Day: February 11, 2024

  ဘူဒါပက် ၊ ဖေဖော်ဝါရီ-၁၁-၂၀၂၄ မျိုးဆက်(VOM) ဟန်ဂေရီသမ္မတဟာ ကလေးသူငယ်လိင်ပိုင်းဆိုင်ရာ ကျူးလွန်မှုကျူးလွန်ခဲ့သူ အမျိုးသားတယောက်ကို လွတ်ငြိမ်းချမ်းသာခွင့်ပေးဖို့ ဆုံးဖြတ်ချက်ကြောင့် နှုတ်ထွက်ကြောင်း ရုပ်မြင်သံကြားက တိုက်ရိုက်ထုတ်လွှတ်စဉ် ကြေညာလိုက်ပါတယ်။ သမ္မတနိုဗက်ဟာ အစိုးရပိုင် ကလေးသူငယ်စောင့်ရှောက်ရေးဌာနက ညွှန်ကြားရေးမှူးတယောက်ကျူးလွန်ခဲ့တဲ့ စွဲချက်တွေကို ပြန်ရုပ်သိမ်းပြီး လွတ်ငြိမ်းချမ်းသာပေးခဲ့ကြောင်း ပြီးခဲ့တဲ့ သီတင်းပတ်က ထုတ်ဖော်ပြောဆိုခဲ့ပါတယ်။ ဒီကိစ္စနဲ့ပတ်သက်ပြီး သမ္မတနိုဗက် ရာထူးကနေ ဆင်းပေးဖို့ တောင်းဆိုတဲ့ဆန္ဒပြမှုတွေလည်း ဟန်ဂေရီမှာ ကြီးထွားလာပါတယ်။ သမ္မတကတော့ နောက်ပိုင်းမှာ တောင်းပန်ခဲ့ပြီး ဒီလူကို လွတ်ငြိမ်းချမ်းသာခွင့်ပေးခဲ့တာ အမှားဖြစ်တယ်လို့ ပြောဆိုပါတယ်။ လွတ်ငြိမ်းချမ်းသာခွင့်ကို အတည်ပြုခဲ့တဲ့ တရားရေးဝန်ကြီးဟောင်း ဂျူဒစ်ဗာဂါဟာ ဝန်ကြီးချုပ် ဗစ်တာအော်ဘန်ရဲ့အာဏာရပါတီအတွက် ဥရောပရွေးကောက်ပွဲတွေမှာ ဦးဆောင်မှုအခန်းကဏ္ဍကနေ နှုတ်ထွက်ခဲ့ပါတယ်။ ပုပ်ရဟန်မင်းကြီး ဖရန့်စစ်ရဲ့ ဟန်ဂေရီခရီးစဉ် တစိတ်တပိုင်းအဖြစ် ယမန်နှစ်ဧပြီလက သမ္မတနိုဗက်လွတ်ငြိမ်းချမ်းသာခွင့် ပေးခဲ့တဲ့ လူ ၂၅ ယောက်ရဲ့ အမည်စာရင်းကို ဟန်ဂေရီအခြေစိုက်…

ဂျကာတာ၊ ဖေဖော်ဝါရီ-၁၁-၂၀၂၄ မျိုးဆက် (VOM) အင်ဒိုနီးရှား ကာကွယ်ရေးဝန်ကြီး ပရာဘိုဝိုဆူဘီယန်တိုဟာ လာမယ့် ဖေဖော်ဝါရီ ၁၄ ရက်မှာ ကျင်းပမယ့် သမ္မတရွေးကောက်ပွဲမှာ လူထုထောက်ခံမှုနှုန်းအမြင့်ဆုံးနဲ့ ဦးဆောင်နေတယ်လို့ ရွေးကောက်ပွဲစစ်တမ်းတွေမှာ ဖော်ပြထားပါတယ်။ သမ္မတလောင်းသုံးယောက် အကြိတ်အနယ်ယှဉ်ပြိုင်ရမယ့် ရွေးကောက်ပွဲမှာ ပရာဘိုဝိုဟာ လူထုထောက်ခံမှုနှုန်း ၅၀ ရာခိုင်နှုန်းကျော်ထိရှိတယ်လို့ နောက်ဆုံးထုတ်ပြန်တဲ့ ရွေးကောက်ပွဲ စစ်တမ်းတွေမှာ ဖော်ပြထားပါတယ်။ အခြားကိုယ်စားလှယ်လောင်းနှစ်ယောက်ကတော့ ဂျကာတာအုပ်ချုပ်ရေးမှူးဟောင်း အန်နီးစ်ဘတ်စ်ဝီဒန်နဲ့ အလယ်ဂျာဗားပြည်နယ်အုပ်ချုပ်ရေးမှူးဟောင်း ဂန်ဂျာပရာနိုဝိုတို့ဖြစ်ပါတယ်။ ကိုယ်စားလှယ်လောင်းသုံးယောက်ဟာ မဲဆွယ်စည်းရုံးရေး နောက်ဆုံးနေ့အဖြစ် ဖေဖော်ဝါရီ ၁၀ ရက်မှာ ဂျကာတာနဲ့ အခြားနေရာတွေမှာ လူထုစုဝေးပွဲတွေ အကြီးအကျယ်ပြုလုပ်ခဲ့ကြပါတယ်။ ပရာဘိုဝိုကတော့ အုပ်ချုပ်ရေးမူဝါဒတွေကို ပြုပြင်ပြောင်းလဲဖို့ ကတိပြုထားပြီး ပြည်သူများ သာယာဝပြောရေးအတွက် ယခင်သမ္မတများ လမ်းစဉ်အတိုင်း ဆက်လက်အကောင်အထည်ဖော်မယ်လို့ ကတိပြုပြောဆိုထားပါတယ်။ ဂျကာတာအုပ်ချုပ်ရေးမှူးဟောင်း အန်နီးစ်က လက်ရှိအုပ်ချုပ်မှုစနစ်ကို ပြုပြင်ပြောင်းလဲသွားမှာဖြစ်ပြီး ပြည်သူတွေဟာ ဒီမိုကရေစီနဲ့ ဝေးကွာသွားတယ်လို့…

Voice of Myanmar အာရပ်နွေဦးခေါ် ဒီမိုကရေစီလိုလားသည့် လူထုအုံကြွမှုကြီး၏ တစိတ်တပိုင်းအဖြစ် အီဂျစ်နိုင်ငံတဝန်းတွင် ဆန္ဒပြမှုများအကြီးအကျယ်ဖြစ်ပွားပြီးနောက် နိုင်ငံကို နှစ်ပေါင်း ၃၀ ကျော်ကြာ အာဏာရယူအုပ်ချုပ်ခဲ့သော သမ္မတ ဟိုစ်နီမူဘာရတ်သည် ၂၀၁၁ ခုနှစ် ဖေဖော်ဝါရီ ၁၁ ရက်၌ ရာထူးမှ နှုတ်ထွက်ခဲ့ရသည်။