မင်းကွန်းမှာ ငွေကျပ်သန်း ၁၅၀ နဲ့ ကမ်းပြိုကာကွယ်ရေးလုပ်ငန်းဆောင်ရွက် စစ်ကိုင်း၊ မတ် ၁၄-၂၀၂၀ မောင်တာရာ(VOM) စစ်ကိုင်းမြို့နယ်၊ မင်းကွန်းရွာမှာ ကျပ်သန်း ၁၅၀ နဲ့ ဧရာဝတီမြစ် ကမ်းပြိုကာကွယ်ရေးလုပ်ငန်းတွေကို စတင်ဆောင်ရွက်နေပြီဖြစ်တယ်လို့ စစ်ကိုင်းတိုင်း၊ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာန ဦးစီးမှူး ဦးကျော်စိုးက ပြောပါတယ်။ မင်းကွန်းဒေသမှာ ဧရာဝတီမြစ် ကမ်းပြိုကာကွယ်ရေးအတွက် ကျောက်စီမြေထိန်းနံရံ အလျား ၉၀၀ ကို တင်ဒါအောင်မြင်တဲ့ကုမ္ပဏီကနေ တာဝန်ယူတည်ဆောက်သွားမှာဖြစ်ပြီး လက်ရှိမှာတော့ လုပ်ငန်းတွေကို စတင်ဆောင်ရွက်နေပြီဖြစ်ပါတယ်။ ”အခု ဆောင်ရွက်တဲ့နေရာက ရေလမ်းကြောင်းအရ ရေဦးထိုး တိုက်စားမှုတော့ မရှိပါဘူး။ အဲ့ဒီနေရာမှာ ရေယာဉ်တွေ ဆိုက်ကပ်တဲ့နေရာဖြစ်တယ်။ သူရဲ့ အထက်ဘက်မှာဆိုလည်း အခု ဆောင်ရွက်သလိုပဲ ကျောက်စီကမ်းထိန်းနံရံတွေ ဆောင်ရွက်ထားတာရှိတယ်၊ အဲဒါနဲ့ တခါတည်းဆက်ပြီး ဆိမ်းကမ်းသာယာလှပရေး၊ ရေရှည်ခိုင်မာရေးအတွက်ရော ကောင်းအောင် ဆောင်ရွက်တာဖြစ်ပါတယ်”လို့ စစ်ကိုင်းတိုင်း၊ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန၊တိုင်းဦးစီးမှူး ဦးကျော်စိုးက ပြောပါတယ်။…
Read Moreမင်းကွန်းမှာ ငွေကျပ်သန်း ၁၅၀ နဲ့ ကမ်းပြိုကာကွယ်ရေးလုပ်ငန်းဆောင်ရွက်
