Day: July 17, 2023

ဒေလီ၊ ဇူလိုင်-၁၅-၂၀၂၃ မျိုးဆက်(VOM) အိန္ဒိယအာကာသအေဂျင်စီဟာ လကမ္ဘာမစ်ရှင်မအောင်မြင်ခဲ့ပြီးနောက် လေးနှစ်အကြာမှာ လကမ္ဘာစူးစမ်းလေ့လာရေးအတွက် ချန်ဒရေယန်-၃ လကမ္ဘာမစ်ရှင်ကို ဇူလိုင် ၁၄ ရကမှာ အောင်မြင်စွာလွှတ်တင်နိုင်ခဲ့ပါတယ်။ ချန်ဒရေယန်-၃ လကမ္ဘာမစ်ရှင်ကို နိုင်ငံတောင်ပိုင်း အန်ဒရာပရာဒေ့ရ်ှပြည်နယ်ရှိ လွှတ်တင်ရေးစခန်းကနေ ဇူလိုင် ၁၄ ရက် ဒေသစံတော်ချိန် မွန်းလွဲ ၂ နာရီ ၃၀ မိနစ်မှာ လွှတ်တင်ခဲ့ခြင်းဖြစ်ကြောင်း အိန္ဒိယအာကာသ အေဂျင်စီက ထုတ်ပြန်ပါတယ်။ လူလိုက်ပါခြင်းမရှိတဲ့ အဲဒီမစ်ရှင်ဟာ လကမ္ဘာပေါ်သို့မဆင်းသက်မီ ကမ္ဘာကိုလှည့်ပတ်မှာဖြစ်ပြီး သြဂုတ် ၂၃ ရက်၀န်းကျင်မှာတော့ လမျက်နှာပြင်ပေါ်ကို ဆင်းသက်ဖို့ ကြိုးစားမှာဖြစ်ပါတယ်။ လကမ္ဘာပေါ်ကို အောင်မြင်စွာဆင်းသက်နိုင်ခဲ့့မယ်ဆိုရင် အိန္ဒိယနိုင်ငံဟာ ယခင်ဆိုဗီယက်ပြည်ထောင်စု၊ အမေရိကန်နဲ့ တရုတ်တို့ပြီးရင် လကမ္ဘာပေါ်ကိုဆင်းသက်နိုင်တဲ့ စတုတ္ထမြောက်နိုင်ငံဖြစ်လာမှာပါ။ ၂၀၁၉ ခုနှစ်မှာ လွှတ်တင်ခဲ့တဲ့ ချန်ဒရေယန်-၂ လကမ္ဘာမစ်ရှငဟာ လကမ္ဘာရဲ့ ပတ်လမ်းအတွင်း ၀င်ရောက်နိုင်ခဲ့ပေမယ့် နည်းပညာဆိုင်ရာချို့ယွင်းမှုကြောင့် လမျက်နှာပြင်ပေါ်ကို ပျက်ကျခဲ့ပါတယ်။…

ဇူလိုင် ၁၅ – ၂၀၂၃ GG (VOM) မိုင်းဖုန်းဆရာတော်ဟာ မနေ့ ဇူလိုင် ၁၄ ရက် ညပိုင်းက ထိုင်းနိုင်ငံ ၊ချင်းရိုင်းမြို့က ဆေးရုံကို အရေးပေါ်‌ဆေးကုသဖို့ ပို့ဆောင်လိုက်ရတယ်လို့ သိရပါတယ်။ ” ညကအရေးပေါ်ပို့လိုက်ရတယ်လို့ပဲသိရသေးတယ်။အခြေအနေအသေးစိတ်မသိရသေးဘူး။ ဆရာတော်က တာချီလိတ်မှာ ဆိုတော့လေ၊ ကျနော်တို့က ဒီဘက် တောဘက်ရောက်နေတာ ” လို့ ဆရာတော်နဲ့နီးစပ်သူတစ်ဦးကပြောပါတယ်။ မိုင်းဖုန်းဆရာတော်ဟာ အထူးဒေသ(၄)မိုင်းလား က မိုင်းခန်ဖဝတ်ဂူမှာ အဓိဌာန်မဝင်မီ အခုလ ဇူလိုင် ၂ ရက်နေ့ မနက်ပိုင်းက မှိုဆွမ်းဟင်းဘုဉ်းပေးမိခဲ့ရာကနေ မူးဝေပျို့အန်တဲ့ ဝေဒနာခံစားခဲ့ရတာကြောင့် ဇူလိုင် ၈ ရက်နေ့ကလည်း ထိုင်းနိုင်ငံ ချင်းရိုင်းမြို့ကBangkok Hospital မှာ ဆေးဝါးကုသမှု ခံယူခဲ့ရသေးတယ်လို့ သိရပါတယ်။ ဇူလိုင် ၁၀ ရက်နေ့မှာ မိုင်းဖုန်းဆရာတော်ဟာ ရောဂါသက်သာတာကြော င့် ထိုင်းနိုင်ငံကနေ တာချီလိတ်မြို့၊မိုင်းဖုန်း(က)ကျေးရွာအုပ်စုက…

