Day: December 3, 2022

မော်စကို၊ ဒီဇင်ဘာ-၃-၂၀၂၂ မျိုးဆက်(VOM) ယူကရိန်းပဋိပက္ခမှာ ဖြစ်နိုင်ခြေရှိတဲ့ဖြေရှင်းနည်းတွေအတွက် ဆွေးနွေးပွဲတွေလုပ်ဖို့ လမ်းဖွင့်ထားပြီး သံတမန်နည်းလမ်းအရ အဖြေရှာနိုင်မယ်လို့ ယုံကြည်ကြောင်း ရုရှားသမ္မတရုံးက ဒီဇင်ဘာ ၂ ရက်မှာ ထုတ်ပြန်ပါတယ်။ ယူကရိန်းစစ်ပွဲအဆုံးသတ်ဖို့ ရုရှားသမ္မတပူတင်နဲ့တွေ့ဆုံဖို့ ပြင်ဆင်ထားကြောင် အမေရိကန်သမ္မတ ဂျိုးဘိုင်ဒင်က ထုတ်ဖော်ပြောဆိုပြီးနောက် ရုရှားဘက်က အခုလို ထုတ်ပြန်လိုက်တာဖြစ်ပါတယ်။ ယူကရိန်းစစ်ပွဲကို အဆုံးသတ်ဖို့ တခုတည်းသောနည်းလမ်းကတော့ ရုရှားတပ်တွေကို ရုပ်သိမ်းဖို့ဖြစ်ပြီး ပဋိပက္ခချုပ်ငြိမ်းရေးအတွက် ပူတင်အနေနဲ့ ကြိုးပမ်းနေတယ်ဆိုရင် တွေ့ဆုံဖို့ အသင့်ရှိကြောင်း ပြင်သစ်သမ္မတနဲ့ တွေ့ဆုံစဉ်မှာ အမေရိကန်သမ္မတက ပြောပါတယ်။ သမ္မတပူတင်အနေနဲ့ တွေ့ဆုံဆွေးနွေးရေးကို လမ်းဖွင့်ထားပေမယ့်လည်း ယူကရိန်းက တပ်တွေကို ရုပ်သိမ်းမှာမဟုတ်ဘူးလို့ ရုရှားသမ္မတရုံး ပြောရေးဆိုခွင့်ရှိသူ ဒီမီထရီပက်စ်ကော့ဗ်ကပြောပါတယ်။ ယူကရိန်းအပေါ် စစ်ရေးအရ ဆောင်ရွက်မှုများနှင့်ပတ်သက်၍ နောင်တရစရာမရှိကြောင်း ပူတင်က ပြောဆိုထားပါတယ်။ ယူကရိန်းနဲ့ အနောက်နိုင်ငံတွေကတော့ ပူတင်ဟာ နယ်ချဲ့တဲ့ပုံစံစစ်ဆင်နွှဲတာဖြစ်တယ်လို့ ဝေဖန်ပြောဆိုထားပါတယ်။ Ref: Reuters…

