Month: February 2023

ဝါရှင်တန်၊ ဖေဖော်ဝါရီ-၂-၂၀၂၃ မျိုးဆက်(VOM) အမေရိကန်မှာ ကူးစက်မှုအသစ်များကျဆင်းလာပြီးနောက် မျောက်ကျောက်ရောဂါကို အများပြည်သူဆိုင်ရာ ကျန်းမာရေးအရေးပေါ်အခြေအနေကြေညာထားခြင်းကို ရုပ်သိမ်းလိုက်ကြောင်း တာ၀န်ရှိသူတွေက ဖေဖော်ဝါရီ ၁ ရက်မှာ ပြောပါတယ်။ ကူးစက်ခံရပါက အပြင်းဖျားနာခြင်းနဲ့ ခန္ဓာကိုယ်မှာ အဖုအပိန့်တွေထွက်စေတတ်တဲ့ ရောဂါလက္ခဏာတွေရှိတဲ့ မျောက်ကျောက်ရောဂါကို ကျန်းမာရေးဆိုင်ရာ အရေးပေါ်အခြေအနေအဖြစ် ၂၀၂၂ ခုနှစ် သြဂုတ်လမှာ အမေရိကန်အစိုးရက ကြေညာခဲ့ပါတယ်။ ဖေဖော်ဝါရီ ၁ ရက်ထိ အမေရိကန်ဟာ ကမ္ဘာပေါ်မှာ မျောက်ကျောက်ရောဂါ ကူးစက်ခံရမှုအများဆုံးဖြစ်ပြီး သုံးသောင်းကျော်ထိရှိကြောင်း ရောဂါထိန်းချုပ်ရေးနဲ့ ကာကွယ်တားဆီးရေးဌာနရဲ့ ထုတ်ပြန်ချက်မှာ ဖော်ပြထားပါတယ်။ ဒါပေမယ့် နေ့စဉ်ကူးစက်မှု ၄၀၀ ကျော်ရှိခဲ့တဲ့ လွန်ခဲ့တဲ့သြဂုတ်လနောက်ပိုင်း ကူးစက်မှုတွေကျဆင်းလာခဲ့ပြီး ယခုနှစ်အစပိုင်းမှစကာ နေ့စဉ်ကူးစက်မှုနှုန်း ၁၀ ဦးအောက်သာရှိတော့ကြောင်း တာ၀န်ရှိသူတွေကပြောပါတယ်။ ကမ္ဘာတ၀န်းမှာ လည်း မျောက်ကျောက်ရောဂါကူးစက်မှု သိသိသာသာကျဆင်းလာကြောင်း ကမ္ဘာ့ကျန်းမာရေးအဖွဲ့က ပြောကြားထားပေမယ့် လွန်ခဲ့တဲ့ နှစ် ဇူလိုင်လက ထုတ်ပြန်ခဲ့တဲ့…

အစ္စလာမ္မာဘတ်၊ ဇန်နဝါရီ-၃၁-၂၀၂၃ မျိုးဆက်(VOM) ပါကစ္စတန်နိုင်ငံ ပက်ရှာဝါပြည်နယ်မှာ ရဲတပ်ဖွဲ့၀င်တွေကို ပစ်မှတ်ထားပြီး ဗလီတစ်ခုကို အသေခံဗုံးခွဲမှုကြောင့် လူ ၈၃ ဦးထက်မနည်းသေဆုံးသွားကြောင်း တာ၀န်ရှိသူတွေက ဇန်နဝါရီ ၃၁ ရက်မှာ ပြောပါတယ်။ အခင်းဖြစ်ရာနေရာမှာ ကယ်ဆယ်ရေးလုပ်ငန်းတွေ ဆက်လက်လုပ်ဆောင်နေပြီး ဒဏ်ရာရရှိသူ ၁၀၀ ကျော်ရှိကြောင်း