အစားအစာမှတစ်ဆင့် ကိုရိုနာဗိုင်းရပ်စ်ကူးစက်တဲ့ သက်သေအထောက်အထားမရှိ ဂျီနီဗာ၊ သြဂုတ်-၁၄-၂၀၂၀ မျိုးဆက် (VOM) ကိုရိုနာဗိုင်းရပ်စ်ဟာ အစားအစာထုတ်လုပ်ခြင်းနဲ့ဖြန့်ဖြူးခြင်းတွေကတစ်ဆင့် ကူးစက်ပျံ့နှံ့နိုင်တဲ့ သက်သေအထောက်အထားမရှိဘူးလို့ ကမ္ဘာ့ကျန်းမာရေးအဖွဲ့က ထုတ်ဖော်ပြောဆိုလိုက်ပါတယ်။ ဘရာဇီးနိုင်ငံကနေတင်သွင်းတဲ့ အေးခဲကြက်သားတွေမှာ ကိုရိုနာဗိုင်းရပ်စ်တွေ့ရှိတယ်လို့ တရုတ်နိုင်ငံက ကြေညာပြီးနောက် သြဂုတ် ၁၃ ရက်မှာ ပြုလုပ်တဲ့ သတင်းစာရှင်းလင်းပွဲမှာ ကမ္ဘာ့ကျန်းမာရေးအဖွဲ့ တာဝန်ရှိသူတွေက အခုလိုထုတ်ဖော်ပြောဆိုလိုက်တာဖြစ်ပါတယ်။ တရုတ်နိုင်ငံမှာ ဖြစ်ပွားခဲ့တဲ့ ဖြစ်စဉ်တွေကို သိရှိရကြောင်း၊ ဒါပေမယ့် ထောင်ပေါင်းများစွာသော အေးခဲကြက်သားနမူနာတွေကို စစ်ဆေးရာမှာ မဖြစ်စလောက်ပမာဏမှာသာ ဗိုင်းရပ်စ်တွေ့ရှိခဲ့ရတယ်လို့ ကမ္ဘာ့ကျန်းမာရေးအဖွဲ့ ၊ ကိုရိုနာဗိုင်းရပ်စ်တုံ့ပြန်ရေး နည်းပညာဆိုင်ရာအကြီးအကဲ မာရီယာဗန်ကာဟွတ်က ပြောပါတယ်။ ဗိုင်းရပ်စ်ဟာ အသားတွေမှာရှိနေတယ်ဆိုရင်တောင် သင့်တော်တဲ့အပူချိန်နဲ့ ချက်ပြုတ်လိုက်မယ်ဆိုရင် သေသွားမှာဖြစ်တယ်လို့ မာရီယာက ပြောပါတယ်။ တာဝန်ရှိသူတွေအနေနဲ့ ဒီဖြစ်စဉ်တွေအပေါ်မှာ ဆက်လက်လေ့လာသွားမှာဖြစ်ပြီး အစာကွင်းဆက်ကတဆင့် ဗိုင်းရပ်စ်ကူးစက်ပျံ့နှံ့တဲ့ သက်သေအထောက်အထားမရှိဘူးလို့ ကမ္ဘာ့ကျန်းမာရေးအဖွဲ့ အရေးပေါ်အစီအစဉ်အကြီးအကဲ မိုက်ကယ်ရိုင်ယန်ကလည်း ပြောဆိုလိုက်တာဖြစ်ပါတယ်။ Ref…
Read Moreအစားအစာမှတစ်ဆင့် ကိုရိုနာဗိုင်းရပ်စ်ကူးစက်တဲ့ သက်သေအထောက်အထားမရှိ
