Month: April 2024

ဂါဇာစီးတီး၊ ဧပြီ-၂၃-၂၀၂၄မျိုးဆက်(VOM)ဂါဇာတောင်ပိုင်း ခန်းယွန်နစ်မြို့ကို ပြန်လာကြတဲ့ ဒေသခံပါလက်စတိုင်းတွေဟာ အစုလိုက်အပြုံလိုက်မြုပ်နှံထားတဲ့ အလောင်း ၂၀၀ ကျော်ကို တွေ့ရှိခဲ့ကြောင်း ဒေသခံတွေက ပြောပါတယ်။ခန်းယွန်နစ်မြို့ရှိ နက်ဆာဆေးရုံကို ဟားမတ်စ်တို့က အခြေစိုက်စခန်းအဖြစ် အသုံးပြုနေတယ်ဆိုကာ အစ္စရေးတပ်တွေက နှစ်ပတ်ကြာ ဝင်ရောက်စီးနှင်းတိုက်ခိုက်ပြီးနောက် ဆုတ်ခွာခဲ့ခြင်းဖြစ်ပြီး ဆေးရုံအပျက်အစီးတွေအောက်မှာ မြုပ်နှံထားတဲ့ အလောင်းတွေကို တူးဖော်တွေ့ရှိခဲ့တာဖြစ်ပါတယ်။ဒါဟာ အစုလိုက်အပြုံလိုက်သတ်ဖြတ်မှုဖြစ်ပြီး စစ်ရာဇဝတ်မှုတွေအတွက် အစ္စရေးတပ်ဖွဲ့ဝင်တွေကို စုံစမ်းစစ်ဆေးဖို့ နိုင်ငံတကာ ရာဇဝတ်တရားရုံးကို အစ္စလာမ္မစ်ပူးပေါင်းဆောင်ရွက်ရေးအဖွဲ့ (အိုအိုင်စီ)က တိုက်တွန်းထားပါတယ်။မြုံနှံထားရာနေရာသို့ မိသားစုဝင်များက လာရောက်ပြီး ဆွေမျိုးတွေရဲ့အလောင်းတွေကို ပြန်လည်ရှာဖွေမြုပ်နှံနေကြရတဲ့ မြင်ကွင်းက လွန်စွာခက်ခဲလှတယ်လို့ ပါလက်စတိုင်းအမျိုးသမီးတယောက်က ပြောပါတယ်။လူ ၁၂၀၀ သေဆုံးစေခဲ့တဲ့ ဂါဇာနယ်စပ်တလျှောက်ရှိ ကျေးရွာတွေကို အစ္စရေးရဲ့တိုက်ခိုက်မှုအပြီးမှာတော့ ဒီကိစ္စကို တားဆီးဖို့ ပျက်ကွက်ခဲ့ခြင်းအတွက် အစ္စရေးခေါင်းဆောင်တွေဟာ ပြည်သူတွေရဲ့ ပြစ်တင်မှုတွေနဲ့ ရင်ဆိုင်နေရပြီး စစ်ထောက်လှမ်းရေးအကြီးအကဲဟာလည်း ရာထူးကနေ နှုတ်ထွက်သွားပြီဖြစ်ပါတယ်။အစ္စရေးခေါင်းဆောင်တွေ ရာထူးကနေဆင်းဖို့အချိန်တန်ပြီလို့ အစ္စရေးပြည်သူတွေက ယူဆနေကြပြီး အစ္စရေးဒီမိုကရေစီ…

Voice of Myanamrအေအိုင်ဒီအက်စ်ရောဂါ ဖြစ်စေသည့် အိတ်ချ်အိုင်ဗီဗိုင်းရပ်စ်ဟု ယူဆရသော ဗိုင်းရပ်စ်တမျိုးကို သုတေသီများက ရှာဖွေတွေ့ရှိခဲ့ကြောင်း အမေရိကန်ကျန်းမာရေးဝန်ကြီး မာဂရက်ဟက်ခ်ကာက ၁၉၈၄ ခုနှစ် ဧပြီ ၂၃ ရက်တွင် ကြေညာခဲ့သည်။

