Day: April 21, 2024

ဆိုးလ်၊ ဧပြီ-၂၁-၂၀၂၄မျိုးဆက်(VOM)တောင်ကိုရီးယားအစိုးက ပြန်လည်ပြင်ဆင်မှုလုပ်ပေးတဲ့ ဆေးဘက်ဆိုင်ရာ ပြုပြင်ပြောင်းလဲမှုအစီအစဉ် အဆိုပြုချက်ကို တောင်ကိုရီးယား ဦးဆောင်ဆရာဝန်များအဖွဲ့က ပယ်ချလိုက်ပြီး ယခင်အတိုင်း သပိတ်မှောက်တာတွေ ဆက်လက်ဖြစ်ပေါ်နေပါတယ်။ထောင်နဲ့ချီတဲ့ အငယ်တန်းဆရာဝန်တွေရဲ့ အလုပ်ထွက်မှုနဲ့ သပိတ်မှောက်မှုတွေကြောင့် တောင်ကိုရီးယား ဆေးရုံတွေရဲ့ ကျန်းမာရေးစောင့်ရှောက်မှုစနစ်တွေ ပရမ်းပတာဖြစ်ခဲ့ပြီး လာမယ့်နှစ်ကစပြီး ဆေးကျောင်းဝင်ခွင့်ကို လူဦးရေနှစ်ထောင် တိုးမယ့်အစီအစဉ်အပေါ် သပိတ်မှောက်နေကြတာဖြစ်ပါတယ်။ဒီကိစ္စအပေါ် အစိုးရရဲ့ ပထမအကြိမ် လိုက်လျောမှုအဖြစ် တက္ကသိုလ် ၃၂ ခုမှာ ကနဦးအဆိုပြုထားတဲ့ လူဦးရေး နှစ်ထောင်အစား တထောင်သာ လက်ခံမယ်လို့ ပြောင်းလဲလိုက်ပေမယ့် ကိုရီးယားဆေးဘက်ဆိုင်ရာအဖွဲ့(ကေအမ်အေ)က ဒီအစီအစဉ်ကို တပတ်အတွင်း ဖျက်သိမ်းဖို့ တောင်းဆိုထားပါတယ်။“ ဒါဟာ အခြေခံကျတဲ့ ဖြေရှင်းချက်မဟုတ်တဲ့အတွက် ကိုရီးယားဆေးဘက်ဆိုင်ရာအသင်း အရေးပေါ်ကော်မတီက လက်မခံဘူးဆိုတာ ရှင်းရှင်းလင်းလင်း အသိပေးလိုပါတယ်” လို့ အသင်းပြောရေးဆိုခွင့်ရှိသူ ကင်ဆောင်ဂျန်က သတင်းထောက်တွေကို ပြောပါတယ်။ဒါကို အဖြေရှာဖို့တပတ်ပဲ အချိန်ရတော့တယ်လို့ သူကပြောပါတယ်။ ဆေးကျောင်းဝင်ခွင့်တိုးမြှင့်လိုက်တာဟာ သက်ကြီးရွယ်အို လူ့အဖွဲ့အစည်းအတွက်…

တိုကျို၊ ဧပြီ-၂၁-၂၀၂၄မျိုးဆက်(VOM)ပစိတ်သမုဒ္ဒရာအတွင်းရှိ အိုင်ဇူကျွန်းစုအနီးမှာ ညအချိန်လေ့ကျင့်ပျံသန်းမှုအတွင်း ဂျပန်စစ်တပ်မှ ရဟတ်ယာဉ်နှစ်စင်း ပျက်ကျသွားကြောင်း တာဝန်ရှိသူများက အတည်ပြုပြောဆိုပါတယ်။ရဟတ်ယာဉ်တွေပေါ်မှာ လိုက်ပါသွားသူရှစ်ယောက်အနက် တယောက်ကိုကယ်တင်နိုင်ခဲ့ပြီး ကျန်ခုနှစ်ယောက်ကို ကယ်ဆယ်ရေးသမားတွေက ဆက်လက်ရှာဖွေနေကြပါတယ်။ ရဟတ်ယာဉ်တစင်းစီမှာ လူလေးယောက် လိုက်ပါသွားတာလို့ တာဝန်ရှိသူတွေက ပြောပါတယ်။ရဟတ်ယာဉ်တစင်းအနက် တစင်းနဲ့ ဧပြီ ၂၀ ရက်ည ၁၀ နာရီ ၃၈ မိနစ်မှာ အဆက်အသွယ်ပြတ်တောက်သွားပြီး တမိနစ်အကြာမှာ ရဟတ်ယာဉ်ကနေ အရေးပေါ်အချက်ပြမှု ရရှိခဲ့တယ်လို့ ဆိုပါတယ်။နောက်ထပ် ၂၅ မိနစ်အကြာမှာတော့ ည ၁၁ နာရီ ၁၄ မိနစ်အချိန်မှာ ကျန်ရဟတ်ယာဉ်နဲ့ အဆက်အသွယ်ပြတ်တောက်သွားတာဖြစ်ပြီး ကယ်တင်ခဲ့တဲ့လူတယောက်ရဲ့ အခြေအနေကို ရှင်းလင်းစွာ မသိရသေးပါဘူး ။SH-60K အမျိုးအစား အဲဒီရဟတ်ယာဉ်တွေက ဂျပန်စစ်တပ် ဖျက်သင်္ဘောပေါ်မှာ အဓိကစခန်းချလည်ပတ်နေပြီး ရေငုပ်သင်္ဘောရှာဖွေရေး ညအချိန်လေ့ကျင့်မှုမှာ ပါဝင်လုပ်ဆောင်ခဲ့တာဖြစ်ပါတယ်။ အခင်းဖြစ်ပွားရာနေရာမှာ အခြားသော လေယာဉ်နဲ့ သင်္ဘောတွေမရှိကြောင်း ဂျပန်စစ်တပ်က…

