Day: August 11, 2021

သြဂုတ် ၊ ၁၁ – ၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း၊ မုံရွာခရိုင်၊ ဘုတလင်မြို့ပေါ်မှာရှိတဲ့ အရေးကြီး အဆောက်အဦးနဲ့ နေရာတချို့မှာ ဒီကနေ့ မနက် ၉ နာရီဝန်းကျင်က ပေါက်ကွဲမှု ၂ ကြိမ် ဆက်တိုက်ဖြစ်ခဲ့ပြီး လူ ၁ ဦး ဒဏ်ရာရထားတယ်လို့ ဘုတလင်မြို့ခံတွေရဲ့ ပြောပြချက်အရ သိရပါတယ် ။   ” ဒီမနက် ၈ နာရီထိုးပြီးတော့ ဆက်သွယ်ရေးရုံး (MPT) ဘက်မှာ အရင်ပေါက်ကွဲတယ် ၊ အဲ့ဒီနောက် မိနစ်အနည်းငယ်ခြားပြီး ရဲစခန်းဘက်မှာ ဆက်ပေါက်တယ် ” လို့ ဘုတလင်မြို့ခံတစ်ယောက်က ပြောပါတယ် ။   ဒီမနက် ၈ နာရီ ၇ မိနစ်အချိန်မှာ ဘုတလင်မြို့၊ မြဝတီရပ်ကွက်၊ ဘုတလင်-ကနီကားလမ်းအနီးက မြန်မာ့ဆက်သွယ်ရေးရုံးမှာ ဗုံးပေါက်ကွဲမှု…

မန္တလေး၊ ဩဂုတ် ၁၁-၂၀၂၁ Ko Hik(VOM)   မန္တလေးမြို့၊ ပြည်ကြီးတံခွန်မြို့နယ်၊ ၆၂လမ်းပေါ်က ရပ်ကွက်အုပ်ချုပ်ရေးမှူးရုံးတစ်ခုမှာ ဒီကနေ့မနက် ၆နာရီခန့်က ပစ်ခတ်မှုဖြစ်ပွားခဲ့ပြီး အစောင့်ကျနေတဲ့ စစ်သား(၁)ဦး သေဆုံးသွားတယ်လို့ သိရပါတယ်။   ” အဲ့ဒီရုံးရှေ့ လုပ်ထားတဲ့ သဲအိတ်ထဲမှာ အစောင့်ကျနေတဲ့ စစ်သားတစ်ဦးကို အမည်မသိလူ(၂)ဦးက ဆိုင်ကယ်နဲ့ရောက်လာပြီး သေနတ်နဲ့ (၃)ချက်ပစ်သွားတာဖြစ်တယ်”လို့ ရဲတပ်ဖွဲ့နဲ့ နီးစပ်တဲ့အသိုင်းအဝိုင်းကနေ သိရပါတယ်။   သေနတ်ပစ်ခံရတဲ့ စစ်သားရဲ့ ညာဖက်နံကြားဖောက်ဝင် ဒဏ်ရာရပြီး နာရီပိုင်းအကြာ ဆေးရုံကိုပို့ဆောင်အပြီးမှာပဲ သေဆုံးသွားတယ်လို့ သိရပါတယ်။   အဲ့ဒီလို ပစ်ခတ်မှုဖြစ်တဲ့အချိန် အခြား အစောင့်ကျနေတဲ့ စစ်သားတွေက သေနတ်နဲ့ပစ်ခတ်တာတွေလည်း ပြုလုပ်ခဲ့တယ်လို့ ရပ်ကွက်နေပြည်သူတွေရဲ့ပြောပြချက်အရ သိရပါတယ်။   ဖြစ်စဉ်နဲ့ပတ်သက်ပြီး သီးခြားအတည်ပြုချက်ရဖို့ VOMအနေနဲ့ ဆက်လက်စုံစမ်းနေဆဲဖြစ်ပါတယ်။   #voiceofmyanmar #VOM #မန္တလေး

သြဂုတ် ၊ ၁၁ -၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့နယ်၊ မုံရွာ-ဂန့်ဂေါကားလမ်း ၅၇ မိုင်မှာနေတဲ့ လူ ၂ ဦးဟာ မနေ့ သြဂုတ် ၁၀ ညပိုင်းက အသတ်ခံရတယ်လို့ ဝမ်းဘဲချိုင့်ကျေးရွာဒေသခံတွေရဲ့ ပြောပြချက်အရ သိရပါတယ် ။   ” ၇ မိုင်စခန်းက ကိုပေသီနဲ့ ကိုနိုင်စိုးတို့ ၂ ယောက်ကို သတင်းပေး ဒလန်ဆိုပြီး ညက ၁၀ နာရီလောက်မှာ အသတ်ခံလိုက်ရတယ် ၊ ဘယ်သူတွေ သတ်တယ်ဆိုတာတော့မသိဘူး ” လို့ ဝမ်းဘဲချိုင့်ရွာနေ ဒေသခံတစ်ယောက်ကပြောပါတယ် ။   ပုလဲမြို့နယ် အနောက်ဘက်ခြမ်းကျေးရွာက လူတွေဟာ ပုံတောင်ရိုးမဘက်ကို တောင်ယာလုပ် ၊ ထင်းခုတ် ၊ မီးသွေးဖုတ် စတာတွေ သွားလုပ်တဲ့အခါ စခန်းချ…

ဩဂုတ် ၁၁-၂၀၂၁ Shy V (VOM)   တရုတ်ဘက်က မြန်မာပြည်တော်ပြန်တွေကိုနန်း‌တော်ပေါက်ကနေ တရားဝင်လွှဲပြောင်း ထွက်ခွင့်ပြုခြင်းကို ယာယီရပ်နားမှာဖြစ်ကြောင်း နီးစပ်သူတွေဆီကနေ သိရပါတယ်။   “ဩဂုတ်လ ၁၁ရက် ပြည်တော်ပြန် လွှဲပြောင်းတာပိတ်တယ်။ တရုတ်ဘက်က ပိတ်တာ။ ဘယ်နှရက်နားမှာလဲ မသိသေးဘူး။ မပြောသေးဘူး ငါတို့ကို။ ဘယ်နေ့ ပြန်ဖွင့်မှာ မသိသေးဘူး။” လို့ မြန်မာပြည်တော်ပြန်တွေကို လွှဲပြောင်းလက်ခံတဲ့ထဲ ပါဝင်သူတစ်ဦးက ပြောပါတယ်။   ရွှေမြန်မာအွန်လိုင်း အရေးပေါ် ကျန်းမာရေးကူညီမှုအသင်း(ရွှေလီ)ဥက္ကဋ္ဌ ကိုချမ်းမြေ့ကို ဆက်သွယ်ရာမှာတော့ “တရုတ်-မြန်မာ နှစ်နိုင်ငံ တရားဝင် လူ အဝင်/ အထွက်ဂိတ်ကို တရုတ်ဘက်က ရက်အတိအကျ မသိ ယာယီ ပိတ်ထားကြောင်း ဟုတ်ပါတယ်ခင်ဗျ။ ခဏ ယာယီထောက်ပံ့မှုတွေ လုပ်ပြီးတော့ သူတို့ နားတဲ့ သဘောပါ။ သူတို့ ဒီဘက်က ထောက်ပံ့မှုတွေ လိုက်လုပ်နေတယ်။…