Day: March 4, 2021

မတ် ၄-၂၀၂၁ VOM ပြည်မြို့၊ မြို့သစ် ၂ လမ်းက နေအိမ်တစ်အိမ်ကို ဆန္ဒပြကျောင်းသားတွေ လက်ခံထားတယ်ဆိုပြီး ဒီနေ့ မတ်လ ၄ရက်နေ့မှာ ရဲတွေက ဝင်ရောက်ဖျက်ဆီးသွားခဲ့တယ်လို့ ရပ်ကွက်နေသူတွေဆီကနေ သိရပါတယ်။ ဒီနေ့မနက်ပိုင်းက ဆန္ဒပြကျောင်းသားတွေကို ရဲတပ်ဖွဲ့က မျက်ရည်ယိုဗုံးနဲ့ ရာဘာကျည်တွေအသုံးပြုပြီး လူစုခွဲပြီးနောက် ကျောင်းသားတွေလက်ခံထားတယ်ဆိုပြီး အဲ့ဒီအိမ်ကို ဝင်ရှာခဲ့တာဖြစ်ပါတယ်။ တစ်အိမ်လုံး အိမ်အပေါ်ထပ်၊ အောက်ထပ်ကိုပါ ဖျက်ဆီးခဲ့ကာ ဘုရားတည်ဖို့ထားတဲ့ အလှူခံပုံးကိုဖျက်စီးပြီး ပိုက်ဆံတွေယူသွားသလို CCTV ၃လုံးနဲ့ ဆိုင်ကယ်တစီးလည်း ဖျက်စီးခံရတယ်လို့ သိရပါတယ်။ ဆန္ဒပြကျောင်းသားတွေကိုတော့ အဲ့ဒီအိမ်ထဲမှာ ရှာမတွေ့သွားဘူးလို့ သိရပါတယ်။ #VoiceOfMyanmar #VOM #ပြည် #အိမ်ကိုဝင်ဖျက် #ဆန္ဒပြကျောင်းသားဝင်ရှာ

မန္တလေး၊ မတ် – ၄- ၂၀၂၁ ရှိုင်းအောင်(VOM) မန္တလေးမြို့က သံဃသမဂ္ဂ သပိတ်စစ် ကြောင်းအဖွဲ့က မစိုးရိမ်ကျောင်းတိုက်ရှေ့မှာ ထိုင်သပိတ်ပြုလုပ်ခဲ့ပြီး “စစ်အာဏာရှင် အလိုမရှိ”ကြောင်းကို လမ်းလျှောက်ပြီး ဆန္ဒပြခဲ့ကြပါတယ်။ #VOM #voiceofmyanmar #Mandalay #ဆန္ဒပြ #သံဃသမဂ္ဂ

