Day: December 5, 2021

ဒီဇင်ဘာ ၊ ၅ -၂၀၂၁ နှင်းဖြူဝေ (VOM)   ချင်းပြည်နယ်မြောက်ပိုင်း ဖလမ်းခရိုင် ၊ တီးတိန်မြို့ ၊ စကောလမ်း ရပ်ကွက်မှာနေထိုင်တဲ့ Zo Land PDF အဖွဲ့ခေါင်းဆောင် ဦးကျင်ရှန်ဆုမ်ဟာ ဒီမနက် အစောပိုင်းက သူ့ရဲ့အစ်မဖြစ်သူနေအိမ်မှာ သေနတ်နဲ့ ပစ်သတ်ခံခဲ့ရတယ်လို့ ချင်းပြည်နယ်မြောက်ပိုင်း နိုင်ငံရေးအသိုင်းအဝိုင်းဆီက သိရပါတယ်။   တီးတိန်မြို့မှာနေထိုင်ပြီး ချင်းအမျိုးသားရေးရာ ယဥ်ကျေးမှုနဲ့ ခရစ်ယာန် ဓမ္မစာပေရေးရာ သုတေသန ပညာရှင် တဦးက ” ပါးကျင်ရှန်ဆုမ် ကို ဒီမနက် ၄ နာရီလောက်မှာ သေနတ်သမား ၂ ယောက်က လာပြီး လုပ်ကြံသွားတာပါ ၊ ကျင်ရှန်ဆုမ်ရဲ့ အသက်က ၃၈ နှစ်ဖြစ်သူက ၊ Zo Land PDF အဖွဲ့ရဲ့ ဦးဆောင်သူဖြစ်တယ် ၊ ဘာကိစ္စကြောင့်…

ဒီဇင်ဘာ ၅-၂၀၂၁ KT(VOM)   ဒီကနေ့မနက်ပိုင်းက NLDပါတီ နာယကတဦးလည်းဖြစ် တပ်မတော်ကာကွယ်ရေးဦးစီးချုပ်ဟောင်း ဦးတင်ဦး၊ဗိုလ်ချုပ်ကြီးဟောင်းခင်ညွန့်နဲ့ SSG ဆေးရုံမှာ ဆေးကုသမှုခံယူနေတဲ့ စည်သူဗိုလ်ကလေးတင့်အောင်တို့ကို နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က သွားရောက်တွေ့ဆုံခဲ့တယ်လို့ သိရပါတယ်။   အခုလိုတွေ့ဆုံတာနဲ့ပတ်သက်ပြီး ဗိုလ်ချူပ်ဇော်မင်းထွန်းက “အဓိကကတော့ ဗိုလ်ချုပ်ကြီးဟောင်း ဦးတင်ဦးရဲ့နေအိမ်ကို သွားရောက်တွေ့ဆုံခဲ့တယ်၊ ကျန်းမာရေးအခြေအနေတွေ မေးခဲ့တယ်၊ လိုအပ်ရင် တပ်မတော်ဆေးရုံတွေမှာ ဆေးကုသဖို့ ပြောကြားခဲ့တယ်၊ ဗိုလ်ချုပ်ကြီးဟောင်း ဦးခင်ညွန့်ရဲ့နေအိမ်ကိုလည်း သွားရောက်တွေ့ဆုံပြီး ကျန်းမာရေးအခြေအနေတွေ မေးမြန်းခဲ့တယ်၊ ပြီးရင် ကျနော်တို့ မြန်မာနိုင်ငံရဲ့ နိုင်ငံရေးဖြစ်ပေါ်နေမှုအခြေအနေလေးတွေ ပြောကြားခဲ့တယ်၊ ပြီးတော့ ဗဟန်းမြို့နယ်၊ ရွှေဘုံသာ SSGအထူးကုဆေးရုံမှာ ဆေးကုသနေတဲ့ စည်သူဗိုလ်ကလေးတင့်အောင်နဲ့ သွားရောက်မေးမြန်းခဲ့တယ်၊ ကျန်းမာရေးရယ် သူ့မိသားစုအခြေအနေတို့ မေးမြန်းတာတို့ အားပေးတာတို့ ဆောင်ရွက်ခဲ့ပါတယ်”လို့ ပြောပါတယ်။   #voiceofmyanmar #VOM #နစကဥက္ကဋ္ဌ #ဦးတင်ဦး #ဦးခင်ညွန့်…

ဒီဇင်ဘာ ၊၅ -၂၀၂၁ နှင်းဖြူဝေ (VOM)   စစ်ကိုင်းတိုင်း ၊ နာဂအုပ်ချုပ်ခွင့်ရဒေသ လဟယ်မြို့မှာ မနေ့ ဒီဇင်ဘာ ၄ ရက် တရက်တည်း ကိုဗစ်ရောဂါ ကူးစက်ခံထားရတဲ့သူ လူ အယောက် ၄၀ နီးပါး စစ်ဆေးတွေ့ရှိခဲ့တာကြောင့် လဟယ်မြို့ကို အရေးပေါ် lock down ချထားလိုက်ပြီလို့ စစ်ကိုင်းတိုင်းကျန်းမာရေးအသိုင်းအဝိုင်းဆီက သိရပါတယ်။   ” ကိုဗစ်ကူးစက်တာက ပညာရေးဌာနမှာဖြစ်တယ် ၊ လဟယ် ပြည်သူ့ဆေးရုံမှာ အတွင်းလူနာအဖြစ် ဆေးကုခံနေရတဲ့သူ ကျောင်း ဆရာ ၁ ဦး ၊ ဆရာမ ၂ ဦး ၊ ကျောင်းသား ကျောင်းသူ ၃၂ ဦးနဲ့ အရပ်ဖက်က အမျိုးသမီး ၂ ဦး အားလုံး ၃၇ ယောက်ရှိတယ် “လို့ ကျန်းမာရေး…

