Day: June 11, 2022

ကျိုက်လတ်၊ ဇွန် ၁၁-၂၀၂၂ မင်းမြတ် ဧရာဝတီတိုင်း၊ကျိုက်လတ်မြို့နယ်က ရပ်ကွက်နဲ့ ကျေးရွာတွေမှာ တရက်နဲ့တရက် ဖဲလောင်းကစားဝိုင်း ကို ပေါ်ပေါ်တင်တင် တရားဝင်သဖွယ်လုပ်နေကြတယ်လို့ အဲ့ဒီဒေသခံတွေဆီက သိရပါတယ်။ ကျိုက်လတ်မြို့နယ်က ကျေးရွာ ၇ ရွာထက်မနည်းနဲ့ မြို့ပေါ်ရပ်ကွက် ၉ ခုလောက်မှာ ဖဲလောင်းကစားဝိုင်းကို တရားဝင်သဖွယ်လုပ်လာကြတာကြောင့် စီးပွားရေးကြပ်တည်းလာပြီး မှုခင်းတွေလည်း ဖြစ်ပွားလာတယ်လို့သိရပါတယ်။ ကျိုက်လတ်မြို့ပေါ်က ဒေသခံတဦးက” ဖဲဝိုင်းတွေကပေါ်ပေါ်တင်တင်လုပ်လာတာတွေ့ရတယ်။ တစ်နေ့နဲ့တစ်နေ့ ဖဲဝိုင်းတွေက တော်တော်များလာတာ။စီးပွားရေးတွေကလည်း ကျပ်တည်းလာချိန် တရားမဝင်လောင်းကစားတွေကများလာတော့ မှုခင်းတွေကလည်း ဖြစ်လာတယ်။ထပ်ထပ်ပြီးတော့လည်း ဖြစ်လာဖို့သာရှိတယ်၊ ဒါ့ကြောင့်ထိန်းချုပ်ဖို့လိုလိမ့်မယ်လို့ယူဆတယ်” လို့ ပြောပါတယ်။ အဲ့ဒီ လောင်းကစားဝိုင်းတွေကို ငွေကြေးပြေလည်သူတွေက လိုင်းကြေးတွေပေးပြီး လုပ်နေတာလို့သိရပြီး ဖဲဝိုင်းတစ်ဝိုင်းကို သိန်း ၅၀ ကျော်နဲ့ ၁၀၀ ကျော်လောက် လောင်းကစားကြေးဖြစ်နေပြီး ဝိုင်းကောင်းတဲ့အခါ ဒီထက်ပိုများတယ်လို့ ဒေသခံတွေရဲ့ပြောပြချက်သိရပါတယ်။ အဲ့ဒီလို လောင်းကစားပြုလုပ်နေတာနဲ့ပတ်သက်လို့ မြို့နယ်အဆင့်တာဝန်ရှိသူတဦးက “လောင်းကစားတွေကပြည်သူတွေကနေ စဖြစ်တာ။ဒီကလောင်းကစားတွေ…

