သစ်ကားတစ်စီးတိမ်းမှောက်ပြီး လူ(၄)ဦးသေဆုံး ဟင်္သာတ၊ မေ၂-၂၀၂၀ ဂျန်ကိုးလ်(VOM) ဧရာဝတီတိုင်း၊ ဟင်္သါတခရိုင်၊ လေးမျက်နှာမြို့နယ်မှာ မနေ့ မေလ(၁)ရက်ညပိုင်းက သစ်ကားတစ်စီးတိမ်းမှောက်ပြီး လူ၄ဦးသေဆုံးသွားတယ်လို့ လေးမျက်နှာသစ်တောဦးစီးဌာနက ပြောပါတယ်။ အဲ့ဒီကားဟာ တရားမဝင်သစ်(၂)တန်ကျော် တင်ဆောင်လာရင်း ဝါးတောကွင်းကျေးရွာအုပ်စု၊ ထောက်ကြံကွင်းကျေးရွာနားက ကြံခင်းရိုးတံတားအနီးမှာ တိမ်းမှောက်ခဲ့တာ ဖြစ်ပါတယ် “ဟုတ်ပါတယ်ခင်ဗျာ ညကဖြစ်တာပါ။ ကားက တံတားနားမှာမှောက်တာပါ။ ကားပေါ်ပါလာတဲ့လူလေးဦးတော့ နေရာတင် ပွဲချင်းပြီးသေဆုံးသွားတာပါ “လို့ လေးမျက်နှာမြို့နယ်သစ်တောဦးစီးဌာနကတောအုပ် ဦးဇော်ဝင်းနိုင်ကပြောပါတယ်။ လတ်တလောမှာတော့ မြို့နယ်ရဲတပ်ဖွဲ့က ယာဉ်မတော်ဆမူ့ကြောင့် လူသေဆုံးခဲ့ရတဲ့အတွက် ရာဇသတ်ကြီး ဥပဒေပုဒ်မ၃၀၄/က နဲ့ အမှု့ဖွင့်ထားပြီး သစ်တောဦးစီးဌာနက သစ်တောဥပဒေအရ အရေးယူသွားမယ်လို့ သိရပါတယ်။ ဟသာၤတခရိုင်အတွင်း ပြီးခဲ့တဲ့ဧပြီ ၂၉ ရက်နေ့က အင်္ဂပူမြို့နယ်ကွင်းကောက်မှာ ဝါးကားတိမ်းမှောက်ပြီး အခုလိုလူလေးဦးသေဆုံးကာ လေးဦးကိုတော့ အရေးပေါ်ကုသနေရဆဲဖြစ်တယ်လို့ သိရပါတယ်။ #voiceofmyanmar #VOM #ဟင်္သာတ #သစ်ကားမှောက် #လူသေဆုံး Zawgyi…
Read More