ရန်ကုန်၊ဒီဇင်ဘာ ၅-၂၀၂၁ KK(VOM)   ရန်ကုန်မြို့၊ ကြည့်မြင်တိုင်မြို့နယ်မှာ ဒီကနေ့မနကိပိုင်းပြုလုပ်ခဲ့တဲ့ ရန်ကုန်လူထုသပိတ်စစ်ကြောင်းကို စစ်တပ်နဲ့ရဲတွေက သေနတ်နဲ့ပစ်ခတ်ဖြိုခွင်းခဲ့လို့ သေဆုံးတွေရှိခဲ့ပြီး ဆယ်ဦးထက်မနည်း ဖမ်းဆီးခံခဲ့ရတယ် မြို့ခံတွေကပြောပါတယ်။   အလုံမြို့နယ်ဘက်ကနေ ချီတက်ဆန္ဒပြလာတဲ့ ရန်ကုန်သပိတ်စစ်ကြောင်းဟာ ကြည့်မြင်တိုင်မြို့နယ်၊ ပန်းပင်ကြီးလမ်းအရောက်မှာ စစ်တပ်နဲ့ရဲတွေက ကားနဲ့တိုက်၊ သေနတ်နဲ့ပစ်ခတ်ဖြိုခွင်းခဲ့လို့ သေဆုံးသူတွေရှိခဲ့တယ်လို့ စျေးကြီးအရှေ့ရပ်ကွက်နေသူတဦးက ပြောပါတယ်။   “ကျွန်မရှေ့မှာတင် သေနတ်မှန်ပြီးထိသွားတာ နှစ်ယောက်၊ သေသွားတယ်နဲ့တူတယ် မထနိူင်တော့ဘူး၊ ကားနဲ့တိုက်ပြီး လူစုခွဲတယ် ပြီးမှ သေနတ်နဲ့လိုက်ပစ်တာ “လို့ သူက ပြောပါတယ်။   သေနတ်နဲ့ပစ်ခတ်ဖြိုခွင်းခဲ့လို့ သေဆုံးသူ သုံး ဦးထက်မနည်းရှိပြီး ဖမ်းဆီးခံရတာကတော့ အမျိုးသမီး သုံးဦး နဲ့ အမျိုးသား ခုနှစ်ဦးရှိတယ်လို့ ပန်းပင်ကြီးလမ်းမှာနေထိုင်သူတဦးကပြောပါတယ်။   လက်တလောမှာတော့ စစ်တပ်နဲ့ရဲတွေဟာ ကျန်နေတဲ့ဆန္ဒပြလူငယ်တွေကို လိုက်လံရှာဖွေဖမ်းဆီးနေပြီး ဒီကနေ့မနက်ဖြစ်စဉ်ကြောင့် ဒဏ်ရာရရှိသူတွေလည်းရှိခဲ့တယ်လို့ မြို့ခံတွေရဲ့ပြောပြချက်အရ သိရပါတယ်။…

ဒီဇင်ဘာ ၅-၂၀၂၁ Shy V(VOM)   မြန်မာ – တရုတ်နယ်စပ် အဓိက ကုန်သွယ်ရာဂိတ်ဖြစ်တဲ့ ကျင်စန်းကျော့ကို နိုဝင်ဘာ၂၆ ရက်နေ့က ပြန်လည် ဖွင့်လှစ်ပြီးတဲ့နောက်ပိုင်း တရုတ်ဘက်ထဲကို ဖရဲကားတွေ ဝင်သွားနိုင်ပေမယ့် ရောင်းကွင်းထဲ မရောက်နိုင်သေးဘူးလို့ သစ်သီးပွဲရုံတွေနဲ့ မူဆယ် ၁၀၅ မိုင် သစ်သီးဝလံကုန်စည်ဒိုင်တွေဆီက သိရပါတယ်။   “အထဲရောက်သွားတဲ့ဟာကလည်း တရုတ်ပြည်ရဲ့အနီရောင် နယ်မြေထဲမှာပဲ ရောက်ထားသေးတာကြောင့် ပိုးသတ်ဆေးဖျန်းထားရပြီး ဂျူတီဆောင်ပြီးမှသာ ရောင်းကွင်းထဲကို ရောက်နိုင်မှာပါ၊ ဒါပေမယ့် ရောင်းကွင်းထဲကို မရောက်သေးဘူး။ မရောက်သေးတဲ့အတွက်ကြောင့်မို့လို့ ရောင်းတဲ့ ဈေးနှုန်းကလည်း မသိရသေးပါဘူးရှင့်။တရုတ်ဘက်ခြမ်းထဲကိုတော့ ၂၁ စီးပဲ ရောက်သေးတာဖြစ်ပြီး မြန်မာဘက်ခြမ်းမှာ စောင့်နေတာကတော့ အစီး ၇၀ ကျော် ၈၀ ဝန်းကျင်လောက် ရှိမယ်”လို့ စိုင်းမြင့်ဗိုလ်သစ်သီးပွဲရုံက မနန်းခမ်းခင်က ပြောပါတယ်။   ဝမ်တိန်ဘက်ခြမ်း ရောက်နေတဲ့ ဖရဲကားတွေဟာ…