Month: September 2023

ခါတွမ်၊ စက်တင်ဘာ-၁၂-၂၀၂၃ မျိုးဆက်(VOM) ဆူဒန်နိုင်ငံ မြို့တော်ခါတွမ်ရှိ လူစည်းကားရာဈေးတခုမှာ လေကြောင်းတိုက်ခိုက်မှုကြောင့် လူ ၃၅ ယောက်ထက်မနည်းသေဆုံးသွားကြောင်း ဆေးဘက်ဆိုင်ရာ အဖွဲ့တွေကပြောပါတယ်။ အဲဒီတိုက်ခိုက်မှုကြောင့် လူ ၆၀ ကျော်ဒဏ်ရာရရှိခဲ့ကြောင်း ဆေးဘက်ဆိုင်ရာ ကူညီရေးအဖွဲ့ဖြစ်တဲ့ အမ်အက်စ်အက်ဖ်ကအဖွဲ့ကဆိုပါတယ်။ မြို့တော်ခါတွမ်တောင်ပိုင်းရှိ ကိုရိုဈေးကို မောင်းသူမဲ့လေယာဉ်တစင်းက ဗုံးကြဲတိုက်ခိုက်ခဲ့ခြင်းဖြစ်ကြောင်း ဒေသခံတွေက ပြောသည်။ ဆူဒန်နိုင်ငံမှာ စစ်တပ်နဲ့ အာအက်စ်အက်ဖ်ပြည်သူ့စစ်တို့အကြား ပဋိပက္ခတွေကြောင့် လွန်ခဲ့တဲ့ ဧပြီလကစပြီး တိုက်ပွဲတွေ ပြင်းထန်စွာ ဖြစ်ပွားလျှက်ရှိပါတယ်။ လွန်ခဲ့သည့်သီတင်းပတ်က ဖြစ်ပွားခဲ့သော လေကြောင်း တိုက်ခိုက်မှုအတွင်း ကလေးငယ်နှစ်ဦးအပါအဝင် လူ ၂၀ ကျော်သေဆုံးခဲ့ပါတယ်။ နိုင်ငံတွင်းမှာ ပဋိပက္ခတွေကြောင့် လူငါးသန်း နေရပ်စွန့်ခွာထွက်ပြေးနေရပြီး လူထောင်ပေါင်းများစွာ သေဆုံးခဲ့ရကာ ခါတွမ်နဲ့ ဒါဖာအနောက်ပိုင်း ဒေသတို့ဟာ ပဋိပက္ခဒဏ်ကို အဆိုးရွားဆုံးခံနေရပါတယ်။ အမေရိကန်၊ ဆော်ဒီအာရေဗျအပါအဝင် အခြားနိုင်ငံတွေက ပဋိပက္ခအဆုံးသတ်ရေးအတွက် စေ့စပ်ညှိနှိုင်းဖို့ ကြိုးစားခဲ့ကြပေမယ့်လည်း အောင်မြင်ခြင်းမရှိသေးပါဘူး။…

