Day: January 16, 2023

ဇန်နဝါရီ ၁၆ -၂၀၂၃ SP (VOM) ချင်းပြည်နယ် ၊ မတူပီမြို့နယ် ၊ တလန်းကျေးရွာနားမှာ မနေ့ ဇန်နဝါရီ ၁၅ ရက် နေ့လယ်ပိုင်းက လူသေရုပ်အလောင်းတွေနဲ့အတူ လက်နက်ခဲယမ်းတွေ သိမ်းဆည်းရမိတယ်လို့ တလန်းရွာခံတွေဆီက သိရပါတယ်။ “မနေ့က ရွာနားမှာ တိုက်ပွဲဖြစ်တယ် ၊ ၂ ဘက် ပစ်ကြတာ အချိန်အတော်ကြာတယ် ၊ အဲ့ဒီ တိုက်ပွဲ အပြီးမှာ ရုပ်အလောင်းတွေနဲ့ လက်နက်တွေ သိမ်းဆည်းရမိတာဖြစ်တယ်”လို့ တလန်းရွာခံတယောက်က ပြောပါတယ်။ တလန်းရွာ ထိတွေ့တိုက်ပွဲဖြစ်တာနဲ့ ပတ်သတ်ပြီး ချင်းပြည်နယ် လုံခြုံရေးအဖွဲ့နဲ့ နီးစပ်သူ တယောက်က ” မတူပီမြို့နယ်ထဲမှာ နယ်မြေရှင်းလင်းနေတာဖြစ်တယ် ၊ မနေ့က တလန်းရွာနားမှာ CDF အဖွဲ့နဲ့ ထိတွေ့မှုဖြစ်တယ် ၊ အမျိုးသား ၂ လောင်း ၊ အမ် ၄…

ဇန်နဝါရီ ၁၆၊ ၂၀၂၃ Shy V (VOM) ရှမ်းပြည်နယ်မြောက်ပိုင်း တရုတ်-မြန်မာနယ်စပ် မူဆယ် မန့်ဝိန်းဂိတ်ကနေ တရုတ်ဘက် ဝင်/ထွက်မယ့် ယာဉ်မောင်းတွေကို နယ်စပ်ဖြတ်ကျော်ခွင့် BP စာအုပ် စတင်လုပ်ပေးနေပြီလို့ သက်ဆိုင်ရာဌာန နဲ့ ဆက်စပ်သူတွေဆီက သိရပါတယ်။ “စာအုပ်က လုပ်ပေးနေပြီ၊ ကားသမားတွေအတွက်ပဲ ၆ ဘီး ကားသမား။ မူဆယ်၊ နမ့်ခမ်း အိမ်ထောင်စုရှိတဲ့ ကားသမားပဲရမယ်။ ကားအဝင်အထွက်တော့ တစီးမှ မရှိသေးဘူး။” လို့ မန့်ဝိန်းပေါက် immigrationမှ တာဝန်ကျ ဝန်ထမ်းတဦးက ပြောပါတယ်။ Passport က Border Pass (BP) စာအုပ်အမျိုးအစားဖြစ်ပြီး မနေ့ ဇန်နဝါရီ ၁၅ ရက်နေ့ကစ ၆ ဘီးကားသမားတွေအတွက်ပဲ မူဆယ်ခရိုင်ရုံးမှာ ပြုလုပ်ပေးနေတာဖြစ်တယ်လို့ ပြောပါတယ်။ မူဆယ်နဲ့ နမ့်ခမ်း အိမ်ထောင်စု မဟုတ်တဲ့သူတွေက ဘယ်လိုလုပ်ရမယ်…