ဂျကာတာ၊ ဒီဇင်ဘာ-၃-၂၀၂၂ မျိုးဆက်(VOM) အင်ဒိုနီးရှားနိုင်ငံမှာ လက်ထပ်ထိမ်းမြားခြင်းမပြုဘဲ အတူနေတာကို ထောင်ဒဏ်တနှစ်ထိ ချမှတ်အပြစ်ပေးနိုင်တဲ့ ရာဇ၀တ်ဆိုင်ရာ ဥပဒေသစ်တရပ်ကို ပါလီမန်က ယခုလအတွင်း အတည်ပြုဖွယ်ရှိနေပါတယ်။ အဲဒီဥပဒေကို လာမယ့် သီတင်းပတ်အစောပိုင်းမှာ ပါလီမန်က အတည်ပြုနိုင်ကြောင်း ဥပဒေမူကြမ်းရေဆွဲရာမှာ ပါ၀င်တဲ့ လွှတ်တော်အမတ်တဦးက ပြောပါတယ်။ ဥပဒေအရ အင်ဒိုနီးရှားနိုင်ငံသားတွေနဲ့ ပြည်ပနိုင်ငံသားတွေပါ အကြုံး၀င်မှာဖြစ်ပါတယ်။ အိမ်ထောင်ရေးဖောက်ပြန်မှုကြောင့် ပြစ်ဒဏ်ပေးတာတွေကတော့ အာဏာပိုင်ဆီကို တိုင်တန်းမှုရှိမှသာဖြစ်ပြီး ပြစ်မှုကျူးလွန်သူရဲ့ ဇနီးသို့မဟုတ် ခင်ပွန်းသာအကြုံး၀င်မှာ ဖြစ်ပါတယ်။ လက်မထပ်ရသေးဘဲ အတူနေတာနဲ့ ပတ်သက်ပြီးမိဘတွေက တိုင်ကြားမှုပြုနိုင်ကြောင်း ဥပဒေကြမ်းမှာ ပါ၀င်ပါတယ်။ ယခင်ကဥပဒေမူကြမ်းကို ၂၀၁၉ ခုနှစ်မှာ အတည်ပြုဖို့ သတ်မှတ်ခဲ့ပါတယ်။ ဒါပေမယ့် ဒီကိစ္စနဲ့ပတ်သက်ပြီး မြို့တော်ဂျကာတာအပါအ၀င် နိုင်ငံတ၀န်းရှိ မြို့ကြီးတွေမှာ လူသောင်းပေါင်းများစွာ လမ်းပေါ်ထွက်ဆန္ဒပြမှုတွေ အကြီးအကျယ်ဖြစ်ပွားခဲ့ပါတယ်။ Ref: BBC #voiceofmyanmar #VOM #ဂျကာတာ

ဆစ်ဒနီ၊ ဒီဇင်ဘာ-၃-၂၀၂၂ မျိုးဆက်(VOM) ယူကရိန်းကို ရုရှားရဲ့ ကျူးကျော်တိုက်ခိုက်မှုနဲ့ပတ်သက်ပြီး ဥရောပဟာ ကိုယ်ပိုင်ရပ်တည်ဖို့ လုံလောက်တဲ့ အင်အားမရှိဘဲ ချိနဲ့နေပြီး အမေရိကန်ရဲ့ အထောက်အပံ့ကို မှီခိုနေရကြောင်း ဖင်လန်၀န်ကြီးချုပ် ဆန်နာမာရင်က ဒီဇင်ဘာ ၂ ရက်မှာ သတိပေးပြောဆိုလိုက်ပါတယ်။ ဖင်လန်၀န်ကြီးချုပ် ဆန်နာမာရင်က သူ့ရဲ့သြစတြေးလျခရီးစဉ်အတွင်း အခုလိုမှတ်ချက်ပြုပြောဆိုလိုက်တာဖြစ်ပြီး လုံး၀အရိုးသားဆုံးပြောရမယ်ဆိုရင် ဥရောပဟာ ခိုင်မာတောင့်တင်းမှုမရှိသေးကြောင်းနနဲ့ အမေရိကန်မရှိရင် ဒုက္ခရောက် အကြပ်ရိုက်လ်ိမ့်မယ်လို့ သူကပြောပါတယ်။ အမေရိကန်ဟာ လက်ရှိချိန်ထိ ယူကရိန်းအတွက် စစ်ရေးအကူအညီအပေးဆုံးနိုင်ငံဖြစ်ပြီး ဖေဖော်ဝါရီလမှာ စစ်ပွဲစတင်ချိန်ကစပြီး ဒေါ်လာ ၁၈ ဒသမ ၆ ဘီလီယံထိ ကူညီမယ်လို့ ကတိပြုထားပါတယ်။ ဥရောပသမဂ္ဂဟာ ယူကရိန်းအတွက် အမေရိကန်ပြီးရင် ဒုတိယမြောက် ထောက်ပံ့မှုအများဆုံးအဖြစ် ရပ်တည်နေပြီး ဗြိတိန်ကမူ တတိယနေရာမှာ ရပ်တည်နေပါတယ်။ ဥရောပအနေနဲ့ ကာကွယ်ရေးစွမ်းရည်ကို ယခုထက်ပိုပြီး ခိုင်မာအားကောင်းဖို့ လုပ်ဆောင်ရမှာဖြစ်ကြောင်း ဖင်လန်၀န်ကြီးချုပ်က အကြံပြုပြောဆိုပါတယ်။…