Day: December 16, 2021

၀ါရှင်တန်၊ ဒီဇင်ဘာ-၁၆-၂၀၂၁ မျိုးဆက်(VOM)   အမေရိကန်အထက်လွှတ်တော်သည် အင်ဒို-ပစိဖိတ်ဒေသတွင် ကာကွယ်ဟန့်တားမှုကိုမြှင့်တင်ပေးမယ့် ၂၀၂၂ ခုနှစ် ကာကွယ်ရေးအသုံးစရိတ် ဥပဒေကြမ်းကို ဒီဇင်ဘာ ၁၅ ရက်မှာ မဲခွဲအတည်ပြုလိုက်ပါတယ်။   ဒေါ်လာ ၇၆၈ ဘီလီယံတန်ဖိုးရှိ အဲဒီကာကွယ်ရေးအသုံးစရိတ်ဥပဒေကြမ်းဟာ အထူးသဖြင့် တရုတ်နိုင်ငံရဲ့ လျှင်မြန်စွာကြီးထွားလာတဲ့ စစ်ရေးတည်ဆောက်မှုကို တန်ပြန်ဖို့ ရည်ရွယ်ထားပါတယ်။   အဲဒီဥပဒေကြမ်းမှာတော့ အင်ဒို-ပစိဖိတ်ဒေသမှာ ကာကွယ်ဟန့်တားမှုတွေ လုပ်ဆောင်ဖို့အတွက် ဒေါ်လာ ၇ ဒသမ ၁ ဘီလီယံထိသုံးစွဲမှာဖြစ်ပြီး ယခင်နှစ်ကခွဲဝေချထားတဲ့ အသုံးစရိတ်ထက် သုံးဆပိုများနေပါတယ်။   ရုရှားနှဲ့ တင်းမာမှုများမြင့်တက်နေတဲ့ ယူကရိန်းစစ်ဘက်အတွက် ထောက်ပံ့ဖို့ ဒေါ်လာ သန်း ၃၀၀ နဲ့ ဥရောပမှာ ကာကွယ်ရေးလုပ်ဆောင်ချက်တွေအားကောင်းစေဖို့ဒေါ်လာ လေးဘီလီယံ သုံးစွဲဖို့အတွက်လည်း ဥပဒေကြမ်းမှာပါ၀င်ပါတယ်။   အောက်လွှတ်တော်က အတည်ပြုထားပြီးဖြစ်တဲ့ အဲဒီ ကာကွယ်ရေးအသုံးစရိတ်ဥပဒေကြမ်းကို ဥပဒေအဖြစ် အတည်ပြုဖို့အတွက်…

ကွာလာလမ်ပူ၊ ဒီဇင်ဘာ-၁၆-၂၀၂၁ မျိုးဆက်(VOM)   အရှေ့တောင်အာရှခရီးစဉ်လာရောက်နေတဲ့ အမေရိကန်နိုင်ငံခြားရေး၀န်ကြီး ဘလင်ကင်နဲ့ အတူလိုက်ပါလာတဲ့ ကိုယ်စားလှယ်အဖွဲ့၀င်တစ်ဦး ကိုဗစ်(၁၉)ရောဂါကူးစက်ခံထားရတာကြောင့် ထိုင်းနိုင်ငံကို သွားရောက်မှာမဟုတ်တော့ဘဲ အမေရိကန်ကို လှည့်ပြန်တော့မှာဖြစ်ကြောင်း အမေရိကန်နိုင်ငံခြားရေး၀န်ကြီးဌာနက ဒီဇင်ဘာ ၁၅ရက်မှာပြောပါတယ်။   နိုင်ငံခြားရေး၀န်ကြီး ဘလင်ကင်ဟာ ထိုင်းနိုင်ငံ တာ၀န်ရှိသူတွေကို ဒီဇင်ဘာ ၁၆ရက်မှာ တွေ့ဆုံဖို့ စီစဉ်ထားခဲ့တာဖြစ်ပါတယ်။ ဒီအခြေအနေမှာ အန္တရာယ်များတာကြောင့် ဝါရှင်တန်ကို ပြန်မှာဖြစ်ကြောင်း ထိုင်းနိုင်ငံခြားရေး၀န်ကြီးကို ဘလင်ကင်က ပြောပါတယ်။   ဘလင်ကင်နဲ့ အတူလိုက်ပါလာတဲ့ အဖွဲ့၀င်ဟာ အင်ဒိုနီးရှားနိုင်ငံကနေ မလေးရှားနိုင်ငံကို ရောက်ရှိချိန်မှာ ကိုဗစ်-၁၉ ကူးစက်ခံနေရတာကို တွေ့ရှိခဲ့တာဖြစ်ပါတယ်။   မလေးရှားနိုင်ငံကိုရောက်ရှိချိန်အတွင်းမှာတော့ အဲဒီအဖွဲ့၀င်ဟာ ဘလင်ကင်နဲ့ အတူဘယ် အစီအစဉ်မှာမှ ပါ၀င်ခြင်းမရှိဘူးလို့ဆိုပါတယ်။   အမေရိကန်ကိုယ်စားလှယ်အဖွဲ့ရဲ့လေယာဉ်ဟာ ထိုင်းနိုင်ငံမှာ စက်ပိုင်းဆိုင်ရာအတွက် ခေတ္တသာရပ်နားမှာဖြစ်ပြီး တရား၀င်အစည်းအဝေး တခုမှမလုပ်ဘဲ မဟုတ်ဘဲ အမေရိကန်နိုင်ငံသို့ ပြန်မှာဖြစ်ပါတယ်။…

