Day: January 3, 2024

  အန်ကာရာ၊ ဇန်နဝါရီ-၃-၂၀၂၄ မျိုးဆက်(VOM) အစ္စရေးရဲ့ မော့ဆက်ထောက်လှမ်းရေးအဖွဲ့အတွက် သူလျှိုလုပ်မှု၊ ပြန်ပေးဆွဲဖို့ ကြံစည်နေကြောင်း စွပ်စွဲခံရသူ ၃၄ ယောက်ကို ဖမ်းဆီးထိန်းသိမ်းလိုက်ကြောင်း တူရကီတာဝန်ရှိသူတွေက ပြောပါတယ်။ တူရကီနိုင်ငံ မြို့တော် အန်ကာရာနဲ့ အခြားနေရာ ၅၇ ခုကို ဝင်ရောက်စီးနှင်းဖမ်းဆီးခဲ့တာ ဖြစ်ပြီး အခြားသံသယရှိသူ ၁၂ ဦးကို ရှာဖွေနေဆဲဖြစ်ကြောင်း အာဏာပိုင်တွေကဆိုပါတယ်။ ဒီကိစ္စနဲ့ပတ်သက်ပြီး အစ္စရေးဘက်က ချက်ချင်းမှတ်ချက်ပြုပြောဆိုခြင်းမျိုးမရှိသေးပေမယ့် အစ္စရေး-ဟားမတ်စ်စစ်ပွဲစတင်ပြီးနောက်ပိုင်း တူရကီနဲ့ အစ္စရေးတို့အကြား ဆက်ဆံရေး သိသိသာသာ ယိုယွင်းခဲ့ပါတယ်။ အစ္စရေးထောက်လှမ်းရေးအဖွဲ့ဟာ ကင်းထောက်၊ ရှာဖွေ၊ ချေမှုန်းရေးနည်းလမ်းနဲ့ တူရကီမှာနေထိုင်တဲ့ နိုင်ငံခြားသားတွေကို ပြန်ပေးဆွဲခြင်းစတဲ့ နည်းဗျူဟာဆိုင်ရာတာဝန်တွေ လုပ်ဆောင်ဖို့ကြိုးပမ်းနေကြောင်း အာဏာပိုင်တွေက သုံးသပ်ပြီးနောက်မှာ သံသယရှိသူတွေကို ဖမ်းဆီးခဲ့တာဖြစ်ပါတယ်။ တူရကီသမ္မတ အာဒိုဂန်က တူရကီမြေမှာ ဟားမတ်စ်အဖွ့ဲ့ဝင်တွေကို လုပ်ကြံသတ်ဖြတ်ဖို့ ကြိုးပမ်းမယ်ဆိုရင် ဆိုးရွားတဲ့အကျိုးဆက်တွေနဲ့ရင်ဆိုင်ရလိမ့်မယ်လို့ လွန်ခဲ့တဲ့လက သတိပေးပြောဆိုထားပါတယ်။ တူရကီဟာ…