ဆေးရုံတာ၀န်ရှိသူတွေကပြောပါတယ်။ ဒါပေမယ့် ပြည်နယ်ရဲတပ်ဖွဲ့မူ ဒဏ်ရာရသူ ၃၀၀ မှ ၄၀၀ အကြားရှိကြောင်း အစောပိုင်းမှာ ပြောဆိုထားပါတယ်။ အဲဒီဗလီဟာ လုံခြုံရေးအထူးတင်းကြပ်တဲ့ ရဲဌာနချုပ် ၊ ထောက်လှမ်းရေးနဲ့ အကြမ်းဖက်မှုတန်ပြန်ရေးဗျူရိုတို့ရှိရာ ဧရိယာအတွင်းမှာဖြစ်ပြီး ဗုံးခွဲသမားဘယ်လို ၀င်ရောက်လာတယ်ဆိုတာကို တာ၀န်ရှိသူတွေက စုံစမ်းစစ်ဆေးမှုတွေလုပ်ဆောင်နေပါတယ်။ မကြာသေးမီနှစ်များအတွင်း နိုင်ငံတွင်ဖြစ်ပွားတဲ့ အဆိုးရွားဆုံးတိုက်ခိုက်မှုဖြစ်ဖြစ်တဲ့ အဆိုပါလုပ်ရပ်ကို ပါကစ္စတန်၀န်ကြီးချုပ်နဲ့ အခြားခေါင်းဆောင်တွေက ရှုတ်ချပြောဆိုထားပါတယ်။ အသေခံဗုံးခွဲမှုမှာ ပါ၀င်ပတ်သက်ခြင်းမရှိကြောင်း ပါကစ္စတန်တာလီဘန်အဖွဲ့က ငြင်းဆိုထားပါတယ်။ အကြမ်းဖက်သမားတွေဟာ ပါကစ္စတန်အတွက် ကာကွယ်ရေးတာ၀န်ထမ်းဆောင်နေသူတွေကို ပစ်မှတ်ထား တိုက်ခိုက်ပြီး…

ဂျီနီဗာ၊ ဇန်နဝါရီ-၃၁-၂၀၂၃ မျိုးဆက်(VOM) ကိုဗစ်-၁၉ ကပ်ရောဂါကို ကျန်းမာရေးအရေးပေါ်အခြအနေအဖြစ် ဆက်လက်ထားရှိဖို့ ကမ္ဘာ့ကျန်းမာရေးအဖွဲ့ (WHO)က ဇန်နဝါရီ ၃၀ ရက်မှာ ဆုံးဖြတ်လိုက်ပါတယ်။ ကမ္ဘာ့ကျန်းမာရေးအဖွဲ့ဟာ လွန်ခဲ့တဲ့သောကြာနေ့က နိုင်ငံတကာကျွမ်းကျင်သူတွေ ကော်မတီအစည်းအဝေးမှာ ပညာရှင်တွေရဲ့ အကြံပြုချက်တွေနဲ့အညီ ၂၀၂၀ ခုနှစ် ဇန်နဝါရီလမှာ ထုတ်ပြန်ခဲ့တဲ့ အရေးပေါ်အခြေအနေကို ဆက်လက်ထားရှိဖို့ ဆုံးဖြတ်ခဲ့တာဖြစ်ပါတယ်။ ကိုဗစ်-၁၉ ကပ်ရောဂါကြောင့် သေဆုံးမှုအရေအတွက်နဲ့ ဖွံ့ဖြိုးဆဲနိုင်ငံတွေမှာ ကာကွယ်ဆေးမလုံလောက်မှုတို့အပေါ် စိုးရိမ်ပူပန်ဆဲဖြစ်ကြောင်း အစည်းအဝေးမှာ ပညာရှင်များက ထုတ်ဖော်ပြောဆိုထားပါတယ်။ ဒါ့အပြင် ကိုရိုနာဗိုင်းရပ်စ်ဟာ ကြိုတင်မခန့်မှန်းနိုင်တဲ့ ရောဂါလက္ခဏာတွေနဲ့အတူ မျိုးကွဲသစ်တွေအထိ ဆင့်ကဲပြောင်းလဲနိုင်တဲ့စွမ်းရည် ရှိနေဆဲဖြစ်ကြောင်း ပညာရှင်တွေက အကြုံပြုပြောဆိုပါတယ်။ ဒီအခြေအနေတွေမှာ ကမ္ဘာ့နိုင်ငံတွေအနေနဲ့ ထပ်ဆောင်းကာကွယ်ဆေးတွေ ထိုးနှံကြဖို့နဲ့ ပေါ်ပေါက်လာတဲ့ မျိုးကွဲသစ်တွေကို သတိထားကြဖို့ ၊ရောဂါကူးစက်မှုဆိုင်ရာ အသေးစိတ်အချက်အလက်တွေကို ကမ္ဘာ့ကျန်းမာရေးအဖွဲ့ကို ပေးအပ်ရန် ကမ္ဘာ့ကျန်းမာရေးအဖွဲ့က တိုက်တွန်းထားပါတယ်။ Ref: NHK Photo:AFP…

ဝါရှင်တန်၊ ဇန်နဝါရီ-၃၁-၂၀၂၃ မျိုးဆက်(VOM) ပြီးခဲ့တဲ့နှစ် ဖေဖော်ဝါရီကစတင်ခဲ့တဲ့ ယူကရိန်းကို ရုရှားရဲ့ကျုးကျော်တိုက်ခိုက်မှုဟာ တနှစ်နီးပါးကြာမြင့် လာပြီဖြစ်ပြီး လက်ရှိအချိန်ထိတော့ ယူကရိန်းစစ်ပွဲရဲ့အခြေအနေဟာ နှစ်ဘက်စစ်ပန်းမှုတွေရှိနေသလို စစ်ရေးဗျူဟာ အပြောင်းအလဲတွေလည်းရှိနေပါတယ်။ ရုရှားဟာ ဆောင်းရာသီကာလအတွင်း ယူကရိန်းရဲ့ စွမ်းအင်ဆိုင်ရာ အခြေခံအအောက်အအုံတွေကို ဒုံးကျည်တွေနဲ့ အကြီးအကျယ်တိုက်ခိုက်ခဲ့ပြီး ယူကရိန်းဘက်ကလည်း မြေပြင်ထိုးစစ်၊ ခံစစ်တွေပြင်ပြီး ရုရှားသိမ်းပိုက်ထားတဲ့ နယ်မြေတွေကို ပြန်လည်သိမ်းပိုက်နိုင်ဖို့ အားထုတ်နေပါတယ်။ ဒီလိုအခြေအနေမှာ အမေရိကန်နဲ့ ဂျာမနီအပါအ၀င် အနောက်နိုင်ငံတွေက ယူကရိန်းအတွက် အစွမ်းထက် တင့်ကားတွေ ထောက်ပံ့ပေးဖို့ ဆုံးဖြတ်ချက်ဟာ ယူကရိန်းအတွက် သတင်းကောင်းဖြစ်ပေမယ့် ယူကရိန်းကို အလွယ်တကူသိမ်းပိုက်နိုင်မယ်လို့ မှန်းဆထားတဲ့ ရုရှားအတွက်တော့ အိပ်မက်ဆိုးတခုဖြစ်ပါတယ်။ ဂျာမနီဟာ သူ့ရဲ့ နာမည်ကျော် လီယိုပက်-၂ တင့်ကား ၁၄ စီးကို ယူကရိန်းအတွက် ထောက်ပံ့ဖို့ ဆုံးဖြတ်လိုက်ပြီး ပိုလန်ကလည်း သူ့မှာရှိတဲ့ လီယိုပက်-၂ တင့်ကား ၁၄ စီးပေးမယ်လို့…