Month: November 2023

  ဆိုးလ်၊ နိုဝင်ဘာ-၂၈-၂၀၂၃ မျိုးဆက်(VOM) မြောက်ကိုရီးယားနဲ့ ထိစပ်နေတဲ့နယ်စပ်မှာ လုံခြုံရေးကင်းစခန်းတွေ ပြန်ထားဖို့ စီစဉ်နေတယ်လို့ တောင်ကိုရီးယား အစိုးရတာဝန်ရှိသူတယောက် ပြောပါတယ်။ ဒါဟာ ခုခံကာကွယ်ဖို့အတွက်ဖြစ်ပြီး တောင်ကိုရီးယားကို ခပ်လှမ်းလှမ်းကနေ ရန်စနေတဲ့ မြောက်ကိုရီးယားစစ်တပ်ကို တိတ်တဆိတ်ကြည့်မနေနိုင်ဘူုးလို့ အမျိုးသားလုံခြုံရေး ဒုတိယအကြံပေး ကင်တေးဟိုက ဆိုပါတယ်။ နှစ်နိုင်ငံအကြား စစ်မဲ့ဇုန်မှာ မြောက်ကိုရီးယားက အစောင့်စခန်းတွေနဲ့ လက်နက်တွေအများအပြား ပြန်လည်ချထားပြီးနောက်မှာ တောင်ကိုရီးယားဘက်ကလည်း အခုလိုပြင်ဆင်လာတာဖြစ်ပါတယ်။ မြောက်ကိုရီးယားဟာ ပြီးခဲ့တဲ့သီတင်းပတ်အတွင်းက စစ်ထောက်လှမ်းရေးဂြိုဟ်တု လွှတ်တင်ပြီးနောက် တောင်ကိုရီးယားဟာ ပျံသန်းမှုမပြုရဇုန်တွေ သတ်မှတ်ထားတဲ့ သဘောတူညီချက် တစိတ်တပိုင်းကို ဆိုင်းငံ့ခဲ့ပါတယ်။ နယ်စပ်မျဉ်းတလျှောက်မှာ တောင်ကိုရီးယားက ဝေဟင်ကင်းထောက်မှုနဲ့ ပျံသန်းမှုတွေလုပ်ဆောင်ခဲ့ပြီးနောက်မှာတော့ မြောက်ကိုရီးယားကလည်း နှစ်နိုင်ငံသဘောတူထားတဲ့ စစ်ရေးဆိုင်ရာ အစီမံတွေကို ပြန်လည်စတင်တော့မယ်လို့ ထုတ်ပြန်ကြေညာခဲ့ပါတယ်။ Ref:NHK Photo:AFP  