  မော်စကို၊ ဒီဇင်ဘာ-၃-၂၀၂၃ မျိုးဆက်(VOM) နှစ်နိုင်ငံအကြား လေကြောင်းတိုက်ခိုက်မှုတွေ ပြင်းထန်နေချိန်မှာ ရုရှားနယ်စပ်မြို့ကို ယူကရိန်းရဲ့ လေကြောင်းတိုက်ခိုက်မှုကို တားဆီးနိုင်ခဲ့တယ်လို့ ရုရှားတာဝန်ရှိသူတွေက ပြောပါတယ်။ ပြီးခဲ့တဲ့ စနေနေ့က ယူကရိန်းရဲ့ လေကြောင်းတိုက်ခိုက်မှုကြောင့် လူ ၂၅ ယောက်သေဆုံးပြီး ၁၀၀ ကျော်ဒဏ်ရာရခဲ့တဲ့ ဘယ်လ်ဂိုရော့ဒ်မြို့မှာ ဇန်နဝါရီ ၂ ရက်က ယူကရိန်းပစ်ခတ်ခဲ့တဲ့ ဒုံးကျည်တဒါဇင်ကို ပစ်ချနိုင်ခဲ့တယ်လို့ ရုရှားကဆိုပါတယ်။ ဒီတိုက်ခိုက်မှုနဲ့ ပတ်သက်ပြီး ယူကရိန်းဘက်ကတော့ မှတ်ချက်ပြုပြောဆိုတာ မရှိသေးပါဘူး။ ရုရှားဟာ ယူကရိန်းကို လေကြောင်းတိုက်ခိုက်မှုအကြီးအကျယ်ပြုလုပ်ပြီးနောက်မှာ ယူကရိန်းကလည်း အခုလိုက်တိုက်ခိုက်ခဲ့တာဖြစ်ပါတယ်။ ရုရှားဟာ ယူကရိန်းကို ငါးရက်အတွင်း ဒုံးကျည်အစင်း ၃၀၀ ၊ ဒရုန်းအစင်း ၂၀၀ အသုံးပြုပြီး တိုက်ခိုက်ခဲ့တယ်လို့ ယူကရိန်းသမ္မတ ဇီလန်စကီးက ထုတ်ဖော်ပြောဆိုထားပါတယ်။ ယူကရိန်းကို ရုရှားရဲ့ လေကြောင်းတိုက်ခိုက်မှုတွေကို ပြီးခဲ့တဲ့ သီတင်းပတ်နှောင်းပိုင်းမှာ စတင်ခဲ့ပြီး အသံထက်မြန်တဲ့…

  တဲလ်အဗစ်၊ ဇန်နဝါရီ-၃-၂၀၂၄ မျိုးဆက်(VOM) ဟားမတ်စ်ခေါင်းဆောင်တယောက်ကီု ဘေရွတ်တွင် လုပ်ကြံသတ်ဖြတ်မှု လက်ဘနွန်ကို ရန်စတိုက်ခိုက်တာမဟုတ်ပဲ ရန်သူတွေကို ပြစ်ဒဏ်ပေးခြင်းသာဖြစ်တယ်လို့ အစ္စရေးက အခိုင်အမာပြောဆိုပါတယ်။ ဟားမတ်စ်ခေါင်းဆောင်ပိုင်းကို ပစ်မှတ်ထားတဲ့ စစ်ဆင်ရေးအတွင်း ဟားမတ်စ်နိုင်ငံရေးခေါင်းဆောင် ဆာလက်အယ်လ်အာရူရီ သေဆုံးခဲ့ကြောင်း အစ္စရေးစစ်တပ်ပြောရေးဆိုခွင့်ရှိသူက ပြောပါတယ်။ ဟားမတ်စ်အဖွဲ့ရဲ့ လက်ထောက်နိုင်ငံရေးခေါင်းဆောင်ဟာ ဘေရွတ်တောင်ပိုင်းမှာ မောင်းသူမဲ့လေယာဉ်နဲ့ တိုက်ခိုက်မှုအတွင်း ဟားမတ်စ်တပ်မှူးနှစ်ယောက် အခြားလေးယောက်နဲ့အတူ သေဆုံးခဲ့တယ်လို့ လက်ဘနွန်အခြေစိုက် သတင်းဌာနတွေက ဖော်ပြထားပါတယ်။ သူဟာ ကာဆမ်တပ်မဟာတွေ၊ ဟားမတ်စ်ရဲ့လက်နက်ကိုင်အဖွဲ့တွေကြားမှာ ထင်ရှားသူဖြစ်ပြီး ဟားမတ်စ်ခေါင်းဆောင် အစ္စမေးလ်ဟာာနီယာ့ရဲ့ ရင်းနှီးတဲ့မဟာမိတ်ဖြစ်ကာ ဟားမတ်စ်နဲ့ ဟဇ်ဘိုလာအဖွဲ့ကြား ဆက်သွယ်ရေးအဖွဲ့ လက်ဘနွန်မှာရှိနေတာဖြစ်ပါတယ်။ အာရူရီ လုပ်ကြံခံရမှုနဲ့ပတ်သက်ပြီး ဟားမတ်စ်တို့က ပြစ်တင်ရှုတ်ချထားပြီး သူ့မဟာမိတ် ဟဇ်ဘိုလာအဖွဲ့ကတော့ ဒါဟာ လက်ဘနွန်ရဲ့ အချုပ်အခြာအာဏာကို တိုက်ခိုက်မှုဖြစ်တယ်လို့ ဆိုပါတယ်။ တချိန်တည်းမှာပဲ လက်ဘနွန်ဝန်ကြီးချုပ်က အစ္စရေးဟာ လက်ဘနွန်ကို ထိပ်တိုက်ရင်ဆိုင်မှုလမ်းကြောင်းပေါ် ဆွဲတင်နေတယ်လို့…