ဇန်နဝါရီ ၁၆ – ၂၀၂၃ SN (VOM) ပြင်ဦးလွင်၊ ဝက်ဝံကျေးရွာက X-ray စစ်ဆေးရေးဂိတ်မှာ စစ်ဆေးမှုတွေ တင်းကြပ်နေတာကြောင့် ယာဉ်အစီးရေ ရာနဲ့ချီ ပိတ်မိနေတယ်လို့ ကုန်တင်ယာဥ်မောင်းတွေဆီက သိရပါတယ်။ ကုန်ပစ္စည်းသယ်ယူမှုတွေကို တင်းတင်းကြပ်ကြပ် စစ်ဆေးနေတာဖြစ်ပြီး နောင်ချိုမြို့ဘက်က ဆင်းလာတဲ့ ကားအားလုံးကို စစ်ဆေးနေတာဖြစ်တယ်လို့ သိရပါတယ်။ “အိမ်စီးကားတွေရော၊ ကုန်တင်ယာဉ်တွေရော အစစ်ဆေးခံနေရတာပါ။ ကားတန်းသုံးထပ် အနေအထားနဲ့ ရာနဲ့ချီတန်းနေရပြီး ခြေမြစ်ပင်စာသင်ကျောင်းကျော်အထိ စောင့်ဆိုင်းနေကြရပါတယ်။ ဘာကြောင့်မှန်းတော့ မသိရသေးပါဘူး။ အတက်ကားတွေကတော့ ပုံမှန်သွားလာလို့ရနေပါတယ်”လို့ ယာဉ်မောင်းတဦးက ပြောပါတယ်။ ဝက်ဝံ X ray စစ်ဆေးရေးဂိတ်ဟာ ပြီးခဲ့တဲ့ ၂၀၂၂ ခုနှစ်ကစပြီး တင်းကြပ်တဲ့ စစ်ဆေးမှုတွေ ပြုလုပ်ခဲ့တာကြောင့် မကြာခဏယာဉ်ကြောပိတ်ဆို့မှုတွေ ဖြစ်ပွားလေ့ရှိပြီး အနည်းဆုံး ၄ နာရီကနေ ၈ နာရီအထိ ကြာတယ်လို့ သိရပါတယ်။ လက်ရှိမှာ နစကအနေနဲ့…

ဇန်နဝါရီ ၁၅-၂၀၂၃ KK(VOM) ၂၀၂၃ ရွေးကောက်ပွဲအတွက် ရန်ကုန်မှာ လူဦးရေစာရင်းကောက်ယူနေချိန် ဗုံးပေါက်ကွဲမှုနဲ့ပစ်ခတ်မှု့တွေ​ဖြစ်လို့ သေဆုံးသူနဲ့ဖမ်းဆီးခံရသူတွေရှိတယ်လို့ မြို့ခံတွေဆီသိရပါတယ်။ ဒီကနေ့ မနက်ခြောက်နာရီက သာကေတမြို့နယ်၊ ၁၀/တောင် ၁၄ ရပ်ကွက်၊ သလ္လာဝတီ (၁)လမ်းမှာ ဆိုင်ကယ်စီးလာသူနှစ်ဦးက ပစ်ခတ်ခဲ့လို့ ရာအိမ်မှူးတဦးသေဆုံးခဲ့တယ်လို့ ရပ်ကွက်နေသူတစ်ဦးက VOM ကိုပြောပါတယ်။ “မနက်အစောကြီးပစ်သွားတာ စစ်တပ်ရော ရဲရော လမ်းတွေပိတ်ပြီး ပစ်တဲ့သူကိုရှာတယ် မမိဘူး၊ အပစ်ခံရတာ ရာအိမ်မှူးပါ ဆေးရုံမပို့ခင်သေသွားတယ်”လို့ သူကရှင်းပြပါတယ်။ အလားတူ ဇန်နဝါရီ ၁၁ ရက် နေ့လယ်ပိုင်းကလည်း တာမွေမြို့နယ်၊တာမွေ {ကခ}ရပ်ကွက်၊၁၆၂လမ်းမှာ လူဦးရေစာရင်းကောက်နေချိန် ဗုံးပေါက်ကွဲမှုဖြစ်ခဲ့တယ်လို့ မြို့ခံတဦးက VOM ကိုပြောပါတယ်။ “ဗုံးပေါက်တာတော့ ကြားတယ် လူထိခိုက်မှု မရှိတော့ သတင်းက သိပ်ပြန့်မသွားဘူး ယ၊ ပစ်တာခတ်တာတွေနဲ့ဗုံးပေါက်တာတွေက ဖြစ်နေအုံးမှာပဲ “လို့ ရှင်းပြပါတယ်။ ရန်ကုန်မှာ လူဦးရေစာရင်းကောက်နေချိန် အင်းစိန်၊လှိုင်နဲ့စမ်းချောင်းမြို့နယ်မှာတော့…

