ဒီဇင်ဘာ ၂၁-၂၀၂၁ KK(VOM) သီပေါမြို့နယ်က ငါးရာကျပ်တန်ထမင်းရောင်းချတဲ့ ပရဟိတအဖွဲ့ခေါင်းဆောင်အပါအဝင် လူ(၄)ဦးကို ပြီးခဲ့တဲ့ရက်ပိုင်းအတွင်းက ရဲတပ်ဖွဲ့ကဖမ်းဆီးပြီး လာရှိုးအကျဥ်ထောင်ကိုပို့လိုက်တယ်လို့ ဒေသခံတွေဆီက သိရပါတယ်။ နှလုံးသားပရဟိတအဖွဲ့မှ ခေါင်းဆောင်ဖြစ်သူ ကိုနေဇော်ထွန်းအပါအဝင် (၄)ဦးကို ဒီဇင်ဘာ ၁၈ရက်ကသီပေါရဲစခန်းက ဖမ်းဆီးပြီးနောက် ဒီဇင်ဘာ ၂၀ရ က်နေ့မှာ လာရှိုးအကျဥ်းထောင်ကို ပို့လိုက်တာဖြစ်တယ်လို့ ဒေသခံတဦးကပြောပါတယ်။ “ကိုနေဇော်ထွန်းရယ် သူ့အဖေရယ် ပရဟိတအဖွဲ့ဝင်နှစ်ဦးရယ်၊ လာဖမ်းတုန်းက ငါးရာတန်ထမင်းဆိုင်ကိစွရယ် ပရဟိတကိစ္စအတွက်ရယ် မေးစရာရှိလို့ ခဏပါဆိုပြီး ခေါ်သွားတာ”လို့ သူကရှင်းပြပါတယ်။ နှလုံးသားပရဟိတအဖွဲခေါင်းဆောင်နဲ့ အဖွဲ့ဝင်(၄)ဦးဖမ်းဆီးခံရတဲ့ကိစ္စနဲ့ပတ်သက်ပြီး လာရှိုးမြို့မရဲစခန်းကို VOMက ဖုန်းနဲ့ဆက်သွယ်ခဲ့ပေမယ့် ဆက်သွယ်လို့မရခဲ့ပါဘူး။ လက်တလောမှာ ဖမ်ဆီးခံမိသားစုဝင်တွေအနေနဲ့ လာရှိုးအကျဥ်းထောင်ကို ပို့လိုက်တယ်ဆိုတဲ့ သတင်းကိုသာကြားရပြီး အဆက်အသွယ်မရသေးတာကြောင့် စိတ်ပူပန်မှုတွေရှိနေတယ်လို့ ဒေသခံတွေက ပြောပါတယ်။ နှလုံးသားပရဟိတအဖွဲ့က ငါးရာကျပ်တန်ထမင်းဗူးကို ဒီဇင်ဘာ ၈…
Read Moreသီပေါမြို့နယ်က ငါးရာကျပ်တန်ထမင်းရောင်းချတဲ့အဖွဲ့ကို ရဲတပ်ဖွဲ့ကဖမ်းဆီးပြီး ထောင်ကိုပို့