ဂျကာတာ၊ ဒီဇင်ဘာ-၁၆-၂၀၂၁ မျိုးဆက်(VOM)   မြန်မာ့အိမ်နီးချင်းနိုင်ငံတွေဖြစ်တဲ့ မလေးရှား၊ စင်ကာပူ၊ ထိုင်း၊ ဖိလစ်ပိုင် နိုင်ငံတို့မှာ အိုမီခရွန်ဗိုင်းရပ်စ် ကူးစက်မှုတွေရှိနေပြီး အင်ဒိုနီးရှားနိုင်ငံမှာလည်း အိုမီခရွန်ဗိုင်းရပ်စ်ကူးစက်မှုကို စတင်တွေ့ရှိခဲ့တယ်လို့ ကျန်းမာရေး၀န်ကြီး ဘူဒီဂူနာဒီဆာဒီကင်က ဒီဇင်ဘာ ၁၆ ရက်မှာ ထုတ်ဖော်ပြောဆိုလိုက်ပါတယ်။   ဂျကာတာရှိ ဆေးရုံတစ်ရုံမှ ၀န်ထမ်းတစ်ဦးမှာ အိုမီခရွန်ဗိုင်းရပ်စ်ကူးစက်နေတာကို ဒီဇင်ဘာ ၁၅ ရက်က စစ်ဆေးတွေ့ရှိခဲ့ခြင်းဖြစ်ပြီး သူဟာ ပြည်ပသို့ခရီးသွားရာဇ၀င်မရှိဘူးလို့ ကျန်းမာရေး၀န်ကြီးကပြောပါတယ်။   ဒါအပြင် အိုမီခရွန်သံသယလူနာ ငါးဦးကိုလည်းတွေ့ရှိထားပြီး မကြာသေးမီးက အမေရိကန်မှပြန်လာတဲ့ အင်ဒိုနီးရှားနိုင်ငံသားနှစ်ဦး၊ ဗြိတိန်မှပြန်လာတဲ့ တရုတ်နိုင်ငံသား သုံးဦးတို့ပါ၀င်ပြီး မျိုးရိုးဗီဇစစ်ဆေးမှုကို စောင့်ဆိုင်းနေကြပါတယ်။   တောင်အာဖရိကတွင် ပထမဆုံးတွေ့ရှိခဲ့ရသည့် အိုမီခရွန်ဗိုင်းရပ်စ်မျိုးကွဲသည် ဂျပန်နဲ့ ဟောင်ကောင်အပါအ၀င် အရှေ့တောင်အာရှနိုင်ငံတွေဖြစ်တဲ့ မလေးရှား၊ စင်ကာပူ၊ ထိုင်း၊ ဖိလစ်ပိုင်နဲ့ နိုင်ငံပေါင်း ၇၀ ကျော်မှာ ကူးစက်ပျံ့နှံ့နေကြောင်း…