ဇွန် ၁၁-၂၀၂၂ VOM (GG ) ပဲခူးတိုင်း ၊ လက်ပံတန်းမြို့နယ်၊ကျွန်းကလေးကျေးရွာအုပ်စုရဲ့ အုပ်ချုပ်ရေးမှူးဟာ ဆိုင်ကယ်စီးနေချိန် သေနတ်နဲ့ပစ်ခတ်ခံရလို့ နေရာမှာပဲ ပွဲချင်းပြီးသေဆုံးသွားတယ်လို့သိရပါတယ်။ ဒီနေ့ဇွန်လ ၁၁ ရက်နေ့ မနက် ၁၁ လောက် မှာ ကျွန်းကလေးကျေးရွာအုပ်စု အုပ်ချုပ်ရေးမှူးဦးမြင့်‌ရွှေ ဆိုသူဟာ အမျိုးသားတဦးနဲ့အတူ ဆိုင်ကယ်စီးလာစဉ် အခြားဆိုင်ကယ်စီးလာသူအမျိုးသားတွေက သေနတ်နဲ့ပစ်သတ်ပစ်ခတ်သွားတာဖြစ်တယ်လို့ သိရပါတယ်။ ” သူ့တပည့်နဲ့ လယ်သွားကြည့်တာမှာ သေနတ်နဲ့လိုက်အပစ်ခံရတာလို့ကြားတယ်။သူက စစ်မှုထမ်းဟောင်းပါ။လက်ပံတန်း​မြို့နယ် စစ်မှုထမ်းဟောင်းဥက္ကဋ္ဌ၊ သူက ဆေးရုံတောင်မရောက်လိုက်ဘူး နေရာမှာပွဲချင်းပြီးပဲ”လို့ ဒေသခံတဦးကပြောပါတယ်။ အုပ်ချုပ်ရေးမှူးနဲ့အတူပါတဲ့ အမျိုးသားလည်း သေနတ်ထိမှန်ခဲ့လို့ လက်ပံတန်းမြို့ပြည်သူ့ဆေးရုံမှာ ဆေးကုသမှုခံယူနေရတယ်လို့ သိရပါတယ်။ အုပ်ချုပ်ရေးမှူးနဲ့အမျိုးသားတဦး သေနတ်နဲ့ပစ်ခတ်မှုကိုတော့ သာယာဝတီခရိုင်တပ်ရင်း(၃၈၀၂) တပ်ခွဲ(၄)ရဲ့ ရွှေတန်းမြေပြည်သူ့ကာကာကွယ်ရေးတပ်ဖွဲ့က လုပ်ဆောင်ခဲ့တာဖြစ်တယ်လို့ သူတို့ရဲ့ လူမှုကွန်ရက်စာမျက်နှာမှာ ထုတ်ပြန်ထားပါတယ်။ #voiceofmyanmar #VOM #လက်ပံတန်း #ရပ်ကျေးအုပ်ချုပ်ရေးမှူး #ပစ်သတ်ခံရ

ဇွန် ၊ ၁၁ -၂၀၂၂ SP (VOM) မကွေးတိုင်း ၊ ပခုက္ကူခရိုင် ၊ ရေစကြိုမြို့နယ် ၊ ဆန်းသစ်ကျေးရွာအနီး ရေစကြို – ပခုက္ကူ ကားလမ်းပေါ်က ထွန်းညိုလူ တိုးလ်ဂိတ်ဟာ မနေ့ ဇွန် ၁၀ ရက် ည ၈ နာရီကျော်အချိန်က မိုင်းခွဲခံရတဲ့အတွက် ထိခိုက်ပျက်စီးသွားတယ်လို့ အဲ့ဒီဂိတ်ဝန်းကျင် ရွာခံတွေဆီက သိရပါတယ်။ ” ည ၈ နာရီကျော်ရင် ကားသွား ကားလာ မရှိတော့ဘူး ၊ အဲ့ဒီနောက်ပိုင်း ပေါက်ကွဲသံတွေကြားရတယ် ၊ ဒီမနက်ကျမှ တိုးလ်ဂိတ် ဖျက်ဆီးခံရတယ်ဆိုတာ သိရတယ် ” လို့ အမည်မဖော်လိုတဲ့ ဒေသခံတယောက်က ပြောပါတယ်။ ပခုက္ကူခရိုင် လုံခြုံရေးအဖွဲ့ နဲ့ နီးစပ်သူတယောက်က” ဖျက်ဆီးခံရတဲ့ တိုးလ်ဂိတ်က ထွန်းညိုလူဂိတ်ဖြစ်တယ် ၊ တိုးလ်ဖလာဇာ…

