Day: October 8, 2021

အောက်တိုဘာ ၊ ၈ -၂၀၂၁ ရွှေဘုန်းမြတ်စံ (VOM)   ရခိုင်ပြည်နယ် ၊ မောင်တောမြို့ ၊ ၃ မိုင်ရပ်ကွက်က ဧက ၃၀ ကျယ်ဝန်းတဲ့ ခြံဝန်းထဲမှာ မနေ့ အောက်တိုဘာ ၇ ရက် ညနေပိုင်းက ငါးကန်ပတ်လမ်း မြေတူးဖော်တဲ့ လုပ်ငန်းခွင်းထဲကနေ စစ်ကျန်ဗုံးသီးတွေ တွေ့ရှိခဲ့ရတယ်လို့ မောင်းတောခရိုင်ထွေ/အုပ် အသိုင်းအဝိုင်းကနေ သိရပါတယ်။   ” ဘက်ဟိုးနဲ့ မြေသားတူးဖော်တဲ့ လုပ်ငန်းခွင်ထဲကနေ တွေ့ရတာပါ ၊ ကယ်ရီယာ သေတ္တာ ၇ လုံးထဲက 3 H ( ၃ လက်မ စိန်ပြောင်း)ဗုံးသီးလို့ ခန့်မှန်းရတဲ့ စစ်ကျန် ဗုံးသီး အလုံး ၁၂၀ တွေ့ရတာ ” လို့ မောင်းတောခရိုင် ထွေ/အုပ်ရုံးနဲ့ နီးစပ်သူတယောက်က ပြောပါတယ်။  …

ရန်ကုန်၊အောက်တိုဘာ ၈-၂၀၂၁ KK(VOM)   လှိုင်မြို့နယ်၊ အင်းစိန်လမ်းမပေါ်က အမှတ် (၉) ရပ်ကွက်အုပ်ချုပ်ရေးမှူးရုံးရှေ့မှာ ဒီကနေ့ညနေ ၃နာရီက ဗုံးပေါက်ကွဲမှု(၂)ကြိမ်ဖြစ်ခဲ့ပြီး မြို့နယ်မှူး ၊စခန်းမှူး၊ ရဲတပ်ဖွဲ့ဝင်တဦးနဲ့ အရပ်သားတဦးတို့ ထိခိုက်ဒဏ်ရာရရှိခဲ့တယ်လို့ ရပ်ကွက်နေသူတွေဆီကသိရပါတယ်။   လှိုင်မြို့နယ်၊ အင်းစိန်လမ်း၊ သုခမှတ်တိုင်အနီးက အမှတ်-၉ရပ်ကွက် အုပ်ချုပ်ရေးမှုးရုံးအနီးမှာ ဒီကနေ့ ညနေ ၃နာရီက ဗုံးပေါက်ကွဲခဲ့ရာ အမှိုက်ကောက်နေသူတဦး ယာဘက်လက်ကောက်ဝတ်မှ ပြတ်ထွက်ခဲ့ပြီး ဒုတိယအကြိမ် ထပ်မံပေါက်ကွဲခဲ့ရာမှာတော့ မြို့နယ်မှူးအပါအဝင် သုံးဦးဒဏ်ရာရရှိခဲ့တယ်လို့ အမည်မဖော်လိုသူ ရဲတပ်ဖွဲ့ဝင်တစ်ဦးက ပြောပါတယ်။   “ဗုံးပေါက်တဲ့ သတင်းကြောင့် မြို့နယ်မှူးနဲ့အဖွဲ့က သွားတာ အဲ့မှာထပ်ပေါက်တာ ဒုတိယအကြိမ် ရဲသုံးဦးထိတယ် သိပ်တော့မစိုးရိမ်ရပါဘူး”လို့ သူကရှင်းပြပါတယ်။   ဗုံးစထိမှန်သူ ကိုဇော်မျိုးထွန်းမှာ ယာဘက်လက်ကောက်ဝတ်ပြတ်သွားပြီး စစ်ဆေးရုံကိုပို့ဆောင်ထားကာ မြို့နယ်ရဲတပ်ဖွဲ့မှူး ၊စခန်းမှူး၊ရဲတပ်သားတဦးတို့မှာ ပွန်းပဲ့ဒဏ်ရာတွေ ရရှိခဲ့တယ်လို့သိရပါတယ်။   လှိုင်မြို့နယ်မှာ ပြီးခဲ့တဲ့လပိုင်းတွေက…

