Day: March 1, 2023

တိုကျို၊ မတ်-၁-၂၀၂၃ မျိုးဆက်(VOM) ဂျပန်နိုင်ငံဟာ မြန်မာနိုင်ငံအတွက် လူသားချင်းစာနာမှုဆိုင်ရာအကူအညီ ဒေါ်လာသန်း ၆၀ ကျော်ပေးရန် ဖေဖော်ဝါရီ ၂၈ ရက်မှာ ဆုံးဖြတ်လိုက်ပါတယ်။ မြန်မာနိုင်ငံအတွက် လူသားချင်းစာနာမှုဆိုင်ရာအကူအညီတွေဟာ အရေးတကြီးကိစ္စရပ်အဖြစ် ဆက်လက်ရှိနေဆဲဖြစ်ကြောင်း ဂျပန်အစိုးရကပြောပါတယ်။ ဂျပန်အစိုးရအနေနဲ့ ဒီထောက်ပံ့မှုတွေကို ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး( UNHCR) အပါအ၀င် နိုင်ငံတကာအဖွဲ့အစည်းတွေနဲ့ပူးပေါင်းပြီး မြန်မာပြည်သူတွေအတွက် ဆေးဝါးနဲ့ အစားအသောက်တွေ ထောက်ပံ့ဖို့ စီစဉ်နေပါတယ်။ အကျပ်အတည်းတွေနဲ့ ရင်ဆိုင်နေရတဲ့ မြန်မာပြည်သူတွေနဲ့အတူ ဂျပန်နိုင်ငံက အကူအညီတွေ ဆက်လက်ပံ့ပိုပေးသွားမယ်လို့ ဂျပန်နိုင်ငံခြားရေး၀န်ကြီး ဟာယာရှိင်္ယိုရှီမာဆာ ကပြောပါတယ်။ မြန်မာနိုင်ငံမှာ နိုင်ငံရေးအပြောင်းအလဲဖြစ်ပွားပြီးနောက် နှစ်နှစ်အကြာမှာ နစကက အရေးပေါ်အခြေအနေကို နောက်ထပ်ခြောက်လ သက်တမ်းတိုးခဲ့့ပါတယ်။ Ref: NHK #voiceofmyanmar #VOM #တိုကျို

အေသင်၊ မတ်-၁-၂၀၂၃ မျိုးဆက်(VOM) ဂရိနိုင်ငံမြောက်ပိုင်းမှာ ဖေဖော်ဝါရီ ၂၈ ရက်ကဖြစ်ပွားခဲ့တဲ့ ရထားနှစ်စင်းခေါင်းချင်းဆိုင်တိုက်မိမှုကြောင့် လူ ၃၂ ဦးသေဆုံးသွားကြောင်း တာ၀န်ရှိသူတွေကပြောပါတယ်။ အဲဒီမတော်တဆမှုဟာ လာရစ်ဆာမြို့အနီးမှာ ဖြစ်ပွားခဲ့ခြင်းဖြစ်ပြီး လူဒါဇင်များစွာ ဒဏ်ရာရရှိခဲ့ကာ အသက်ရှင်ကျန်ရစ်သူတွေကို ကယ်ဆယ်ရေးသမားတွေက ညလုံးပေါက် ရှာဖွေမှုများလုပ်ဆောင်နေပါတယ်။ မီးသတ်သမား ၁၅၀ ဦးနဲ့ လူနာတင်ယာဉ် အစီး ၄၀ ခန့်အခင်းဖြစ်ရာနေရာမှာ ရှာဖွေကယ်ဆယ်ရေးတွေ လုပ်ဆောင်နေပြီး အပျက်အစီးတွေကို ဖယ်ရှားဖို့အတွက် ကရိန်းတွေကိုအသုံးပြုလုပ်ဆောင်နေရကြောင်း အရေးပေါ်၀န်ဆောင်မှုဌာနကပြောပါတယ်။ ကုန်တင်ရထားနဲ့ ခရီးသည်တင်ရထားတိုက်မိမှုကြောင့် ခရီးသည်တင်ရထားရဲ့ ရှေ့တွဲလေးတွဲ လမ်းချော်သွားပြီး ပထမဆုံးနှစ်တွဲကတော့ လုံး၀နီးပါး ပျက်စီးသွားသည်အထိ မီးလောင်ကျွမ်းသွားကြောင်း တာ၀န်ရှိသူတွေကပြောပါတယ်။ ခရီးသည်တင်ရထားပေါ်မှာ လူ ၃၅၀ ကျော်လိုက်ပါခဲ့ပြီး ရထားနှစ်စင်းတိုက်မိတဲ့ အကြောင်းရင်းကတော့ ရှင်းလင်းစွာမသိရသေးကြောင်း ဒေသတွင်း သတင်းဌာနတွေက ဖော်ပြထားပါတယ်။ Ref: BBC Photo: Reuters #voiceofmyanmar #VOM…

