Month: January 2024

ဝါရှင်တန်၊ ဇန်နဝါရီ-၂၉-၂၀၂၄ မျိုးဆက်(VOM) ဆီးရီးယားနဲ့ ဂျော်ဒန်နယ်စပ်အနီးရှိ အမေရိကန်အခြေစိုက်စခန်းတခုကို ဒရုန်းနဲ့တိုက်ခိုက်ခံရမှုကြောင့် အမေရိကန်တပ်ဖွဲ့ဝင် သုံးယောက်သေဆုံးပြီး ဒါဇင်နဲ့ချီဒဏ်ရာရရှိခဲ့တယ်လို့ တာဝန်ရှိသူတွေက ပြောပါတယ်။ ဒီတိုက်တိုက်မှုဟာ အီရန်ကျောထောက်နောက်ခံပြုတဲ့ စစ်သွေးကြွတွေလက်ချက်ဖြစ်ပြီး ဒီကိစ္စကို လက်တုံ့ပြန်သွားမယ်လို့ အမေရိကန်သမ္မတဂျိုးဘိုင်ဒင်က ပြောပါတယ်။ ဒါဟာ အောက်တိုဘာ ၇ ရက်က ဟားမတ်စ်-အစ္စရေးစစ်ပွဲစတင်ပြီးနောက်ပိုင်း အရှေ့အလယ်ပိုင်းဒေသတွင်းမှာ အမေရိကန်စစ်အခြေစိုက်စခန်းကို လူသေဆုံးမှုတွေရှိခဲ့တဲ့ ပထမဆုံး တိုက်ခိုက်ခံမှုလည်းဖြစ်ပါတယ်။ ဒေသတွင်းမှာ အမေရိကန်အခြေစိုက်စခန်းတွေကို တိုက်ခိုက်ခံရမှုတွေရှိခဲ့ပေမယ့်လည်း အခုလို ထိခိုက်သေဆုံးမှု မရှိဖူးကြောင်း အမေရိကန်စစ်တပ်က ထုတ်ပြန်ထားပြီး တိုက်ခိုက်မှုကို ဘယ်အဖွဲ့က ကြိုးကိုင်လုပ်ဆောင်ခဲ့တယ်ဆိုတာ ရှင်းလင်းစွာ မသိရသေးပါဘူး။ အီရတ်နဲ့ ဆီရီးယားရှိ အမေရိကန်စစ်အခြေစိုက်စခန်းတွေကို အောက်တိုဘာ ၁၇ ရက်နောက်ပိုင်း ၉၇ ကြိမ် တိုက်ခိုက်ခံခဲ့ရကြောင်း အမေရိကန်အစိုးရက ဒီဇင်ဘာလအတွင်းမှာ ထုတ်ပြန်ထားပါတယ်။ Ref:BBC Photo:AP

Voice of Myanmar ပြင်သစ်နိုင်ငံသည် တောင်ပစိဖိတ်ဒေသတွင် ဆဌမမြောက်နှင့် အကြီးမားဆုံး နျူကလီးယားစမ်းသပ်မှုကို ပြုလုပ်ခဲ့ပြီးနောက် နျူကလီးယား စမ်းသပ်မှုများကို ရပ်ဆိုင်းတော့မည်ဖြစ်ကြောင်း ၁၉၉၆ ခုနှစ် ဇန်နဝါရီ ၂၉ ရက်တွင် ကြေညာခဲ့သည်။

  ပြုံးယမ်း၊ ဇန်နဝါရီ-၂၈-၂၀၂၄ မျိုးဆက်(VOM) မြောက်ကိုရီးယားဟာ နိုင်ငံအရှေ့ဘက်ကမ်းရိုးတန်းမှာ ခရုဇ်ဒုံးကျည်အများအပြား စမ်းသပ်ပစ်လွှတ်ခဲ့တယ်လို့ တောင်ကိုရီးယားစစ်တပ်က ပြောပါတယ်။ မြောက်ကိုရီးယားဟာ မကြာသေးမီအချိန်အတွင်းကလည်း ဒုံးကျည်စမ်းသပ်မှုတွေ အကြိမ်ကြိမ်ပြုလုပ်ခဲ့ပြီး ဒေသတွင်းမှာလည်း တင်းမာမှုတွေ မြင့်တက်နေပါတယ်။ ဒီနေ့ ဇန်နဝါရီ ၂၈ ရက်က ပစ်ခတ်မှုကိုတော့ မြောက်ကိုရီးယားနိုင်ငံ ဆင်ပိုဆိပ်ကမ်းအနီးမှာ ပြုလုပ်ခဲ့တာဖြစ်ပြီး ဒုံးကျည်အမျိုးအစားနဲ့ အရေအတွက်ကို ရှင်းလင်းစွာ မသိရသေးပါဘူး။ မြောက်ကိုရီးယား ပြီးခဲ့တဲ့ ဗုဒ္ဓဟူးနေ့ကလည်း ပူဝါဆယ်လ်-၃-၃၁ အမျိုးအစား မဟာဗျူဟာမြောက် ခရုဇ်ဒုံးကျည်သစ်ကို စမ်းသပ်ပစ်ခတ်ခဲ့တယ်လို့ ုထုတ်ပြန်ကြေညာထားပါတယ်။ နောက်ဆုံး ဒုံးကျည်စမ်းသပ်မှုနဲ့ပတ်သက်ပြီး ရန်စတဲ့နောက်ဆက်တွဲအခြေအနေတွေကို စောင့်ကြည့်ဖို့ အမေရိကန်နဲ့ အနီးကပ်ပူးပေါင်းဆောင်ရွက်နေတယ်လို့ တောင်ကိုရီးယားစစ်တပ်က ပြောပါတယ်။ ဇန်နဝါရီလအတွင်းကလည်း မြောက်ကိုရီးယားဟာ နျူကလီးယားလက်နက်တွေ သယ်ဆောင်ပစ်ခတ်နိုင်တဲ့ ရေအောက်တိုက်ခိုက်ရေးဒရုန်းကို စမ်းသပ်ခဲ့ပါသေးတယ်။ မြောက်ကိုရီးယားခေါင်းဆောင် ကင်ဂျုံအန်ဟာ တောင်ကိုရီးယားနဲ့ ပြန်လည်ပေါင်းစည်းရေး ရည်မှန်းချက် ပြီးဆုံးသွားပြီးလို့ ယခုလအစောပိုင်းက ကြေညာခဲ့ပြီး…