိဘူး၊ ပဲခူးမြို့ကိုဈေးဝယ်သွားကြတယ်၊ အကိုက မီးဖိုသုံးရင်းမီးလောင်သွားတာပါ၊ အကိုက ထိုင်ရက်သွားနိုင်တယ်၊ အငယ်ကောင်လေးက မထနိုင်ဘူး နှစ်ယောက်လုံးမီးထဲပါသွားတာပါ”လို့ ဝေါမြို့မရဲစခန်းမှ စခန်းမှူး ဒုရဲမှူးရဲစိုးကVOMအတည်ပြုပြောပါတယ်။ မီးလောင်မှုဖြစ်ပွားတဲ့နေအိမ်မှာ အသက်(၅၁)နှစ်ရှိ ဦးနိုင်လင်းပိုင်တဲ့ ၃ပေ၅ပေသွပ်မိုး၊ ထရံကာ၊ ပျဉ်းခင်း နေအိမ်ကိုမီးလောင်ခဲ့တာဖြစ်ပါတယ်။ မိဘနှစ်ဦးအပြင်သွားနေချိန် အိမ်အနောက်ဖေးမီးဖိုဆောင်မီးဖိုမှာ သားအငယ်ဆုံးက ရေနွေးအိုးတည်နေရာကနေ မီးစတင်လောင်ခဲ့ခြင်းဖြစ်ပြီး ညီအစ်ကို (၂)ဦးလုံးမှာ မီးလောင်ကျွမ်းဒဏ်ရာတွေနဲ့ သေဆုံးနေခဲ့တာ ဖြစ်ပါတယ်။ မီးလောင်သေဆုံးတာနဲ့ပတ်သက်ပြီး ဝေါမြို့မရဲစခန်းက တရားလိုပြုလုပ်ပြီး သေဆုံးသွားတဲ့ မောင်ဖြိုးခိုင်ဟန်ကို (ပ)၁၃/၂၀၂၀ရာဇသတ်ကြီးပုဒ်မ ၂၈၅/၃၀၄-(က)နဲ့ အမှုဖွင့်ထားတယ်လို့ သိရပါတယ်။…
Read Moreနေအိမ်မီးလောင်ရာကနေ ကလေးနှစ်ဦး မီးလောင်သေဆုံး