အောက်တိုဘာ ၈-၂၀၂၁ GH ( VOM )   စစ်ကိုင်းတိုင်း၊ ကျွန်းလှမြို့နယ်က ၅၀၅ နဲ့အမှုဖွင့်ခံထားရသူ တရားလွှတ်တော်ရှေနေ့ ပိုင်ဆိုင်တဲ့ “ထာဝရ ရေကူးကန်နှင့် စားရိပ်မြုံဆိုင် “ကို မနေ့ အောက်တိုဘာ ၇ရက် ည ၂ နာရီလောက်က မီးလောင်ခဲ့ပြီး ဆိုင်အစောင့်ထားတဲ့ ၂ ယောက်ကို လူ(၂)ဦးက ရိုက်နှက်သွားတယ်လို့ ဆိုင်ပိုင်ရှင်ပြောပြချက်အရ သိရပါတယ်။   ဆိုင်မှာညစောင့်ထားတဲ့အထဲက အရိုက်ခံရသူ တဦးက ” KTV ခန်းက မီးတွေ၊ စက်ခန်းထဲကိုမီးရှို့တယ်။ မီးရှို့ပြီးမှပြန်သွားတာ။သူတို့အခြေအနေမကောင်းဘူးဆိုပြိး ပြန်ပြေးသွားတယ်။ကျနော်တို့ကလည်း ကျန်ခဲ့တာ။အပေါ်ထပ်တွေရော ၊စက်ခန်းနဲ့လောင်သွားတယ်။ခေါင်းကို သေနတ်နဲ့ထိုးတယ်။ခေါင်းတော့နည်းနည်းမူးနေသေးတယ်။ လုပ်သွားတဲ့လူတွေကို မြင်ရင်သိတယ်။ တယောက်က အရပ်ထောင်ထောင်မောင်းမောင်း ၊တယောက်က ပုတယ် ပိန်တယ်။ သူတို့က သေနတ်တွေဘယ်နှစ်လက်လောက်ရောက်ပြီလဲမေးတယ်။မလုပ်ပါဘူးပြောတာကိုမရဘူး။ကျနော်တကယ်မသိပါဘူး၊ တကယ်မသိဘူးပြောတာကို ခေါင်းကိုရိုက်ထားခဲ့တာ။သေနတ်တွေ ဘယ်ကနေ ဘယ်ကူးနေတာလဲလို့ပြောတယ်။ “လို့ ပြောပါတယ်။…