Read More

ဆိုးလ်၊ စက်တင်ဘာ-၁၁-၂၀၂၃ မျိုးဆက်(VOM) မြောက်ကိုရီးယားခေါင်ဆောင် ကင်ဂျုံအန်ဟာ ရုရှားကိုသွားရောက်နေဖွယ်ရှိကြောင်း သတင်းဌာနတွေက စက်တင်ဘာ ၁၁ ရက်မှာ ရေးသားဖော်ပြထားပါတယ်။ ကင်ဂျုံအန်လိုက်ပါသွားတယ်လို့ ယူဆရတဲ့ ရထားတစင်းဟာ ရုရှားအရှေ့ဖျားပိုင်း ဗလာဒီဗော့စတော့မြို့သို့ ဦးတည်သွာရောက်နေကြောင်း အစိုးရသတင်းရင်းမြစ်တွေကို ကိုးကားပြီး ယွန်ဟတ်သတင်းဌာနက ဖော်ပြထားပါတယ်။ အဲဒီရထားဟာ အင်္ဂါနေ့နံနက်အစောပိုင်းမှာ ရုရှားနယ်စပ်ကို ဖြတ်ကျော်သွားခဲ့ဖွယ်ရှိကြောင်း Dong-A Ilbo သတင်းစာက ရေးသားဖော်ပြထားပါတယ်။ ရုရှားနဲ့မြောက်ကိုရီးယားတို့ကတော့ ဒီကိစ္စနဲ့ပတ်သက်ပြီး တစုံတရာထုတ်ပြန်ထားခြင်းမရှိသေးပါဘူး။ ဒါဟာ လေးနှစ်အတွင်း ပထမဆုံးအကြိမ်အဖြစ် မြောက်ကိုရီးယားခေါင်းဆောင် ကင်ဂျုံအန်ရဲ့ ပထမဆုံးသော ရုရှားခရီးစဉ်ဖြစ်ပြီး ကင်ဂျုံအန်ဟာ ပူတင်နဲ့ ထိပ်သီးဆွေးနွေးဖွယ်ရှိနေပါတယ်။ ဒီခရီးစဉ်ဟာ ယူကရိန်းစစ်ပွဲမှာအသုံးပြုဖို့အတွက် မြောက်ကိုရီးယားလက်နက်တွေကို ရုရှားကို ထောက်ပံ့ဖို့ ဖြစ်ကြောင်း သတင်းတွေထွက်ပေါ်နေပါတယ်။ Ref: NHK Photo:AP #voiceofmyanmar #VOM #KimJongUn #likelyTraveling #torussia

Read More

တိုကျို၊ စက်တင်ဘာဘ-၁၁-၂၀၂၃ မျိုးဆက်(VOM) ဂျပန်ဝန်ကြီးချုပ် ကီရှီဒါဟာ ဂျပန်အစိုးရအဖွဲ့နဲ့ အာဏာရပါတီရဲ့ အမှုဆောင်တွေကို လာမယ့်ရက်ပိုင်းအတွင်း အပြောင်းအလဲပြုလုပ်ဖို့ စီစဉ်ထားကြောင်း သိရပါတယ်။ အခုလိုအစိုးရအဖွဲ့နဲ့အာဏာရပါတီ အပြောင်းအလဲပြုလုပ်မယ့် ကိစ္စနဲ့ပတ်သက်ပြီး အိန္ဒိယနိုင်ငံမှာ ပြုလုပ်တဲ့ ဂျီ-၂၀ ထိပ်သီးဆွေးနွေးပွဲနဲ့ဆက်စပ်ဆွေးနွေပွဲတွေတက်ရောက်စဉ် သတင်းထောက်တွေကို ပြောကြားခဲ့တာဖြစ်ပါတယ်။ ဝန်ကြီးချုပ်ကီရှီဒါဟာ အာဏာရလစ်ဘရယ်ဒီမိုကရက်တစ်ပါတီဥက္ကဌ အာဆိုတာရိုနဲ့ အထွေထွေအတွင်းရေးမှူး မိုတီဂီတိုရှီမစ်ဆူတို့ကို ရာထူးတာဝန်မှာ ဆက်လက်တာဝန်ပေးဖွယ်ရှိနေတယ်လို့ သတင်တွေထွက်ပေါ်နေပါတယ်။ လစ်ဘရယ်ဒီမိုကရက်တစ်ပါတီရဲ့ ရွေးကောက်ပွဲမဟာဗျူဟာကော်မတီ ဥက္ကဌ မိုရီယာမာဟီရိုရှီကို ဂျပန်အစိုးရအဖွဲ့မှာ အဓိကရာထူးတခုအတွက် တာဝန်ပေးခန့်အပ်ဖို့ ဝန်ကြီးချုပ်က စဉ်းစားနေကြောင်း တာဝန်ရှိသူတွေကပြောပါတယ်။ သူဟာ အာဏာရပါတီနဲ့ အခြားသော အတိုက်အခံပါတီများအကြား ကျယ်ပြန့်တဲ့ ဆက်သွယ်ဆောင်ရွက်မှုတွေကြောင့် လူသိများထင်ရှားသူတဦးလည်းဖြစ်ပါတယ်။ အဲဒီလိုအပြောင်းအလဲနဲ့ ရာထူးတာဝန်ခန့်ထားမှုတွေမှာ အမျိုးသမီးတွေကို ဂျပန်အစိုးရဝန်ကြီးရာထူးတွေမှာ ထပ်မံခန့်ထားမှုရှိမရှိ နိုင်ငံရေးအကဲခတ်တွေက စောင့်ကြည့်နေကြပါတယ်။ Ref: NHK #voiceofmyanmar #VOM #JapanPMKishida #decideCabinet #LDP…

