Day: August 4, 2021

ရေးဖွင့်ထားသည့် အမှုများကို ဥပဒေနှင့်အညီ ပိတ်သိမ်းခြင်း၊ ရုပ်သိမ်းခြင်းများ ဆောင်ရွက်ပေးမည် ဖြစ်သဖြင့် ဆက်သွယ်သတင်းပို့နိုင်ရန် အသိပေးကြေညာခြင်း   နေပြည်တော်၊ ဩဂုတ် ၃ တပ်မတော်က နိုင်ငံတော်တာဝန်ကို လွှဲပြောင်းရယူခဲ့သည့် ၂၀၂၁ ခုနှစ်၊ ဖေဖော်ဝါရီလ ၁ ရက်နေ့ နောက်ပိုင်းမှစ၍ NLD ပါတီဝင်များ၊ ၎င်းပါတီကိုထောက်ခံသူ အစွန်းရောက်များ၊ မတရားအသင်းနှင့် အကြမ်းဖက်အုပ်စုများဖြစ်သည့် CRPH နှင့် NUG၊ CDM လှုံ့ဆော်မှုနှင့် နိုင်ငံတော် တည်ငြိမ် အေးချမ်းရေးကို မလိုလားသည့် ပြည်တွင်း၊ ပြည်ပမှပုဂ္ဂိုလ်၊ အဖွဲ့အစည်းများ၏ သွေးထိုး လှုံ့ဆော်မှု၊ ခြောက်လှန့်မှုတို့ကြောင့် အချို့သောကျောင်းသား၊ ကျောင်းသူ၊ လူငယ်လူရွယ်များ၊ နိုင်ငံ့ ဝန်ထမ်းများနှင့် မိမိတို့နိုင်ငံသားများသည် ဆူပူဆန္ဒပြခြင်းများ၊ ဆန့်ကျင်လှုပ်ရှားမှုများတွင် ပါဝင်ခဲ့ မှုများကြောင့် အရေးယူခံရမည်ကို စိုးရိမ်ခဲ့ပြီး တိမ်းရှောင်နေကြကြောင်း တွေ့ရှိရပါသည်။ ယခုအခါ ၎င်းတို့သည် နိုင်ငံတော်စီမံအုပ်ချုပ်ရေးကောင်စီ၏…

ရန်ကုန်၊သြဂုတ် ၄၊၂၀၂၁ KK(VOM)   ရန်ကုန်မြို့၊ တောင်ဒဂုံမြို့နယ်၊ (၁၄၄)ရပ်ကွက်၊ ရွာသာကြီးစက်မှုဇုန်ရှိ ရွှေလှေမုန့်စက်ရုံ မီးလောင်ကျွမ်းမှုကို မီးငြိမ်းသတ်ရင်း ရန်ကုန်တိုင်းမီးသတ်ဦးစီးဌာနမှ ဒု-ညွန်ကြားရေးမှူးနဲ့ဒု-တပ်ကြပ်တစ်ဦးတို့ ထိခိုက်ဒဏ်ရာရရှိခဲ့တယ်လို့ မီးသတ်ဦးစီးဌာနကနေ သိရပါတယ်။   ” ဒီကနေ့မနက် ၄နာရီခွဲက မီးစတင်လောင်ကျွမ်းခဲ့တယ်၊ မီးလောင်မှုအဆင့် Level 3နဲ့ တစ်နာရီကြာ မီးငြိမ်းသတ်ခဲ့တယ်၊ မနက်၅နာရီ၅၀မှာ မီးငြိမ်းခဲ့တယ်”လို့ မီးသတ်တပ်ဖွဲ့ဝင်တစ်ဦးက ပြောပါတယ်။   မီးငြိမ်းသတ်ရာမှာ ရန်ကုန်တိုင်းဒေသကြီး၊မီးသတ်ဦးစီးဌာနမှ ဒုတိယညွန်ကြားရေးမှူး ဦးသိန်းမြင့်ဟာ ၁၅ပေအမြင့်ကနေ ပြုတ်ကျပြီး ထိခိုက်ဒဏ်ရာရရှိခဲ့သလို ဒု-တပ်ကြပ်တစ်ဦးကလည်း ပေါင်ကိုသွပ်ပြားထိကာ ပြတ်ရှဒဏ်ရာရရှိခဲ့တယ်လို့ သူကရှင်းပြပါတယ်။   အဲ့ဒီမီးလောင်မှုကြောင့် ရွာသာကြီးစက်မှုဇုန်၊ရာဇသင်္ကြန်လမ်းနဲ့ဝက်မစွပ်ဝန်ထောက်လမ်းထောင့်ရှိ ရွှေရွက်လှေမုန့်တိုက်နဲ့ တံဆပ်ရိုက်လုပ်ငန်းမှာရှိတဲ့ အဆောက်ဦးသုံးလုံးနဲ့ အတွင်းရှိပစ္စည်းတွေ မီးလောင်ကျွမ်းခဲ့တယ်လို့လည်း သိရပါတယ်။   လက်တလောမှာတော့ ရွှေလှေမုန့်တိုက်က မန်နေဂျာဖြစ်သူကို တောင်ဒဂုံမြို့မရဲစခန်းမှာ အမှုဖွင့်အရေးယူထားတယ်လို့ ရဲတပ်ဖွဲ့ကနေ သိရပါတယ်။  …

