Month: January 2023

ဇန်နဝါရီ ၂၇ -၂၀၂၃ GG(VOM) တနိုင်ငုံလုံးအတိုင်းအတာအနေနဲ့ ရွှေဆိုင်တွေအားလုံး ထွေ/အုပ်ရုံးမှာ ရွှေသတ္တု လိုင်စင် မဖြစ်မနေလျှောက်ထားရမှာဖြစ်တယ်လို့ ရန်ကုန်တိုင်း ရွှေလုပ်ငန်းရှင်များအသင်း YGEA ကနေ သိရပါတယ်။ စည်ပင်သာယာရေးကော်မတီက ထုတ်ပေးတဲ့ လိုင်စင်ရော ထွေ/အုပ်ရုံးကထုတ်ပေးမယ့်လိုင်စင်ပါ လျှောက်ထားရမှာဖြစ်ပြီး ၊ လိုင်စင် ၂ခုလုံးရှိမှသာ ရွှေရောင်းဝယ်ခွင့်ပြုလုပ်နိုင်မှာဖြစ်တယ်လို့ သိရပါတယ်။ ” ဟုတ်တယ် သတ္တုရွှေလိုင်စင်ကို ထွေအုပ်ကနေ လိုင်စင်တခု ထပ်ပေးတာ၊မဖြစ်မနေလျှောက်ရမှာ၊ စည်ပင်လိုင်စင်တခုတည်း အရောင်းအဝယ်လုပ်လို့မရဘူး၊အဓိက ငွေကြေးခဝါချသူကို မရောင်းမိအောင်ပေါ့၊ဥပမာ အကြိမ်ကြိမ်လာဝယ်တယ် လာဝယ်တာသာရှိပြီး ပြန်ရောင်းတာမရှိဘူး အဲ့ဒါမျိုးကိုတားဆီးနိုင်အောင်ပေါ့”လို့ YGEA အသင်းဥက္ကဋ္ဌဦးမျိုးမြင့်ကပြောပါတယ်။ ဒါကြောင့် ငွေကြေးခဝါချမှုတိုက်ဖျက်ရေးသင်တန်းကို တက်ရောက်ပြီးတဲ့ ရွှေဆိုင်ပိုင်ရှင်တွေကိုသာ ထွေ/အုပ်ရုံးက လိုင်စင်တွေထုတ်ပေးမှာဖြစ်တယ်လို့ဆိုပါတယ်။ ထွေ/အုပ်ရုံးအနေနဲ့ ရွှေဆိုင်တွေရဲ့ ရွှေရောင်းဝယ်မယ့် စာရင်းဇယားအတိကျကိုသိရှိဖို့နဲ့ ပြင်ပလမ်းပေါ်တွေမှာ လိုင်စင်မရှိဘဲ ရောင်းဝယ်နေတာတွေကို မရှိအောင် ဆိုတဲ့ရည်ရွယ်ချက်လည်းပါတယ်လို့သိရပါတယ်။ လက်ရှိမှာတော့ ငွေကြေးခဝါချမှုတိုက်ဖျက်ရေးသင်တန်းကို ရန်ကုန်တိုင်းမှာသာ လုပ်ဆောင်နေတာဖြစ်လို့…

ဇန်နဝါရီ ၊ ၂၇ -၂၀၂၃ SP (VOM) စစ်ကိုင်းတိုင်း ၊ စစ်ကိုင်းခရိုင် ၊ မြောင်မြို့ ၊ မြိုသစ်ရပ်ကွက်မှာ မနေ့ ဇန်နဝါရီ ၂၆ ရက်က ရွေးကောက်ပွဲကော်မရှင်ရုံး မီးလောင်ခဲ့တယ်လို့ မြို့ခံတွေဆီက သိရပါတယ်။ ” မြန်မာ့စီးပွားရေးဘဏ်ကို အမည်မသိ လက်နက်ကိုင်အဖွဲ့က ​မီးပုလင်းနဲ့ ထုတယ် ၊ အဲ့ဒီမှာ ဘဏ်က မီးစလောင်တယ် ၊ ဘဏ်ကနေတဆင့် ရွေးကောက်ပွဲကော်မရှင်ရုံးကို မီးကူးစက်လောင်တာဖြစ်တယ်”လို့ မြောင်မြို့ခံ မီးသတ်တပ်ဖွဲ့ဝင်တယောက်က ပြောပါတယ်။ အဲ့ဒီ မီးလောင်မှုဖြစ်စဥ်ဟာ ရှို့မီး အမျိုးအစားဖြစ်ပြီး ၊ မီးလောင်မှုကြောင့် မြန်မာ့စီးပွားရေးဘဏ်နဲ့ ရွေးကောက်ပွဲကော်မရှင်ရုံးမှာရှိတဲ့ ရုံးသုံး ပရိဘောဂ ပစ္စည်းတွေနဲ့ အဆောက်အဦတွေ ပျက်စီးခဲ့တယ်လို့ သိရပါတယ်။ ၂၀၂၂ ခုနှစ် ဇန်နဝါရီကနေ အခု ၂၀၂၃ခုနှစ် ဇန်နဝါရီအထိ ပင်လည်ဘူးမြို့နယ်ကော်မရှင်အဖွဲ့ခွဲရုံး၊ ဖာပွန်ခရိုင်…