ဝါရှင်တန်၊ ဧပြီ-၂၁-၂၀၂၄မျိုးဆက်(VOM)အမေရိကန်အောက်လွှတ်တော်ဟာ ယူကရိန်းအတွက် ဒေါ်လာ ၆၁ ဘီလီယံတန်ဖိုးရှိတဲ့ စစ်ရေးအကူအညီသစ်တွေပေးဖို့ အောက်လွှတ်တော်က နောက်ဆုံးမှာ အတည်ပြုလိုက်ပါတယ်။ကာလရှည်ရှာ နှောင့်နှေးနေခဲ့တဲ့ ဒီအကူအညီနဲ့ပတ်သက်ပြီး ရီပတ်ပလီကန်လွှတ်တော်အမတ်တွေရဲ့ ကန့်ကွက်မှုတွေကြုံခဲ့ရပြီးနောက် ထောက်ခံမဲ ၃၁၁ မဲ ကန့်ကွက်မဲ ၁၁၂ မဲနဲ့ အတည်ပြုနိုင်ခဲ့တာဖြစ်ပါတယ်။ဒီအဆိုနဲ့ပတ်သက်ပြီး အထက်လွှတ်တော်ကလည်း များမကြာခင်အတည်ပြုသွားဖွယ်ရှိပြီး သမ္မတဂျိုးဘိုင်ဒင် လက်မှတ်ထိုးပြီးတာနဲ့ အကူအညီတွေကို ပင်တဂွန်စစ်ဌာနချုပ်က အမြန်ဆုံးပေးအပ်သွားမှာဖြစ်ပြီး ဒါဟာ ပြည်ပနိုင်ငံတွေအတွက် အမေရိကန်ရဲ့ဦးဆောင်မှုကို ရှင်းလင်းတဲ့ သတင်းစကားလည်းဖြစ်ပါတယ်။ယူကရိန်းသမ္မတ ဇီလန်စကီးကတော့ အောက်လွှတ်တော်က အခုလိုအတည်ပြုလိုက်တာအတွက် ကျေးဇူးတင်ကြောင်းနဲ့ ထောက်ပံ့ကူညီမှုဟာ စစ်ပွဲမကြီးထွားဖို့နဲ့ ထောင်ပေါင်းများစွာသော အသက်တွေကို ကယ်တင်နိုင်တော့မှာဖြစ်တယ်လို့ ဆိုပါတယ်။ဒါပေမယ့် ဒီလိုစစ်ရေးအကူအညီတွေပေးတာဟာ အမေရိကန်သာ အကျိုးအမြတ်ရမှာဖြစ်ပြီး ယူကရိန်းနဲ့ ယူကရိန်းနိုင်ငံသားတွေ သေဆုံးမှုပိုမိုများလာမယ်လို့ ရုရှားသမ္မတနန်းတော် ပြောရေးဆိုခွင့်ရှိသူ ဒီမီထရီပက်စ်ကော့က ဝေဖန်ပြောဆိုပါတယ်။Ref:BBCPhoto:Getty Images

Voice of Myanmarစက်ဘီးတီထွင်သူနှင့် စက်ဘီးစက်မှုလုပ်ငန်း၏ ဖခင်အဖြစ် တင်စားခံခဲ့ရသည့် ဗြိတိန်နိုင်ငံသား ဂျိမ်းစတာလေသည် ၁၈၃၀ ခုနှစ် ဧပြီ ၂၁ ရက်တွင် ကွယ်လွန်ခဲ့သည်။