Year: 2022

ဒီဇင်ဘာ ၁-၂၀၂၂ GG(VOM) ရန်ကုန်တိုင်းအတွင်းက ဘုန်းကြီးကျောင်းတွေမှာ ညအိပ် ဧည့်သည် လက်မခံဖို့၊ အကယ်၍ လက်ခံမယ်ဆိုပါက သက်ဆိုင်ရာအုပ်ချုပ်ရေးအဖွဲ့နဲ့ချိတ်ဆက်ဆောင်ရွက်ရမှာ​ဖြစ်တယ်လို့ဘုန်းကြီးကျောင်းတွေဆီက သိရပါတယ်။ ” ဟုတ်တယ် ညအိပ်ညနေကို လက်မခံဖို့ပေါ့။ လက်ခံမယ်ဆိုရင်လည်း အုပ်ချုပ်ရေးမှူးတွေကိုအသိပေးရမယ်။ ဖြစ်နိုင်ရင်တော့ လက်မခံတာအကောင်းဆုံးပေါ့။ မလိုလားအပ်တဲ့ပြဿနာတွေမဖြစ်အောင်လို့ပြောတယ် ၊ဧည့်စာရင်းတိုင်ရမယ့်သဘောပေါ့ “လို့ ကျောင်းထိုင်ဘုန်းတော်ကြီးတပါးကမိန့်ပါတယ်။ ဒါ့ကြောင့် ကျောင်းထိုင်ပဓာန နာယက၊ တိုက်အုပ်၊ တိုက်ကြပ်၊ စာချဆရာတော်တွေ စတဲ့ တာဝန်ရှိပုဂ္ဂိုလ်များ သိရှိခြင်း၊ ခွင့်ပြုခြင်းမရှိဘဲ ညအိပ် ညနေဧည့်သည်တွေ လက်ခံခြင်း မပြုဖို့နဲ့ တကယ်လို့ ညအိပ်လက်ခံမယ်ဆိုပါက သက်ဆိုင်ရာ အုပ်ချုပ်ရေးအဖွဲ့ အစည်းနဲ့ ဆက်သွယ်ဆောင်ရွက်ဖို့ တိုင်းဒေသကြီး သံဃနာယက အဖွဲ့က ညွှန်ကြားထားတာဖြစ်တယ်လို့ သိရပါတယ်။ ရန်ကုန်တိုင်းထဲက ဘုန်းကြီးကျောင်းအချို့မှာ ည အိပ် ညနေဧည့်သည် လက်ခံခြင်းကြောင့် လုယက်မှု၊ ခိုက်ရန်ဖြစ်မှုနဲ့ စတဲ့ ဒုစရိုက်မှုခင်းတွေ ဖြစ်ပေါ်…

ဒီဇင်ဘာ ၁ -၂၀၂၂ SP (VOM) စစ်ကိုင်းတိုင်း ၊ မုံရွာခရိုင် ၊ အရာတော်မြို့နယ်နဲ့ ကန့်ဘလူခရိုင် ၊ ကန့်ဘလူမြို့နယ်ထဲက ကျေးရွာတချို့ဟာ အတွင်း မီးရှို့ဖျက်ဆီးခံရပြီး မီးလောင်သေဆုံးရသူတွေနဲ့ ထိခိုက်ဒဏ်ရာရသူတွေ ရှိခဲ့တယ်လို့ အခင်းဖြစ်ပွားရာဒေသက နယ်ခံလူမှုကူညီရေးအဖွဲ့တွေဆီက သိရပါတယ်။ ” ကျောက်တိုင်ရွာမှာ ပြီးခဲ့တဲ့ရက်ပိုင်း နိုဝင်ဘာ ၂၂ ရက် မနက်ပိုင်းက အိမ်ခြေ ၂၀၀ ရာကျော်ရှိတဲ့အထဲက အိမ်ခြေ ၁၇၀ ကျော် မီးလောင်ပြီး လက်ရှိ အိမ်ခြေ ၃၀ ကျော်ပဲကျန်တယ် ၊အဲ့ဒီအပြင် ဒက္ခိဏရာမကျောင်းတိုက်က ဆွမ်းစားကျောင်းဆောင် တခုလည်း မီးလောင်ပျက်စီးခဲ့တယ်၊ အဲ့ဒီ မီးလောင်ပြင်ထဲမှာ ဒေါ်ပြား အသက် ၉၀ နှစ်နဲ့ ဒေါ်ထူး အသက် ၇၅ နှစ် တို့ ၂ ဦးအပြင် အသက် ၃၇…

ဒီဇင်ဘာ ၁ – ၂၀၂၂ SN (VOM) ဒဂုံတက္ကသိုလ်က ကျောင်းသား ၇ ဦးကို မနေ့ နိုဝင်ဘာ ၃၀ ရက်က အင်းစိန်ထောင်တွင်းတရားရုံးကနေ ပုဒ်မ ၃၀၂ (က) နဲ့ သေဒဏ်ချမှတ်ခဲ့တယ်လို့ ဒဂုံတက္ကသိုလ် ကျောင်းသားများသမဂ္ဂက အတည်ပြုထုတ်ပြန်ထားပါတယ်။ သေဒဏ်စီရင်ချက် ချမှတ်ခံရသူတွေကတော့ မောင်ခန့်ဇင်ဝင်း၊ မောင်သူရမောင်မောင်၊ မောင်ဇော်လင်းနိုင်၊ မောင်သီဟထက်ဇော်၊ မောင်ဟိန်းထက်၊ မောင်သက်ပိုင်ဦး၊ မောင်ခန့်လင်းမောင်မောင် တို့ ဖြစ်တယ်လို့ သိရပါတယ်။ သူတို့ကို ဖက်ဆစ်ဆန့်ကျင်ရေးလက်ရုံးတပ်ဖွဲ့မှာ ပါဝင်တယ်ဆိုတဲ့ စွပ်စွဲချက်အပြင် အခုနှစ် ဧပြီလ ၁၈ ရက်က ကမ္ဘာ့ရတနာဘဏ်မန်နေဂျာ(တောင်ဒဂုံဘဏ်ခွဲ) ဒုတိယဗိုလ်မှူးကြီး စောမိုးဝင်း အပစ်ခံရပြီး သေဆုံးခဲ့မှုတွေနဲ့ ပါဝင်ပတ်သက်တယ်ဆိုတဲ့ စွပ်စွဲချက်တွေနဲ့ အင်းစိန်ထောင်တွင်း တရားရုံးက အခုလို သေဒဏ်ချမှတ်လိုက်တာဖြစ်ပြီး ကျန်ရှိနေတဲ့ အမှု ၂ မှုကိုလည်း ဆက်လက်စစ်ဆေးနေတယ်လို့ သိရပါတယ်။…