တဲလ်အဗစ်၊ ဧပြီ-၂၂-၂၀၂၄မျိုးဆက်(VOM)အစ္စရေးစစ်တပ် ထောက်လှမ်းရေးအကြီးအကဲဟာ အောက်တိုဘာ ၇ ရက်က ဟားမတ်စ်တို့ရဲ့ အစ္စရေးကို တိုက်ခိုက်မှုကြိုမသိခဲ့တဲ့အတွက် ရာထူးကနေနှုတ်ထွက်သွားပါတယ်။စစ်ထောက်လှမ်းရေးအကြီးအကဲ ဗိုလ်ချုပ်ကြီး အဟာရွန်ဟာလီဗီးယားဟာ သူ့နေရာကို ဆက်ခံမယ့်သူရွေးပြီးတာနဲ့ ချက်ချင်းအနားယူမှာဖြစ်ကြောင်း အစ္စရေးစစ်တပ်က ထုတ်ပြန်ထားပါတယ်။သူ့ရဲ့ နှုတ်ထွက်လွှာမှာတော့ သူဟာအပ်နှင်းထားတဲ့ တာဝန်တွေနဲ့ ကိုက်ညီမှုမရှိဘူးလို့ ဆိုပါတယ်။ ဒါဟာ အစ္စရေးသမိုင်းတလျှောက်မှာ အသေအပျောက်အများဆုံး တိုက်ခိုက်ခံရမှုဖြစ်ပွားပြီးနောက် ရာထူးကနေနှုတ်ထွက်ခဲ့တဲ့ ပထမဆုံးသော ထိပ်တန်းပုဂ္ဂိုလ််ဖြစ်ပါတယ်။ရာနဲ့ချီတဲ့ ဟားမတ်စ်သေနတ်သမားတွေဟာ ပြီးခဲ့တဲ့ အောက်တိုဘာ ၇ ရက်က ဂါဇာနယ်စပ်ခြံစည်းရိုးကို ဖြတ်ကျော်ပြီး အနီးနားရှိ အစ္စရေးအသိုင်းအဝိုင်း၊ စစ်အခြေစိုက်စခန်းတွေနဲ့ ဂီတပွဲတော်တွေကို တိုက်ခိုက်ခြင်းမပြုမီ တိုက်ခိုက်နိုင်ခြေနဲ့ပတ်သက်တဲ့ သတိပေးမှုတွေကို အစ္စရေးစစ်တပ်နဲ့ ထောက်လှမ်းရေးအဖွဲ့က ပယ်ချ၊ လျစ်လျူရှုခဲ့ကြပါတယ်။ဟားမတ်စ်တို့ရဲ့ အဲဒီတိုက်ခိုက်မှုကြောင့် အစ္စရေးပြည်သူတွေအများစုနဲ့ ပြည်ပနိုင်ငံသား ၁၂၀၀ သေဆုံးခဲ့ပြီး လူ ၂၅၃ ယောက်ကို ဓါးစာခံအဖြစ် ဖမ်းဆီးခေါ်ဆောင်သွားခဲ့ပါတယ်။ လက်ရှိမှာတော့ ဟားမတ်စ်တွေကို အပြီးတိုင်ချေမှုန်းဖို့နဲ့…