မတ် ၄-၂၀၂၁ VOM ပြည်မြို့၊ ခေတ္တရာရပ်ကွက်မှာ ဒီနေ့ မတ်လ ၄ရက်နေ့ မနက်ပိုင်းက ဆန္ဒပြနေတဲ့ ပြည်သူတွေအကြား အရပ်ဝတ်လူတစ်ဦးကိုဖမ်းဆီးပြီး စစ်ဆေးရာ ရဲတပ်ဖွဲ့ဝင်တစ်ဦး ဖြစ်နေတယ်လို့ သိရပါတယ်။ ဖမ်းဆီးရမိထားတဲ့လူ လွယ်ထားတဲ့အိတ်ထဲမှာ စမတ်ဖုန်း ၃ လုံး၊ ဒါးမြှောင်တချောင်း၊ လောက်လေးခွတစ်လက်၊ အဆစ်ပါသံတုတ်တစ်ချောင်း၊ ရဲကော်လံတံဆိပ်တစ်စုံ၊ ရဲဝန်ထမ်းကဒ်၊ မှတ်ပုံတင်တခုနဲ့ ATM ကဒ်တခု တွေ့ရှိခဲ့တယ်လို့သိရပါတယ်။ “သူ့ကိုသပိတ်စစ်ကြောင်း နောက်လိုက်လာတာတွေ့လို့ မေးကြည့်တာ ဒီနားကအသိအိမ်ကိုလာတယ်ပြောတယ်။ နောက်ကထပ်လိုက်လာပြီး ဖုန်ဆက်နေတာတွေ့လို့ ကျနော်တို့စစ်ဆေးကြည့်တော့ သူ့လွယ်ထားတဲ့အိတ်ထဲကနေ ရဲကဒ်နဲ့ လက်နက်တွေတွေ့တာပါ” လို့ မျက်မြင်တွေ့ရှိသူတဦးက ပြောပြပါတယ်။ ရပ်ကွက်နေပြည်သူတွေရဲ့ ဖမ်းဆီးစစ်ဆေးမေးမြန်းမှုအရ ဖမ်းဆီးခံထားရတဲ့ ရဲဝန်ထမ်းဟာ ပြည်မြို့ အမှတ် ၃ နယ်မြေရဲစခန်းက ရဲဝန်ထမ်းတစ်ဦးဖြစ်တယ်လို့သိရပါတယ်။ ဒီကိစ္စနဲ့ ပတ်သက်ပြီး ဖမ်းဆီး ထိန်းသိမ်းခံထားရတဲ့ ရဲဝန်ထမ်းက “ကျနော်ကအခုကိစ္စနဲ့ ပတ်သက်ပြီးတော့ လာတာမဟုတ်ဘူး။…

မန္တလေး-မတ်-၄-၂၀၂၁ Voice Of Myanmar   မြန်မာနိုင်ငံသတင်းမီဒီယာကောင်စီမှာ ကောင်စီဝင်အတော်များများ နုတ်ထွက်သွားလို့ ၂ ဦးတည်းကျန်တာမို့ ကောင်စီဝင်အဆိုပြုလွှာတွေ လျှောက်ထားဖို့ ပြန်ကြားရေးဝန်ကြီးဌာနက ပြီးတဲ့အပတ်က ကြေငြာခဲ့ပါတယ်။   လက်ရှိအနေအထားမှာ နစအကောင်စီက လုပ်ဆောင်ဖို့ ဖိတ်ခေါ်ထားလို့ လက်ခံထားသူ ၄ယောက်ထွက်ပေါ်လာတယ်လို့ နီးစပ်တဲ့အသိုင်းအဝိုင်းက သိရပါတယ်။ သူတို့ ၄ယောက်ကတော့ ဦးခင်မောင်အေး( မြန်မာတိုင်းမ်၊ထရိတ်တိုင်းမ် အယ်ဒီတာဟောင်း)  ဒေါက်ထွေး(ဆေးမန်း)ခေါ်  ဒေါက်တာတင်မောင်ထွေး၊ မြင်းမူ မောင်နိုင်မိုး၊ မောင်စိမ်းနော်(လယ်ဝေး) တို့ဖြစ်ပါတယ်။   ဒီထဲက ဦးခင်မောင်အေးကို VOM က ဆက်သွယ်မေးကြည့်ထားတာကို တင်ပြပေးလိုက်ပါတယ်။   VOM: နောက်ဖွဲ့မယ့် MPC မှာ ဆရာစာရင်းတင်သွင်းထားတယ် ဆိုတာမျိုးကြားလို့ ဟုတ်လားဆရာ။ UKMA: ကျနော်က စာရင်းတင်သွင်းတာတော့ မဟုတ်ပါဘူး။ ကျနော့်ကို သူတို့က မေတ္တာရပ်ခံတာပေါ့။ မေတ္တာရပ်ခံတာတော့ အမှန်အတိုင်းလုပ်ရမှာပဲတဲ့ အစိုးရဘက်ကလည်း…