Read More

ဒေလီ၊ စက်တင်ဘာ-၁၁-၂၀၂၃ မျိုးဆက်(VOM) တရုတ်နိုင်ငံအတွက် သူလျှိုလုပ်ကြောင်း စွပ်စွဲချက်နဲ့ ဗြိတိန်နိုင်ငံသားတွေကို ဖမ်းဆီးပြီးနောက် ဒီကိစ္စနဲ့ပတ်သက်ပြီး အလွန်စိုးရိမ်ပူပန်ကြောင်း ဗြိတိန်ဝန်ကြီးချုပ် ရီရှီဆူနက်ခ်က တရုတ်ဝန်ကြီးချုပ် လီချန်းကို ထုတ်ဖော်ပြောဆိုလိုက်ပါတယ်။ ခေါင်းဆောင်နှစ်ဦးဟာ နယူးဒေလီမှာကျင်းပတဲ့ ဂျီ-၂၀ ထိပ်သီးဆွေးနွေးပွဲပြင်ပမှာ တွေ့ဆုံဆွေးနွေးခဲ့ရာမှာ ဗြိတိန်ဝန်ကြီးချုပ်ဆူနက်ခ်က အခုလိုက် ထုတ်ဖော်ပြောဆိုလိုက်တာဖြစ်ပါတယ်။ လန်ဒန်မြို့တော်ရဲတပ်ဖွဲ့ဟာ တရုတ်နိုင်ငံအတွက် သူလျှိုလုပ်တဲ့ သံသယနဲ့ ဗြိတိန်နိုင်ငံသားနှစ်ဦးကို မတ်လအတွင်းက ဖမ်းဆီးထိန်းသိမ်းခဲ့ကြောင်း ဆန်းဒေးတိုင်းမ်သတင်းဌာနက ဖော်ပြခဲ့ပါတယ်။ သံသယရှိသူတွေထဲကတဦးဟာ နိုင်ငံခြားရေးမူဝါဒမှာ ပါဝင်ပတ်သက်နေတဲ့ ဥပဒေပြုအမတ်တွေအတွက် အချက်အလက်များစုဆောင်းပေးနေတဲ့ ပါလီမန်သုတေသနပညာရှင်ဖြစ်ကြောင်း အဲဒီသတင်းဌာနက ဖော်ပြထားပါတယ်။ မိမိတို့ရဲ့ပါလီမန်ဒီမိုကရေစီစနစ်မှာ ဝင်ရောက်စွက်ဖက်မှုတစုံတရာနဲ့ပတ်သက်ပြီး လွန်စွာစိုးရိမ်ပူပန်ကြောင်း ဗြိတိန်ဝန်ကြီးချုပ်က ထုတ်ဖော်ပြောကြားခဲ့ပြီး နှစ်ဘက်စလုံးအနေနဲ့ မတူကွဲပြားမှုတွေကို ကောင်းစွာကိုင်တွယ်ဖြေရှင်းသင့်ကြောင်း တရုတ်ဝန်ကြီးချုပ်လီချန်းက ပြောကြားခဲ့ကြောင်း တရုတ်နိုင်ငံခြားရေးဝန်ကြီးဌာနက ထုတ်ပြန်ထားပါတယ်။ Ref: NHK #voiceofmyanmar #VOM #BritishPMExpresses #ConcernsToChina #overAllegedSpy #InParliament

Read More