ဘန်ကောက်၊ မတ်-၁-၂၀၂၃ မျိုးဆက်(VOM) အာရှရဲ့အကြီးဆုံး နှစ်စဉ်စစ်ရေးလေ့ကျင့်မှုဖြစ်တဲ့ ကော်ဘရာဂိုး စစ်ရေးလေ့ကျင့်မှုကို ထိုင်းနိုင်ငံမှာ ဖေဖော်ဝါရီ ၂၈ ရက်က စတင်ပြုလုပ်နေပါတယ်။ အဲဒီစစ်ရေးလေ့ကျင့်မှုမှာ အမေရိကန်အပါအ၀င် နိုင်ငံပေါင်း ၃၀ မှ တပ်ဖွဲ့၀င်ပေါင်း ၇၄၀၀ ပါ၀င်ပြီး ကိုဗစ်-၁၉ ကပ်ရောဂါကြောင့် မကြာသေးမီနှစ်များအတွင်း လေ့ကျင့်မှုအရွယ်အစားကို လျှော့ချခဲ့ပြီးနောက်ပိုင်း ပထမဆုံးအကြိမ်အဖြစ် အကြီးစားစစ်ရေးလေ့ကျင့်မှုလည်းဖြစ်ပါတယ်။ လက်ရှိစစ်ရေးလေ့ကျင့်မှုမှာ အာကာသအတွင်းတိုက်ခိုက်မှုတွေကို တုံ့ပြန်တဲ့ စစ်ရေးလေ့ကျင့်မှုတွေလည်းပါ၀င်ပြီး ပါ၀င်တဲ့နိုင်ငံတွေအနေနဲ့ ဂြိုဟ်တုတွေကို ကာကွယ်ဖို့အတွက် နိုင်ငံအများအပြားနဲ့ဆောင်ရွက်နေတဲ့ လုပ်ထုံးလုပ်နည်းတွေကိုလည်း အတည်ပြုသွားမှာဖြစ်ပါတယ်။ ကော်ဘရာဂိုးစစ်ရေးလေ့ကျင့်မှုဟာ မိမိတို့ရဲ့ဘုံအကျိုးစီးပွားကို မြှင့်တင်ပြီး မဟာမိတ်တွေနဲ့ အပြန်အလှန် အကျိုးပြုနိုင်မှာဖြစ်ကာ လွတ်လပ်တဲ့ အင်ဒို-ပစိဖိတ်ဒေသဖြစ်ဖို့အတွက် အထောက်အကူဖြစ်စေမယ်လို့ ထိုင်းနိုင်ငံဆိုင်ရာ အမေရိကန်သံအမတ်ကြီး ရောဘတ်ဂေါ့ဒက်က ပြောပါတယ်။ ဒါ့အပြင် အမေရိကန်စစ်ဘက်အနေနဲ့ အာရှနိုင်ငံတွေနဲ့ စစ်ရေးပူးပေါင်းဆောင်ရွက်မှု အားကောင်းစေဖို့ အရေးကြီးကြောင်း အင်ဒို-ပစိဖိတ်ဒေသမှာ တရုတ်၏သြဇာလွှမ်းမိုးမှုမြင့်တင်နေတာတွေကို ကိုးကားပြီး သူက…