Month: April 2024

မြ၀တီ ၊ ဧပြီ ၉ – ၂၀၂၄ GG (VOM) ကရင်ပြည်နယ် ၊မြဝတီမြို့ အပြင်ဘက် ခလရ ၂၇၅ တပ်ဘက်မှာ တိုက်ပွဲတွေစတင်ဖြစ်ပွားနေတာကြောင့် မြဝတီမြို့တွင်းက ဌာနဆိုင်ရာရုံးတွေနဲ့ အစိုးရဘဏ်၊ပုဂ္ဂလိကဘဏ်တွေအားလုံး ဒီနေ့ကစပြီး ပိတ်ထားလိုက်ပြီဖြစ် တယ်လို့သိရပါတယ်။ ခလရ ၂၇၅ ဘက်မှာ ဒီနေ့ ဧပြီလ ၉ ရက် နေ့လယ်ပိုင်းကစပြီး နစကတပ်နဲ့ KNU ၊ PDF ပူးပေါင်းတပ်ဖွဲ့တွေအကြား တိုက်ပွဲစတင်ဖြစ်ပွားတာဖြစ်ပြီး ဘဏ်တွေ အစိုးရဌာနတွေကလည်း ခုမနက်ပိုင်းကစပြီး အရေးပေါ်ပိတ်လိုက်တာဖြစ်တယ်လို့သိရပါတယ်။ ” မြို့ပြင်မှာ ၁၂ နာရီကျော် ၁ နာရီလောက်က ၂၇၅ ဘက်မ​ှာ စပြီးတော့တိုက်ပွဲဖြစ်နေပြီ၊လေယာဥ်လည်းလာတယ်။လက်နက်ကြီးသံတွေလည်းမြို့ထဲကနေကြားနေရတယ်။ ဘဏ်တွေကတော့ ၁၂ နာရီလောက်ကအကုန်ပိတ်သွားတယ်။ဌာနဆိုင်ရာရုံးတွေလည်း ခရိုင်ရုံးကညွှန်ကြားချက်နဲ့ ကိုယ့်အိမ်ကိုပြန်နေဖို့ ညွှန်ကြားထားတယ်။နောက်နေ့ဖွင့်မဖွင့်မသိရဘူး၊ဒီနေ့တော့အကုန်လုံးပိတ်ပြီးအိမ်ပြန်နားကြတယ် ” လို့ မြဝတီ မြို့ခံတယောက်က လက်ရှိ မြဝတီမြု့အခြေအနေကိုပြောပြပါတယ်။…