ဇန်နဝါရီ၊ ၁၅-၂၀၂၃ MM(VOM) ဧရာဝတီတိုင်း ၊ ငပုတောမြို့နယ်၊ ငရုတ်ကောင်းမြို့၊ သံပတ်ကွင်းကျေးရွာရဲ့ အရှေ့မြောက် (၂၅) မိုင်အကွာက တောအတွင်းတနေရာမှာ လက်နက်တွေနဲ့ စခန်းတခုသိမ်းဆည်းခံရတယ်လို့ သိရပါတယ်။ ”မနေ့က သိမ်းဆည်းရမိတာ ၊ သံပတ်ကွင်းကျေးရွာအနီးက တောထဲမှာတွေ့တာ ၊ လုံခြုံရေးတပ်ဖွဲ့ဝင်တွေက နယ်မြေရှင်းရေးဆောင်ရွက်ရင်းသိမ်းဆည်းရမိခဲ့တာ။”လို့ လုံခြုံရေးတပ်ဖွဲ့နဲ့ နီးစပ်သူ တယောက်ကပြောပါတယ်။ သိမ်းဆည်းရမိတဲ့ ပစ္စည်းတွေကတော့ လူ ၂ ဦးဆံ့ တဲ (၃)လုံး၊ လူ ၃ ဦးဆံ့ တဲ (၁)လုံး၊ လူ ၄ ဦးဆံ့တဲ (၁)လုံး၊ M 22 ပစ္စတို (၁)လက်၊ ကျည်အိမ် (၁)ခု ၊ ၉ မမ ကျည် (၂၂)တောင့် ၊ ၁၂ ဗို့လက်လုပ်သေနတ် (၁)လက်နဲ့ ကျည် (၁၀)တောင့်၊ တူမီး…

ဇန််နဝါရီ ၊ ၁၅ ၊ ၂၀၂၃ SP (VOM) စစ်ကိုင်းတိုင်း ၊ စစ်ကိုင်းခရိုင် ၊ မြောင်မြို့နယ် ၊ မြို့နယ် အထွေထွေအုပ်ချုပ်ရေးမှူးရဲ့ မိန်းမဖြစ်သူ အပါအဝင် ရုံးဝန်ထမ်း ၄ ယောက်ဟာ မနေ့ ဇန်နဝါရီ ၁၄ ရက် နေ့လယ်ပိုင်းက စတင်ပြီး ဆက်သွယ်မရ ပျောက်ဆုံးနေတယ်လို့ ထွေ /အုပ် အသိုင်းအဝိုင်းဆီက သိရပါတယ်။ “မနေ့က ညနေပိုင်း ၂ နာရီဝန်းကျင်ကစလို့ အဆက်အသွယ် ပြတ်တောက်သွားတယ် ၊ ဒီမနက်ထိဖြစ်တယ် ၊ မြို့နယ်အုပ်ချုပ်ရေးမှူးကတော် အပါအဝင် ထွေ /အုပ် ဝန်ထမ်း အမျိုးသမီး ၁ ဦး ၊ အမျိုးသား ၂ ဦး ပေါင်း ၄ ဦးဟာ မနေ့က မြင်းမူမြို့ကနေ မြောင်မြို့ဘက်ကို ကားနဲ့…