  တဲလ်အဗစ်၊ နိုဝင်ဘာ-၂၈-၂၀၂၃ မျိုးဆက်(VOM) ဟားမတ်စ်အဖွဲ့ဟာ သုံးနှစ်သားအမွှာကလေးတွေအပါအဝင် အစ္စရေးဓါးစာခံ ၁၁ ယောက်ကို လွှတ်ပေးခဲ့တာကြောင့် ပြန်လည်လွှတ်မြောက်လာတဲ့ အစ္စရေးဓါးစာခံဦးရေ ၅၀ ထိရှိလာပြီဖြစ်ပါတယ်။ အစ္စရေးကလည်း အပြန်အလှန်အားဖြင့် ပါလက်စတိုင်း ၃၃ ဦးကို ပြန်လွှတ်ပေးခဲ့ပြီး ကလေးအယောက် ၃၀ နဲ့ အမျိုးသမီး သုံးယောက်ပါဝင်ခဲ့ပါတယ်။ လေးရက်ကြာ ယာယီအပစ်အခတ်ရပ်စဲရေး သက်တမ်းမကုန်မီနာရီပိုင်းအလိုမှာ အစ္စရေးနဲ့ဟားမတ်စ်တို့ဟာ အပစ်အခတ်ရပ်စဲရေးကို နှစ်ရက်ကြာ သက်တမ်းတိုးဖို့ သဘောတူလိုက်ကြကြောင်း ကြားဝင်ညှိနှိုင်းပေးနေတဲ့ ကာတာတာဝန်ရှိသူတွေက ပြောပါတယ်။ မနေ့က နိုဝင်ဘာ ၂၇ ရက်မှာတော့ ဂါဇာကမ်းမြှောင်ဒေသကို လူသားချင်းစာနာမှုဆိုင်ရာ ထောက်ပံ့ရေးပစ္စည်းတွေ သယ်ဆောင်လာတဲ့ ကုန်တင်ကားကြီးတွေ ဝင်ရောက်လာပြီး အစားအစာ လောင်စာနဲ့ ဆေးဝါးတွေ ဖြန့်ဖြူးပေးနေကြပါတယ်။ ဂါဇာရှိ ဒေသခံတွေဟာ သူတို့ဘယ်ကိုဦးတည်ရမယ်ဆိုတာ သေချာမသိကြသေးပေမယ့် ဘေးလွတ်ရာကို ပြောင်းရွှေ့ဖို့ ညွှန်ကြားချက်အရ ဂါဇာတောင်ပိုင်းကို ဆက်လက်ရှောင်တိမ်းနေကြပါတယ်။ ဟားမတ်စ်တို့နဲ့…

  ဒေလီ၊ နိုဝင်ဘာ-၂၈-၂၀၂၃ မျိုးဆက်(VOM) အိန္ဒိယနိုင်ငံမှာ မိုးကြိုးပစ်ခြင်း၊ မိုးသီးကြွေခြင်းနဲ့ မိုးသည်းထန်စွာရွာသွန်းမှုတွေကြောင့် လူ ၂၄ ယောက်ထက်မနည်း သေဆုံးသွားတယ်လို့ တာဝန်ရှိသူတွေက ပြောပါတယ်။ ဒီလိုဆိုးရွားတဲ့ ရာသီဥတုဖြစ်စဉ်တွေကြောင့် ဂူဂျာရတ်ပြည်နယ်အနောက်ပိုင်း တလျှောက်မှာ နေအိမ်များစွာ ပျက်စီးခဲ့ပြီး တိရိစ္ဆာန်သေဆုံးမှုတွေလည်း ဖြစ်ပွားခဲ့တယ်လို့ သိရပါတယ်။ သေဆုံးသူ ၂၄ ယောက်ထဲက ၁၈ ယောက်ဟာ မိုးကြိုးပစ်တာကြောင့် သေဆုံးခဲ့တာဖြစ်ပါတယ်။ မိုးရွာသွန်းမှုနဲ့ မိုးသီးကြွေကျမှုတွေဟာ အိန္ဒိယအနောက်ပိုင်းမှာ ဆက်လက်ဖြစ်ပေါ်နေဖွယ်ရှိတယ်လို့ တာဝန်ရှိသူတွေက သတိပေးထားပါတယ်။ ဂူဂျာရတ်ပြည်နယ်မှာတော့ ပြီးခဲ့တဲ့ ၂၄ နာရီအတွင်း မိုးရေချိန် ၅ ဒသမ ၇ လက်မထိရွာသွန်းခဲ့တယ်လို့ အစိုးရက ထုတ်ပြန်တဲ့အချက်အလက်တွေမှာ ဖော်ပြထားပါတယ်။ ဂူဂျာရတ်မှာ ဒီလိုအခြေအနေတွေဖြစ်တာဟာ မိုးလေးဝသအခြေအနေ သုံးခုတိုက်ဆိုင်တာကြောင့်လို့ ကျွမ်းကျင်သူတွေက ဆိုပါတယ်။ အာရေဗျပင်လယ်က စီးဆင်းလာတဲ့ အရှေ့လေတိုက်တာ၊ အနောက်ဟိမဝန္တာတောင်တန်းတွေပေါ်က လေစီးကြောင်းနဲ့ ပြည်နယ်အတွင်း…