နိုဝင်ဘာ ၂၁-၂၀၂၀ သိင်္ဂီထွန်း(VOM) ရန်ကုန်တိုင်းထဲက စားသောက်ဆိုင်တွေကို COVID-၁၉ ကျန်းမာရေးညွှန်ကြားချက်တွေနဲ့ အညီ စနစ်တကျ ပြန်လည်ဖွင့်လှစ်ခွင့်ပြုဖို့အတွက် ရန်ကုန်တိုင်းအစိုးရကို အကြံပြုစာပေးပို့ထားတယ်လို့ မြန်မာနိုင်ငံစားသောက်ဆိုင်လုပ်ငန်းရှင်များအသင်းကနေ သိရပါတယ်။ ကိုဗစ်ကပ်ရောဂါကာလမှာ Stay at Home အဖြစ် သတ်မှတ်ထားတာဟာ ကာလကြာမြင့်လာတာနဲ့အမျှ ပိတ်ထားရတဲ့လုပ်ငန်းတွေ ရပ်တည်နိုင်ဖို့ အခက်အခဲတွေရှိနေတာကြောင့် စားသောက်ဆိုင်လုပ်ငန်းတွေ ပြန်လည်ဖွင့်လှစ်ခွင့်ရရှိဖို့ တင်ပြထားတာဖြစ်တယ်လို့ သိရပါတယ်။ “စားသောက်ဆိုင်လုပ်ငန်းရှင်တွေအနေနဲ့လည်း ဆိုင်တွေပြန်ဖွင့်ဖို့ လိုလားကြပါတယ်။ ဘာကြောင့်ဆို အိမ်လခတွေ၊ ဆိုင်လခတွေ၊ ဝန်ထမ်းလခတွေ ဒါတွေကို တော်တော်လေး ပေးနေရတော့ မခံနိုင်ကြတော့ဘူး။ နောက်ထပ် ၂ လလောက်သာ ဒီအတိုင်းပေးနေရမယ်ရင် နလန်မထူနိုင်တဲ့ဆိုင်တွေ အများကြီးဖြစ်သွားနိုင်တယ်”လို့ မြန်မာနိုင်ငံစားသောက်ဆိုင်လုပ်ငန်းရှင်များအသင်း(MRA)ဥက္ကဋ္ဌ ဦးနေလင်းကပြောပါတယ်။ ဆိုင်တွေ ပြန်လည်ဖွင့်ခွင့်ရခဲ့မယ်ဆိုရင် စားသောက်ဆိုင်တွေအနေနဲ့လည်း ကိုဗစ်နဲ့အတူ ယှဉ်တွဲပြီး စည်းမျဉ်း၊စည်းကမ်းတွေအားလုံးကို လိုက်နာဖို့လိုအပ်တဲ့အတွက် စားသောက်ဆိုင်ပိုင်ရှင်တွေကလည်း ပြန်လည်ဖွင့်လှစ်ခွင့်ရချင်ကြောင်းနဲ့ ဖွင့်ခွင့်ရခဲ့ရင် သတ်မှတ်စည်းကမ်းချက်တွေကို လိုက်နာမှာဖြစ်တယ်လို့ သိရပါတယ်။…
Read Moreစားသောက်ဆိုင်တွေကို ကိုဗစ်စည်းကမ်းနဲ့အညီ ပြန်လည်ဖွင့်လှစ်ခွင့်ပြုဖို့ ရန်ကုန်တိုင်းအစိုးရကိုတင်ပြထား