ဩဂုတ် ၄-၂၀၂၁ KK(VOM)   ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ ညောင်ကုန်း(၄)ရပ်ကွက်ရှိ၊ မြို့တော်ခန်းမမှာ မနေ့ ဩဂုတ်လ ၃ရက်နေ့ နေ့လယ်ပိုင်းက ကိုဗစ်ကာကွယ်ဆေးထိုးပေးနေချိန် ဗုံးပေါက်မှုဖြစ်ပွားခဲ့ပြီး ရဲနှစ်ဦးသေဆုံးကာ ရဲတစ်ဦးနဲ့ စေတနာ့ဝန်ထမ်းနှစ်ဦး ဒဏ်ရာရရှိခဲ့တယ်လို့ ဒေသခံတွေဆီကနေ သိရပါတယ်။   “ဝင်ပေါက်နားမှာပေါက်တာ ရဲတစ်ယောက်က ပွဲချင်းပြီးသေတယ်၊ တစ်ယောက်ကဆေးရုံမှာသေတာ ရဲတစ်ယောက်နဲ့ ဗော်လန်တီယာနှစ်ယောက်ကတော့ ဆေးရုံမှာပဲ”လို့ ညောင်ကုန်းရပ်ကွက်နေသူတစ်ဦးကပြောပါတယ်။   ဗုံးပေါက်ကွဲမှုကြောင့် ရဲတပ်သားထွန်းလင်းဇော်နဲ့ ရဲတပ်သားအောင်လွင်ဖြိုးတို့ သေဆုံးခဲ့ပြီး ဗုံးစထိမှန်လို့ ဒုတပ်ကြပ်အောင်မျိုးနဲ့ စေတနာ့ဝန်ထမ်းဒေါ်မူရိန်း၊ဦးနန္ဒဝေယံတို့မှာ ဖယ်ခုံမြို့နယ်ပြည်သူ့ဆေးရုံကြီးမှာ ဆေးကုသမှုခံယူနေတယ်လို့ အမည်မဖော်လိုသူ ရဲတပ်ဖွဲ့ဝင်တစ်ဦးကပြောပါတယ်။   လက်ရှိအခြေအနေမှာတော့ ဖယ်ခုံမြို့နယ်၊ မြို့တော် ခန်းမဗုံးပေါက်ကွဲမှုနဲ့ပတ်သက်ပြီး စစ်တပ်နဲ့ရဲတပ်ဖွဲ့ဝင်တွေက လုံခြုံရေးအင်းအားတိုးမြှင့်ကာ စစ်ဆေးမှုတွေပြုလုပ်နေတယ်လို့ သိရပါတယ်။   #voiceofmyanamr #VOM #ဖယ်ခုံ

ဩဂုတ် ၄၊ ၂၀၂၁ Shy V(VOM)   တရုတ်နိုင်ငံနဲ့ မြန်မာနယ်စပ် တရုတ်ဘက်ခြမ်း ဖြစ်တဲ့ ရွှေလီက ကွာရန်တင်းစင်တာတစ်ခုမှာ ကွာရန်တင်း ဝင်နေတဲ့ မြန်မာနိုင်ငံသားတွေကို ဩဂုတ်လ ၁ ရက်နေ့ကစ ထမင်းလာမပို့တော့တာကြောင့် ဒုက္ခရောက်နေကြောင်း လူမှုကွန်ယက်ကတဆင့် အကူအညီတောင်းထားပါတယ်။   “စားသောက်စရိတ် မပေးနိုင်လို့ တစ်နေ့ကို ခေါက်ဆွဲ ၂ ဗူးနဲ့ ရေသန့် ၃ ဗူး ပေးပေမယ့် ပုံမှန် လာမပို့ပေးတဲ့အပြင် အကုန်လုံး မရကြဘူး။ ရေဘူးတွေလည်း မရတဲ့သူတွေက အိမ်သာ ရေချိုးခန်းက ရေကို သောက်နေရတယ်။ ကလေးငယ်တွေ နဲ့ ကိုယ်ဝန်ဆောင်တွေပါ တစ်ခန်းနဲ့ တစ်ခန်း ကူညီလို့လည်းမရဘူး၊ အမျိုးသမီးရော အမျိုးသားပါ အဲ့ဒီ ကွာရန်တင်းစင်တာမှာ မြန်မာနိုင်ငံသား အယောက် ၁၅၀ ခန့် ဒုက္ခရောက်နေကြရတယ်”လို့ Q ဝင်နေသူ…