ဇန်နဝါရီ ၂၇ – ၂၀၂၃ SN (VOM) မွန်ပြည်နယ်၊ ကျိုက်ထိုမှာ ရထားလမ်းသံတံတား မိုင်းခွဲခံရလို့ ရန်ကုန်-မော်လမြိုင် ရထားခရီးစဉ်တွေကို ယာယီဖျက်သိမ်းလိုက်ပြီး တိုက်ရိုက်ပြေးဆွဲခြင်းမျိုး မပြုလုပ်နိုင်သေးတဲ့အတွက် လွန်းပျံပုံစံမျိုး ပြေးဆွဲဖို့ စီစဉ်နေတယ်လို့ မြန်မာ့မီးရထားကနေ သိရပါတယ်။ အဲ့ဒီ့ ရထားလမ်းပိုင်းမှာ ဇန်နဝါရီ ၂၆ ရက်နေ့၊ မနက် ၄ နာရီဝန်းကျင်က ကျိုက်ထိုမြို့နယ်၊ ကျိုက္ကသာ-ခလွန် ရထားလမ်းသံတံတား (တံတားအမှတ် BR 41 ) ဖောက်ခွဲခံရတဲ့အတွက် ပျက်စီးမှုကြုံခဲ့ရတယ်လို့ သိရပါတယ်။ ဒါ့ကြောင့် ရန်ကုန်ကနေ မနက်ပိုင်းထွက်ခွာလာတဲ့ အမှတ် ၈၉ အဆန် ရန်ကုန်-မော်လမြိုင် ရထားမှာ မုပ္ပလင်ဘူတာတွင်လည်းကောင်း၊ မော်လမြိုင်မှ မနက်ပိုင်းထွက်ခွာလာတဲ့ အမှတ် ၉၀ အစုန်ရထားမှာ ကျိုက္ကသာဘူတာမှာလည်းကောင်း ရပ်တန့်ပြီး ခရီးသည်တွေ ရထားချိန်းကာ စီးနင်းခဲ့ရတယ်လို့ သိရပါတယ်။ မိုင်းခွဲခံရတဲ့ ဖြစ်စဉ်ကြောင့်…

  ဇန်နဝါရီ ၊ ၂၆ ၊ ၂၀၂၃ SP (VOM) မကွေးတိုင်း ၊ ပခုက္ကူခရိုင် ၊ ရေစကြိုမြို့နယ် ၊ မြေခဲတောင်ကျေးရွာ ၊ မြေခဲတောင် အခြေခံပညာ အလယ်တမ်းကျောင်းက ဆရာ ၊ ဆရာမ ၉ ဦးဟာ ဒီကနေ့ မနက်ပိုင်းကစလို့ ပျောက်ဆုံးနေတယ်လို့ ပညာရေးဝန်ထမ်း အသိုင်းအဝိုင်းဆီက သိရပါတယ်။ ” ဒီမနက်ပိုင်း ကျောင်းစဖွင့်ချိန်မှာ ကျောင်းထဲကို အမည်မသိ လက်နက်ကိုင်အဖွဲ့က ဝင်ရောက်လာပြီး ဆရာ ဦးဘိုတင့် ၊ ဆရာမ ဒေါ်မြမွန်ကျော် ၊ ဆရာမ ဒေါ်တင်တင်မော် ၊ ဆရာမ ဒေါ်ဖြိုးလဲ့ဝါ ၊ ဆရာမ ဒေါ်ဝေဝေနွယ် ၊ ဆရာမ နွေးနွေးသက် ၊ ဆရာမ ဒေါ်တင်နွယ်အေး ၊ ဆရာ ဦးကျော်ဟိန်း…

  ဇန်နဝါရီ ၂၆ – ၂၀၂၃ SN (VOM) မကွေးတိုင်း မင်းဘူး(စကု)မြို့နယ်အတွင်းရှိ မန်းရွှေစက်တော် ဘုရားပွဲတော်ကို လုံခြုံရေးစခန်း မြောက်များစွာ ချထားပြီး ကျင်းပလျက်ရှိတယ်လို့ ဒေသခံတွေဆီက သိရပါတယ်။ မင်းဘူးမြို့ရဲ့အထင်ကရ ဘုရားဖူးနဲ့အလည်အပတ်နေရာဖြစ်တဲ့ မန်းရွှေစက်တော် ဘုရားပွဲတော်ကို ဇန်နဝါရီ ၂၅ ရက်မှာ စတင် ဖွင့်လှစ်ခဲ့တာဖြစ်ပြီး ဧပြီလ ၁၇ ရက်နေ့အထိ ၃ လကြာ ကျင်းပသွားမှာဖြစ်ပါတယ်။ “အရင်နှစ်‌တွေကတော့ ဒီပွဲတော်ကို အကျဉ်းရုံးပေမယ့် ဒီနှစ်ကတော့ စည်စည်းကားကား ဖွင့်လှစ်ပြီးပါပြီ။ ဒီနှစ်ကတော့ ဒေသခံ ဈေးသည်လေး‌တွေလည်း ဈေးရောင်းရမယ့်ပုံ မြင်ပါတယ်ဗျ။ ဘုရားဖူးတွေလည်း လက်ရှိမှာ လာသင့်သလောက် လာပါတယ်။ လုံခြုံရေးအနေအထားကတော့ တိုင်းအစိုးရ၊ လဝကတိုင်းမှူးရဲ့ ညွှန်ကြားချက်အရ ပွဲခင်းထဲမှာ လုံခြုံရေးစခန်းမြောက်များစွာ ချထားပေးပါတယ်။ အဝင်၊ အထွက်ဂိတ်တွေမှာရော ပွဲခင်းထဲမှာရော လုံခြုံရေးကို အားလုံးချထားပေးပါတယ်“လို့ ဒေသခံတဦးက…