Voice of Myanamr အမေရိကန် အခြေစိုက် Apple ကုမ္ပဏီကို စတိဗ်ဂျော့နှင့် စတိဗ်ဝါဇနီရက်တို့က ၁၉၇၇ ခုနှစ် ဇန်နဝါရီ ၃ ရက်တွင် စတင်တည်ထောင်ခဲ့ပြီး နောက်ပိုင်းတွင် ကွန်ပြူတာနှင့် အီလက်ထရွန်းနစ် နည်းပညာနယ်ပယ်တွင် ထိပ်တန်းကုမ္ပဏီကြီးဖြစ်လာခဲ့သည်။

  တိုကျို၊ ဇန်နဝါရီ-၂-၂၀၂၄ မျိုးဆက်(VOM) ဂျပန်နိုင်ငံမှာ ကမ်းခြေစောင့်တပ်လေယာဉ်နဲ့ ဂျပန်လေကြောင်းလိုင်းက ခရီးသည်တင်လေယာဉ်တို့ တိုက်မိပြီး လူငါးယောက်သေဆုံးသွားတယ်လို့ တာဝန်ရှိသူတွေက ပြောပါတယ်။ ကမ်းခြေစောင့်တပ်လေယာဉ်နဲ့ တိုက်မိတဲ့ ခရီးသည်တင်လေယာဉ်ဟာ တိုကျိုမြို့ ဟာနီဒါလေဆိပ်မှာ မီးလောင်မှုဖြစ်ခဲ့ပေမယ့် ခရီးသည်နဲ့ လေယာဉ်အမှုထမ်းတွေအားလုံးကို ဘေးလွတ်ရာကို ရွှေ့ပြောင်းနိုင်ခဲ့ပါတယ်။ ခရီးသည်တင်လေယာဉ်ဟာ ဟော့ကိုင်းဒိုးရှိ နယူးချီတသွိုဆီလေဆိပ်ကနေ ဟာနီဒါလေဆိပ်ကို ပျံသန်းတဲ့ ခရီးစဉ်အမှတ် ၅၁၆ ဖြစ်ပြီး ကလေးငယ်ရှစ်ယောက် လေယာဉ်အမှုထမ်း ၁၂ ယောက်အပါအဝင် လူ ၃၆၇ ယောက်ကို ကယ်ထုတ်နိုင်ခဲ့ပါတယ်။ ခရီးသည်တင်လေယာဉ်နဲ့ တိုက်မိခဲ့တာဟာ ကမ်းခြေစောင့်တပ်အမှုထမ်း ခြောက်ယောက်လိုက်ပါသွားတဲ့ MA722 အမျိုးအစားလေယာဉ်ဖြစ်ပြီး လေယာဉ်မှူးက ခုန်ထွက်နိုင်ခဲ့ပေမယ့် ကျန်အမှုထမ်းငါးယောက် သေဆုံးခဲ့တယ်လို့ ကမ်းခြေစောင့်တပ်ဖွဲ့က ထုတ်ပြန်ပါတယ်။ ဒီလေယာဉ်ဟာ ပြီးခဲ့တဲ့နေ့က လှုပ်ခတ်ခဲ့တဲ့ မြေငလျင်နဲ့ပတ်သက်ပြီး နီဂါတာစီရင်စုကို ကူညီရေးပစ္စည်းတွေပို့ဖို့ သွားရောက်မယ့်လေယာဉ်ဖြစ်တယ်လို့ တာဝန်ရှိသူတွေက ပြောပါတယ်။ Ref:NHK…