ရန်ကုန်၊သြဂုတ် ၄၊၂၀၂၁ KK(VOM)   ကိုဗစ်-၁၉ရောဂါကူးစက်ခံထားရတဲ့ ကရင်ငြိမ်းချမ်းရေးကောင်စီ KNU/KNLA PCရဲ့ စစ်ရေးချုပ် ဗိုလ်ချုပ် စောနေစိုးမြဟာ ထိုင်းနိူင်ငံ၊မဲဆောက်မြို့နယ်မှာ မနေ့ည ၁၀ နာရီခွဲက ကွယ်လွန်သွားတယ်လို့ KNU /KNLA PCအသိုင်းအဝိုင်းကနေ သိရပါတယ်။   “ကွယ်လွန်သွားတာကတော့မှန်ပါတယ်။စျာပန အစီအစဥ်တော့မသိရသေးဘူး ဆွေးနွေးနေဆဲပါပဲ”လို့ KNU/KNLA PCမှ တာဝန်ရှိသူတစ်ဦးက ပြောပါတယ်။   KNU/KNLA PCရဲ့စစ်ဦးစီးချုပ် ဗိုလ်ချုပ်စောနေစိုးမြဟာ KNU-ကရင်အမျိုးသားအစည်းအရုံးဥက္ကဌ ဗိုလ်ချုပ်ကြီးစောဘိုမြ(ကွယ်လွန်)နဲ့ ကရင်အမျိုးသမီးအစည်းအရုံး(KWO) ဥက္ကဌဟောင်း ပဒိုနော်လားဖိုးတို့ ရဲ့သားအငယ်ဆုံးလည်းဖြစ်ပါတယ်။   ကွယ်လွန်ချိန်မှာ အသက် ၄၆နှစ်သာရှိသေးတဲ့ ဗိုလ်ချုပ်စောနေစိုးမြမှာ ဇနီးနဲ့သားသမီး(၄)ဦးကျန်ရစ်ခဲ့တယ်လို့ သိရပါတယ်။   #voiceofmyanamr #VOM #KNU/KNLA PCစစ်ဦးစီးချုပ် #ဗိုလ်ချုပ်စောနေစိုးမြ #ကွယ်လွန်

သြဂုတ် ၄ ၊ ၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်းမှာရှိတဲ့ မြို့နယ် ၃၇ မြို့နယ်ထဲက ရပ်ကျေး အုပ်ချုပ်ရေးမှူးတွေဟာ အခုရက်ပိုင်းအတွင်း တာဝန်ကနေ နှုတ်ထွက် အနားယူခွင့် ပေးဖို့ သက်ဆိုင်ရာ မြို့နယ် အုပ်ချုပ်ရေးမှူးဆီ လိပ်မူပြီး တင်ပြစာတွေ နေ့တိုင်းလိုလို ပေးပို့နေကြတယ်လို့ သိရပါတယ်။   အဲ့ဒီ ရပ်ကျေးအုပ်ချုပ်ရေးမှူးတွေ နှုတ်ထွက်ခွင့် တင်ပြကြတာနဲ့ ပတ်သက်လို့ စစ်ကိုင်းတိုင်းဒေသကြီး အစိုးရအဖွဲ့နဲ့ နီးစပ်သူ တစ်ယောက်က ” စစ်ကိုင်းခရိုင်ထဲက မြောင်မြို့နယ် ရပ်ကျေးအုပ်ချုပ်ရေးမှူးတချို့နဲ့ ယင်းမာပင်ခရိုင် ပုလဲမြို့နယ် ၊ဆားလင်းကြီးမြို့နယ် ၊ မုံရွာခရိုင် ဘုတလင်မြို့နယ် အရာတော်နဲ့ မုံရွာမြို့ပေါ် ရပ်ကွက်က အုပ်ချုပ်ရေးမှူးတွေ အပါအဝင် ကောလင်းခရိုင် ကောလင်းမြို့နယ်ထဲက အုပ်ချုပ်ရေးမှူး တချို့ အနားယူခွင့် တင်ပြကြတာ ” လို့ ဖြစ်ပါတယ်…