မတ် ၄-၂၀၂၁ VOM ဒီနေ့ မတ်လ ၄ ရက်နေ့ ပြည်မြို့ကဆန္ဒပြမယ့် ကျောင်းသားသပိတ်စစ်ကြောင်းကို ရဲနဲ့စစ်တပ်က လာရောက် ဖြိုခွဲခဲ့မှုမှာ ဖမ်းဆီးခံလိုက်ရသူတွေ ရှိခဲ့ပေမယ့် ကျောင်းသားနဲ့ ပြည်သူတွေက ဆန္ဒထပ်ပြဖို့ ပြင်ဆင်နေတယ်လို့ သိရပါတယ်။ ဒီကနေ့မနက် ဆန္ဒပြမှုကို ပြည်မြို့၊ မြို့သစ်ထဲမှာစုရပ်လုပ်ကာ စတင်ခဲ့တာဖြစ်ပြီး အဲ့ဒီစုရပ်ကိုပဲ စစ်တပ်နဲ့ရဲက ရောက်လာပြီး ဖြိုခွဲကာ လိုက်လံဖမ်းဆီးမှုတွေကိုပြုလုပ်ခဲ့တာဖြစ်ပြီး ဘယ်သူတွေ ဖမ်းခံရလဲဆိုတာတော့ မသိရသေးပါဘူး။ ဆန္ဒပြလူထုကို ဖြိုခွဲမှုမှာ စစ်တပ်နဲ့ရဲက ရာဘာကျည်နဲ့ လိုက်လံပစ်ခတ်မှုရှိခဲ့ပေမယ့် ဒဏ်ရာရသူ မရှိဘူးလို့သိရပါတယ်။ #VoiceOfMyanmar #VOM #ဆန္ဒပြသပိတ် #ဖြိုခွဲခံရ #ပြည်

မန္တလေး၊ မတ် ၄ -၂၀၂၁ ရှိုင်းအောင်(VOM) မန္တလေးမြို့မှာ မတ်လ ၃ ရက်နေ့က ထိုင်သပိတ်ပြုလုပ်သူတွေကို စစ်တပ်နဲ့ ရဲတွေကအကြမ်းဖက်ဖြိုခွင်းတဲ့အ ချိန် အသက် ၁၉ နှစ်အရွယ် မကြယ်စင်ရဲ့ ဦးခေါင်းကို ကျည်ဆံထိမှန်ပြီး သေဆုံးခဲ့တဲ့နေရာမှာ ဆုတောင်းပွဲပြုလုပ်နေကြတာ ဖြစ်ပါတယ်။ ကျည်ဆံထိမှန်လို့ သေဆုံးခဲ့တဲ့ မကြယ်စင်ရဲ့ ရုပ်အ လောင်းကိုတော့ ဒီကနေ့ နေ့လယ်ပိုင်း အေးရိပ်ငြိမ်သု ဿာန်မှာ မီးသဂြိုဟ်မယ်လို့ သိရပါတယ်။ မန္တလေးက ဆန္ဒပြသူတွေကို စစ်တပ်နဲ့ ရဲက အကြမ်း ဖက် ဖြိုခွင်းခဲ့တာကြောင့် မတ် လ ၃ ရက်နေ့မှာ လူ ၄ ဦးသေဆုံးခဲ့ပြီး ဒဏ်ရာရသူ အများအပြားရှိခဲ့တယ်လို့ သိရပါတယ်။ #VOM #voiceofmyanmar #Mandalay #မန္တလေး #ဆန္ဒပြ #သေဆုံး #မကြယ်စင်