ရန်ကုန်၊အောက်တိုဘာ ၈-၂၀၂၁ KK(VOM)   ထန်းတပင်မြို့နယ်၊ မရွှေဥကျေးရွာမှာ ဒီကနေ့မနက်ပိုင်းက သေနတ်ပစ်ခတ်မှုဖြစ်ပွားခဲ့ပြီး ကျေးရွာအုပ်ချုပ်ရေးမှူးအပါအဝင် လူ(၃)ဦးဒဏ်ရာရရှိခဲ့တယ်လို့ ဒေသခံတွေဆီက သိရပါတယ်။   မရွှေဥကျေးရွာအုပ်ချုပ်ရေးမှူးဟာ ဆိုင်ကယ်ပြင်ဆိုင်မှာ ဘီးဖာနေချိန် အမည်မသိသေနတ်သမားတွေက ပစ်ခတ်ခဲ့လို့ အုပ်ချုပ်ရေးမှူးအပါအဝင် (၃)ဦး ဒဏ်ရာရရှိခဲ့တယ်လို့ ဒေသခံတစ်ဦးကပြောပါတယ်။   “အုပ်ချုပ်ရေးမှူးကို ဆိုင်ကယ်ပြင်ဆိုင်မှာပစ်တာ၊ သူ့ရော ဆိုင်ကယ်ပြင်ဆိုင်က ကောင်လေးနှစ်ယောက်ရောထိသွားတယ်၊ အခုဆေးရုံမှာပါ”လို့ သူက ရှင်းပြပါတယ်။   သေနတ်နဲ့ပစ်ခတ်ခတ်ခံရသူဟာ မရွှေဥကျေးရွာအုပ်ချုပ်ရေးမှူး ဦးဝင်းဗိုလ်ဆိုသူနဲ့ (လမင်းသံစဥ်)ဆိုင်ကယ်ပြင်ဆိုင်က လူငယ်နှစ်ဦးတို့ဖြစ်ပြီး ဆေးရုံကိုပို့ဆောင်ထားတယ်လို့ အုပ်ချုပ်ရေးပိုင်းအဖွဲ့ဝင်တဦးက ပြောပါတယ်။   လက်တလောမှာ စစ်တပ်နဲ့ရဲတပ်ဖွဲ့ဝင်တွေဟာ မရွှေဥကျေးရွာမှာ သေနတ်နဲ့ပစ်ခတ်မှုကို စုံစမ်းနေပြီး လမ်းသွားလမ်းလာနဲ့ဆိုင်ကယ်တွေကို စစ်ဆေးနေတယ်လို့ ဒေသခံတွေဆီက သိရပါတယ်။   ဒီကနေ့ သေနတ်ပစ်ခတ်မှုဟာ ထန်းတပင်မြို့နယ်မှာ ပထမဦးဆုံးပစ်ခတ်မှုဖြစ်ခဲ့ပြီး သတင်းပေးလို့ နာမည်ထွက်နေတဲ့ ကျေးရွာအုပ်ချုပ်ရေးမှူးကို ပစ်ခတ်ခဲ့တာလည်းဖြစ််တယ်လို့ ဒေသခံတွေက…

အောက်တိုဘာ ၊ ၈ -၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း၊ မုံရွာမြို့၊ ကျောက္ကာရေနံချက်ဖိုတွေဟာ ရေနံစိမ်း ဝင်ရောက်မှုမရှိတာနဲ့ ရေနံစျေးကွက် မတည်ငြိမ်တာကြောင့် ချက်ဖိုအားလုံးနီးပါး ရပ်နားထားကြတယ်လို့ ရေနံချက်လုပ်ငန်းရှင်များအဖွဲ့ရဲ့ အဖွဲ့ဝင်တွေက ပြောပါတယ်။   ” ရေနံစိမ်း ကုန်ကြမ်းဝင်ရောက်တာ မရှိဘူး ၊ ကုမ္မဏီတွေကလည်း ကုန်ကြမ်းစျေးကို မဖွင့်ဘူး ၊ ချက်ဖို ၄ ရာကျော်ရှိတာ ကုန်ကြမ်းမပြတ်သေးတဲ့ ၁၀ ဖိုလောက်ပဲ လက်ကျန်လေးနဲ့ ချက်နေကြတာ၊ ချက်ဖို အားလုံးနီပါး နားထားရတယ် ” လို့ ရေနံချက်ဖိုလုပ်ငန်းရှင်တဦးက ပြောပါတယ်။   မုံရွာ -ကျောက္ကာ ရေနံချက်လုပ်ငန်းဆိုတာ မကွေးတိုင်း၊ သရက်-မင်းတုန်း-မင်းလှ-ပေါက်-မြိုင် စတဲ့နယ်တွေက ထွက်ရှိလာတဲ့ ရေနံစိမ်း ကုန်ကြမ်းတွေကို ဝယ်ယူပြီးဓာတ်ဆီ နဲ့ ဒီဇယ်ဆီ အမျိုးမျိုးကို ကုန်​ချောအဖြစ် ထုတ်လုပ်ကာ…