ဇွန် ၁၁-၂၀၂၂ KK(VOM) ရန်ကုန်မြို့၊ မြောက်ဒဂုံမြို့နယ်၊ ၄၂ ရပ်ကွက်မှာ ဒီကနေ့ နေ့လယ်ပိုင်းက လူငယ်သုံးဦးကိုပစ်ခတ်ဖမ်းဆီးခဲ့တယ်လို့ မြို့ခံတွေဆီက သိရပါတယ်။ ဒီကနေ့ နေ့လယ် ၁၂ နာရီက ​မြောက်ဒဂုံမြို့နယ်၊ ၄၂ ရပ်ကွက်၊ ဦးလင်းလမ်းက နေအိမ်တစ်အိမ်မှ လူငယ်(၃)ဦးကို စစ်တပ်က ပစ်ခတ်ဖမ်းဆီးခဲ့တာဖြစ် တယ်လို့ ရပ်ကွက်နေသူတဦးက ပြောပါတယ်။ “ပစ်ဖမ်းတာတော့ ဟုတ်တယ်၊ ဝင်ဖမ်းတဲ့အချိန် တယောက်ထွက်ပြေးလို့ ပစ်ပြီးဖမ်းတာ ထိသွားတယ်၊ လက်နက်တွေလည်း မိတယ်လို့ ပြောတယ်”လို့ သူကပြောပါတယ်။ ပစ်ခတ်ဖမ်းဆီးခံရသူတွေဟာ ဇူလှိုင်ဟိန်း၊ အောင်ခိုင်ထွန်း၊ ထက်လင်းအောင်တို့ဖြစ်ပြီး Glock ပစ္စတိုတစ်လက်၊ Stoeger Cougar ပစ္စတိုတစ်လက်၊ ကျည်အိမ်နှစ်ခု၊ကျည် ၄၉ တောင့်၊ လက်ပစ်ဗုံးလေးလုံးနဲ့ ယမ်းမှုန့်တစ်ထုတ် တို့နဲ့ ဖမ်းဆီးရမိခဲ့တယ်လို့ အုပ်ချုပ်ရေးနဲ့နီးစပ်သူတဦးက ပြောပါတယ်။ လက်တလောမှာ ဖမ်းဆီးခံရတဲ့လူငယ်သုံးဦးကို ဘယ်မှာချုပ်နှောင်ထားတယ်ဆိုတာ VOM သတင်းဌာနအနေနဲ့…

ဇွန် ၊ ၁၁-၂၀၂၂ SP (VOM) စစ်ကိုင်းတိုင်း ၊ ရွှေဘိုခရိုင် ၊ တန့်ဆည်မြို့ ၊ မဟာမြိုင်ရပ်ကွက် ၊ ရွှေကတော် ဘုရားအနီးက ရွှေကတော် စျေးတန်းဟာ မနေ့ ဇွန် ၁၀ ရက် ည ၈ နာရီဝန်းကျင်းက မီးလောင်ခဲ့တယ်လို့ တန့်ဆည်မြို့ခံတွေဆီက သိရပါတယ်။ “ညက ၈ နာရီကျော်မှာ မီးစတင်လောင်တယ် ၊ မီးလောင်ပျက်စီးသွားတာ ဆိုင်ခန်းပေါင်း ၃၁ ခန်းဖြစ်တယ် ၊ ရှို့မီးကြောင့် အခုလို ဆုံးရှုံးရတာပါ “လို့ မီးလောင်ဆုံးရှုံးခဲ့တဲ့ စျေးသည်တယောက်က ပြောပါတယ်။ တန့်ဆည်မြို့နယ်အုပ်ချုပ်ရေးအဖွဲ့နဲ့ နီးစပ်သူတဦးက ” ပျက်စီးဆုံးရှုံးမှု ခန့်မှန်းတန်ဖိုးက ကာယကံရှင် နစ်နာသူတွေနဲ့ စီစစ်တွက်ချက်နေတုန်းဖြစ်တယ် ၊ အကြမ်းဖက်သမားတွေက ဝင်ရောက်ရှို့တာလို့ စစ်ဆေးပေါ်ပေါက်တယ် ၊ အမှုဖွင့်ဆောင်ရွက်ထားပါတယ်”လို့ ပြောပါတယ်။ ဒါ့အပြင်…