ဝါရှင်တန်၊ ဧပြီ-၂၂-၂၀၂၄မျိုးဆက်(VOM)အမေရိကန်မှာ TikTok အက်ပလီကေးရှင်းကို ပိတ်ပင်တားမြစ်ဖို့လုပ်နေတာဟာ အမေရိကန်ပြည်သူ သန်း ၁၇၀ ကျော်ရဲ့ လွတ်လပ်စွာထုတ်ဖော်ပြောဆိုခွင့်ကို နင်းချေလိုက်တာဖြစ်ကြောင်း TikTok က ဝေဖန်ပြောဆိုလိုက်ပါတယ်။TikToK ဟာတရုတ်အစိုးရနဲ့ ဆက်နွယ်မှုများကို မဖြတ်ပါက့အက်ပလီကေးရှင်းကို ပိတ်ပင်သွားဖို့ အမေရိကန်အောက်လွှတ်တော်က ပြီးခဲ့တဲ့ ဧပြီ ၂၀ ရက်တွင် အတည်ပြုခဲ့တာကြောင့် ပိတ်ပင်ခံရမယ့်အရေးဟာ မိုပိုသက်ဝင်နီးစပ်လာပြီဖြစ်ပါတယ်။ဥပဒေကြမ်းဟာ ယူကရိန်းအတွက် အကူအညီများပါဝင်တဲ့ အမေရိကန်နိုင်ငံခြားရေးမူဝါဒရဲ့ တစိတ်တစ်ပိုင်းဖြစ်ပြီး လာမယ့် သီတင်းပတ်အစောပိုင်းမှာ ဥပဒေဖြစ်လာနိုင်ပါတယ်။မကြာသေးမီကာလအတွင် အမေရိကန်တာဝန်ရှိသူတွေဟာ လူငယ်များအကြား TikToK ရေပန်းစားလာမှုကို သတိပေးမှုများ ပြုလုပ်ခဲ့ပါတယ်။ TikTokဟာ တရုတ်အစိုးရလက်အောက်ခံဖြစ်ကြောင်း စွပ်စွဲချက်တွေ ကို မိခင်ကုမ္ပဏီဖြစ်တဲ့ ဘိုက်ဒန့်စ်က ကြိမ်ဖန်များစွာ ငြင်းဆိုထားပါတယ်။အထက်လွှတ်တော်ဟာ လာမယ့် သီတင်းပတ်မှာ ဒီကိစ္စကို မဲခွဲဆုံးဖြတ်မှာဖြစ်ပြီး ဥပဒေဖြစ်လာပါက ဘိုက်ဒန့်ကုမ္ပဏဟာ သူ့ရှယ်ယာတွေကို ရောင်းချဖို့ အချိန်ကိုးလရရှိမှာဖြစ်ပြီး မရောင်းဘူးဆိုရင်တော့ အမေရိကန်မှာ ပိတ်ပင်ခံရတော့မှာဖြစ်ပါတယ်။Ref:BBCPhoto:Getty Images

ပေကျင်း၊ ဧပြီ-၂၂-၂၀၂၄ မျိုးဆက်(VOM) တရုတ်နိုင်ငံရဲ့ လူဦးရေအများဆုံးနိုင်ငံဖြစ်တဲ့ ဂွမ်ဒေါင်းပြည်နယ်မှာ မိုးသည်းထန်စွာရွာသွန်းပြီး ရေကြီးရေလျှံမှုကြောင့် လူခြောက်သောင်းကျော်ကို ဘေးလွတ်ရာ ရွှေ့ပြောင်းပေထားရပါတယ်။ ရေကြီးရေလျှံမှုတွေကြောင့် လူ ၁၁ ယောက်ပျောက်ဆုံးနေပြီး လက်ရှိချိန်ထိ ထိခိုက်သေဆုံးမှု မရှိသေးကြောင်း အာဏာပိုင်တွေက ပြောပါတယ်။ ရေဘေးကြောင့် ပိတ်မိနေသူတွေကို ကယ်ဆယ်ရေးသမားတွေက အသက်ကယ်လှေတွေနဲ့ ကယ်ထုတ်နေပါတယ်။ ပြည်နယ်မြို့တော်ကွမ်ကျိုးအပြင် မြို့ငယ်များဖြစ်တဲ့ ရှောင်အန်နဲ့ ဟီယန်တို့ဟာ ရေကြီးရေလျှံ အဆိုးရွားဆုံးခံရတဲ့ မြို့တွေမှာ ပါဝင်နေပါတယ်။ရေကြီးရေလျှံမှုတွေကြောင့် ဂွမ်ဒေါင်းပြည်နယ် လူဦးရေ ၁၂၇ သန်းအနက် ၁ ဒသမ ၁၆ သန်းဟာ လျှပ်စစ်ဓါတ်အား ပြတ်တောက်မှုတွေနဲ့ ကြုံတွေ့ခဲ့ရပါတယ်။ ပြည်နယ်တွင်းအရှိ အဓိကမြစ်တွေဟာ စိုးရိမ်ရေမှတ်ထက်ကျော်လွန်နေပြီး ကမ်းပါးပြိုပြီး ရေကြီးမှုဖြစ်နိုင်ခြေကို အာဏာပိုင်တွေက အနီးကပ်စောင့်ကြည့်နေပါတယ်။ ဂွမ်ဒေါင်းပြည်နယ်မြောက်ပိုင်းရှိ မြစ်တစင်းဟာ ဒီနေ့မှာတော့ နှစ် ၁၀၀ မှာတကြိမ်ဖြစ်ပေါ်တဲ့ ရေကြီးရေလျှံဖြစ်နိုင်ကြောင်း သတိပေးချက်ထုတ်ပြန်ထားပါတယ်။ ဂွမ်ဒေါင်းပြည်နယ်…