ဒီဇင်ဘာ ၁-၂၀၂၂ GG (VOM) ထိုင်းနိုင်ငံကိုလာမယ့် မြန်မာနိုင်ငံသားတွေကို ဗီဇာကင်းလွတ်ခွင့် ၄၅ ရက်အထိ တိုးမြှင့်ပေးလိုက်တယ်လို့ ထိုင်းအာဏာပိုင်တွေဘက်က ကြေညာထားပေမယ့် လက်တွေ့မှာတော့ ၁၄ ရက်သာ နေခွင့်ရသူတွေရှိနေတယ်လို့ သိရပါတယ်။ “ကျနော်တို့ အခုလ ၁၀ရက်နေ့ကမှ သွားတာ အဲ့ ဒီအချိန်အထိ ၁၄ရက်ပဲ ရပါတယ်။ အသိတွေသွားကြတာလည်းမနေ့ကအထိကို ၁၄ ရက်ပဲရပါတယ်။ ထိုင်းဘက်ကကြေညာထားတာကတော့ နိုင်ငံခြားသားတွေကို ၄၅ ရက်အထိ ကင်းလွတ်ခွင့်ပြုမယ်၊မြန်မာတွေလည်းအပါအဝင်ဆိုပြီးပြောထားပေမယ့်တကယ်တမ်းကျ မရသေးဘူးဗျ “လို့ ထိုင်းကပြန်ရောက်လာသူတဦးကပြောပါတယ်။ မြန်မာနိုင်ငံသားအပါအဝင် နိုင်ငံခြားသားခရီးသွားအားလုံးကို ထိုင်းနိုင်ငံမှာ ၄၅ရက် visa free သက်တမ်း နေထိုင်ခွင့်ပြုကြောင်းကို ထိုင်းနိုင်ငံ နိုင်ငံခြားရေးဝန်ကြီး ကောင်စစ်ဝန်ဌာနက ပြီးခဲ့တဲ့ စက်တင်ဘာ ၃၀ ရက်နေ့က ထုတ်ပြန်ကြေညာခဲ့တာဖြစ်တယ်လို့ ထိုင်းနိုင်ငံရောက်မြန်မာနိုင်ငံသားတွေဆီကသိရပါတယ်။ “ထုတ်ပြန်ချက်မှာ မြန်မာလည်း ၄၅ ရက် ဗီဇာကင်းလွတ်ခွင့်နဲ့နေထိုင်လို့ရတယ်လို့ ပါတယ်။ ဒါပေမယ့်တကယ်တမ်း…

နိုဝင်ဘာ ၃၀၊ ၂၀၂၂ Shy V (VOM) ရှမ်းပြည်နယ်မြောက်ပိုင်း၊ ဝကိုယ်ပိုင်အုပ်ချုပ်ခွင့်ရတိုင်းရှိ ပန်ဆန်းမြို့၊ နားလော်မှာ ဒီကနေ့ ‌နိုဝင်ဘာ ၃၀ မနက် ၁၀ နာရီကျော်ဝန်းကျင်ခန့်က လျှပ်စစ် ထရန်စဖာ ပေါက်ကွဲပြီး လူသုံးဦး သေဆုံးကာ အများအပြား ဒဏ်ရာရရှိကြောင်း ဝ ပြည်ပဆက်ဆံရေးရုံး တာဝန်ရှိပုဂ္ဂိုလ်နဲ့ ဒေသခံတွေဆီက သိရပါတယ်။ “လောလောဆယ်တော့ သုံးယောက်ကတော့ သေတာပေါ့နော်။ အဆောက်အဦတွေ တော်တော်တော့ ပျက်စီးတယ်။ ကားတွေရော ထိတယ်။ အခုလောလောဆယ် အတိအကျတော့ မသိရသေးဘူး။”လို့ UWSA လားရှိုးဆက်ဆံရေးရုံး တာဝန်ခံ ဦးညီရန်းက ပြောပါတယ်။ ပေါက်ကွဲမှုမှာ လက်ရှိ လူသုံးဦးသေဆုံးပြီး လူအများအပြားဒဏ်ရာရရှိထားကာ ထိခိုက်ဒဏ်ရာရသူဦးရေ အတိအကျတော့ မသိရသေးတဲ့အပြင် အနီးနားဝန်းကျင်ရှိ အဆောက်အဦနဲ့ ကားတွေပါ အများအပြား ထိခိုက်ပျက်စီးတာမျိုးရှိတယ်လို့ သူက ပြောပါတယ်။ ထရန်စဖော်မာက သက်တမ်းကြာနေပြီ…