မတ် ၄ ၊ ၂၀၂၁ Voice Of Myanmar စစ်ကိုင်းတိုင်း မုံရွာမြို့မှာ လူစု လူဝေးတွေကို ပစ်ခတ်ဖြိုခွင်းဖို့ လုံခြုံရေးတပ်တွေ မြို့နေရာအနှံ့ ထူထပ်စွာ အသင့်ရှိနေတဲ့ကြားက ဆန္ဒပြ သပိတ် စစ်ကြောင်းဟာ ဒီမနက် ၉ နာရီမှာ အာဏာရှင် ဆန့်ကျင်ရေး လူထုလှုပ်ရှားမှု ဆန္ဒပြတာတွေကို လမ်းမကြီးတွေပေါ်မှာ လုပ်ဆောင်နေတာ မြင်တွေ့ရပါတယ်။ မနေ့ မတ် ၃ ရက် မနက်ပိုင်းက မုံရွာမြို့ ထန်းတောရပ်ကွက် ပြည်ထောင်စုလမ်းနဲ့ ဘုရားနီ လမ်းဆုံနေရာမှာ လုံခြုံရေးတပ်ဖွဲ့က လူစု လူဝေးဖြိုခွင်းတဲ့အခါ သေနတ်ကျည်ဆံထိမှန် ဒဏ်ရာရလို့ ဆန္ဒပြသူ လူ ၉ ယောက်သေဆုံးခဲ့တယ်လို့ သတင်းရပြီးVOM က အတည်ပြုနိုင်တာ ၇ယောက်ပဲရှိပါသေးတယ်။ လက်ရှိအနေအထားမှာတော့ ထိပ်တိုက်မဖြစ်အောင်ရှောင်ကွင်းပြီး မနေ့က ပစ်ခတ်မှုကြောင့် သေဆုံးသွားသူတွေရဲ့နာရေးကို ဝိုင်းကူဖို့ ဆန္ဒပြသူတွေက လူစုခွဲလိုက်ပြီလို့သိရပါတယ်။…

ကလေး -မတ်-၄-၂၀၂၁ သိမ်မွေ့ကဗျာ ကလေးမြို့မှာ မတ်လ ၂ ရက်နေ့က ဆန္ဒပြကြတဲ့ ပြည်သူလူထုကို ရဲတပ်ဖွဲ့နဲ့ စစ်တပ်က ကျည်အစစ်‌တွေနဲ့ ပစ်ခတ်ဖြိုခွင်းချိန်မှာ ဒဏ်ရာရခဲ့တဲ့ အသက် ၁၈ နှစ်အရွယ် မောင်ဇင်မျိုးမောင်ဟာ မနေ့က ညနေပိုင်းမှာပဲ မန္တလေးမြို့သို့ အရေးပေါ်ခွဲစိတ်ကုသဖို့ ပို့ဆောင်နေစဉ်မှာပဲ လမ်းမှာ သေဆုံးသွားခဲ့တယ်လို့ လူမှုကူညီရေးအသင်းတွေက အတည်ပြုပါတယ်။ မတ်လ ၂ ရက်တုန်းက ရဲတပ်ဖွဲ့နဲ့ စစ်တပ်က ကလေးမြို့ မြို့လယ်ခေါင် လမ်းဆုံမီးပွိုင့်မှာ နေရာယူကာ ဆန္ဒပြပြည်သူလူထုအား မျက်ရည်ယိုဗုံး၊ အသံဗုံး၊ ရေကားတို့နဲ့ လူစုခွဲခဲ့တဲ့အပြင် ရာဘာကျည်၊ ကျည်အစစ်တွေသုံးပြီး ပစ်ခတ်ခဲ့တာကြောင့် စိုးရိမ်ရသူ ၅ ဦးအပါအဝင် ထိခိုက်ဒဏ်ရာရသူ ၅ ဦး ရှိခဲ့ပါတယ်။ ဆန္ဒပြပြည်သူလူထုထဲမှာ ပါဝင်ခဲ့တဲ့ ကလေးမြို့ စက်မှုဇုန် လှိုင်သာယာရပ်ကွက်က အသက် ၁၈ နှစ်အရွယ် မောင်ဇင်မျိုးမောင်ဟာ…