ဇူလိုင် ၁၄၊ ၂၀၂၃ Shy V(VOM) ကေအိုင်အေ ဌာနချုပ်ရှိရာ လိုင်ဇာမြို့အနီးက လဂျားယန်တံတားမှာ ဒီနေ့ ဇူလိုင် ၁၄ ရက် မွန်းလွဲပိုင်းက တပ်နဲ့ KIA တို့အကြား တိုက်ပွဲ ပြင်းထန်ခဲ့တယ်လို့ ဒေသခံတွေဆီက သိရပါတယ်။ “လဂျားယန် တံတားမှာ ချနေကြပြီ။ တံတားမှာကို ဟုတ်တယ်၊ မွန်းလွဲပိုင်း ၂ နာရီ ဝန်းကျင်ခန့်ကလည်း စစ်ကား ၁၀ စီးခန့် ဝိုင်းမော်မြို့ကနေ နမ်ဆန်ယန်ဘက်ကို ဦးတည်မောင်းနှင်သွားတယ်၊ “လို့ ဒေသခံ ၁ ဦးက ပြောပါတယ်။ ဇူလိုင် ၁၃ ရက် ညနေ ၅ နာရီ ဝန်းကျင်ခန့်ကစတင်ကာ လိုင်ဇာအနီးနဲ့ မဒီးယန်အနီးမှာလည်း တိုက်ပွဲ ပြင်းထန်ခဲ့သလို ဂါးရာယန်ဘက်မှာလည်း မနက် ၆ နာရီခွဲခန့်က တပ်နဲ့ ကေအိုင်အေတို့ ဂျာပူရွာနဲ့ မလိယန်ရွာကြားမှာ…

ဇူလိုင် ၁၄ – ၂၀၂၃ GG (VOM) ပုဂံ ဒေသ တစ်ဖက်ကမ်း ၊ မကွေးတိုင်း၊ ပခုက္ကူမြို့နယ်၊ တန့်ကြည့်တောင်ဘုရား အနီးတစ်ဝိုက်က ကျေးရွာတွေမှာ နှစ်ဖက်ထိတွေ့တိုက်ပွဲဖြစ်ပွားနေတာကြောင့် အနီးနားရွာအချို့က ဒေသခံအချို့ ထိခိုက်ဒဏ်ရာရတာ ၊သေဆုံးတာတွေအထိရှိနေတယ်လို့ ဒေသခံတွေဆီကသိရပါတယ်။ ” ဖလံရွာအထိ တိုက်ပွဲဖြစ်နေတယ်လို့ သိရတယ်။ အိမ်ခြေ ၃၀ လောက် မီးလောင်တဲ့အထဲပါပြီးပျက်စီးသွားတယ်လို့သိရတယ်။ တိုက်ပွဲက ကြာသပတေးနေ့ကဖြစ်နေတာ။ တိုက်ပွဲဖြစ်နေတော့ အဆက်အသွယ်တွေက ပြတ်နေတယ်။သူတို့မှာဖုန်းကိုင်ချိန်လည်းမရဘူး။ပြေးနေလွှားနေရတာ “လို့ ဖလံအို ရွာသားတစ်ဦးကပြောပါတယ်။ မနေ့က ဇူလိုင် ၁၃ ရက်နေ့ကတည်းက တန့်ကြည်တောင်ဘုရား တဝိုက်က ဆိက္ခဝကျေးရွာအုပ်စု၊ တောင်ယာရွာ ၊ရေနံချပ်၊ ကျွန်းချောင်း ၊ မြစ်ချေ ၊ ဖလံအို ဘက်မှာ တိုက်ပွဲတွေဖြစ်ပွားနေတာဖြစ်ကြောင်း ၊ နေအိမ်တွေလည်း မီးလောင်ပျက်စီးဆုံးရှုံးတာတွေရှိနေသလို ထောင်နဲ့ချီတဲ့ဒေသခံတွေလည်း နေရပ်စွန့်ခွာထွက်ပြေးတိမ်းရှောင်နေရတယ်လို့ သိရပါတယ်။ ”…