ဖနွမ်းပင်၊ ဧပြီ-၉-၂၀၂၄ မျိုးဆက်(VOM) မြန်မာနိုင်ငံဖြစ်ပွားနေတဲ့ အခြေအနေတွေနဲ့ပတ်သက်ပြီး နစကဥက္ကဌနဲ့ ဆွေးနွေးညှိနှိုင်းဖို့ ကမ္ဘောဒီးယားဝန်ကြီးချုပ်ဟောင်း ဟွန်ဆန်က ကမ်းလှမ်းလိုက်ပါတယ်။ ကေအင်န်ယူပူးပေါင်းအဖွဲ့တွေက ထိုင်းနယ်စပ်ရှိ မြဝတီမြို့ကိုထိန်းချုပ်ပြီးနောက်မှာ ဟွန်ဆန်ဟာ မြန်မာသံအမတ်ကြီး ဦးကျော်စိုးမင်းနဲ့ ဖနွမ်းပင်မှာ တွေ့ဆုံခဲ့ပြီး နစကဥက္ကနဲ့ ဗီဒီယိုကွန်ဖရင့်စနစ်အသုံးပြု ဆွေးနွေးမယ်လို့ ကမ်းလှမ်းခဲ့တာဖြစ်ပါတယ်။ သူတို့နှစ်ယောက်ဟာ မြန်မာ့နိုင်ငံရေးအကျပ်အတည်းကို ဖြေရှင်းဖို့ရည်ရွယ်ပြီး ဆွေးနွေးမှုတွေနဲ့ အကြံပြုမှုတွေကို ဖလှယ်သွားမှာဖြစ်တယ်လို့ ကမ္ဘောဒီးယားအစိုးရအာဘော် Fresh News က ဖော်ပြထားပါတယ်။ လာမယ့်သီတင်းပတ်မှာ ကျရောက်မယ့် ခမာနှစ်ကူးပွဲ သို့မဟုတ် သင်္ကြန်မတိုင်ခင်နဲ့ အပြီး သင့်တော်တဲ့အချိန်မှာ ဟွန်ဆန်နဲ့ နစက ဥက္ကဌတို့ ဆွေးနွေးဖို့ပြင်ဆင်ထားကြောင်း ခမာသတင်းဌာနက ဖော်ပြထားပါတယ်။ ဟွန်ဆန်ဟာ အာဆီယံအလှည့်ကျ ဥက္ကဌအဖြစ် တာဝန်ယူခဲ့တဲ့ ၂၀၂၂ ခုနှစ် အစောပိုင်းမှာ မြန်မာ့အရေး ဖြေရှင်းရေးနဲ့ပတ်သက်ပြီး နစကဥက္ကဌနဲ့ ပထမဆုံးတွေ့ဆုံဆွေးနွေးခဲ့ကြပါတယ်။ Ref:UCA News Photo:RFA

ဘန်ကောက်၊ ဧပြီ-၉-၂၀၂၄ မျိုးဆက်(VOM) နစက နဲ့ အတိုက်အခံတွေအကြား တွေ့ဆုံဆွေးနွေးပွဲတွေ စတင်ဖို့ရာမှာ ထိရှလွယ်တဲ့ ပြသနာတွေရှိကြောင်း ထိုင်းဝန်ကြီးချုပ် ဆရက်သာ သာဗီဆင်က မြန်မာ့အရေးနဲ့ပတ်သက်ပြီး အစိုးရအဖွဲ့အစည်းအဝေးအပြီးမှာ ထုတ်ဖော်ပြောဆိုလိုက်ပါတယ်။ “ ဒီကိစ္စနဲ့ပတ်သက်ပြီး ထိုင်းအစိုးရအနေနဲ့ မြန်မာ့နိုင်ငံရေးဖြစ်စဉ်မှာ ပါဝင်နေတဲ့အဖွဲ့တွေအားလုံးနဲ့ စကားပြောဆို ဆွေးနွေးရမယ်” လို့ ဝန်ကြီးချုပ် သာဗီဆင်က ပြောပါတယ်။ မြန်မာနိုင်ငံမှာ ပြီးခဲ့တဲ့သီတင်းပတ်ကုန်ပိုင်းက ထိုင်းနယ်စပ် မြဝတီမြို့ကို အတိုက်အခံပူးပေါင်းအဖွဲ့တွေက ထိန်းချုပ်လိုက်ပြီးနောက် စစ်ရေးတင်းမာမှုတွေ မြင့်တက်နေပါတယ်။ မြန်မာစစ်တပ်အနေနဲ့ အင်အားယုတ်လျော့လာတယ်လို့ ထိုင်းဝန်ကြီးချုပ်သာဗီဆင်က ယခုသီတင်းပတ်အစောပိုင်းက ပြောဆိုထားပြီး ဆွေးနွေးပွဲတွေစတင်ဖို့ အချိန်ကောင်းဖြစ်တယ်လို့ သူကဆိုပါတယ်။ ထိုင်းအနေနဲ့ မြန်မာ့အရေးမှာ ကြားနေအဖြစ် ရပ်တည်နေပြီး ဒုက္ခသည် တသိန်းကျော်ထိ လက်ခံနိုင်တယ်လို့ ထိုင်းနိုင်ငံခြားရေးဝန်ကြီး ပရန်ပီးဘာဟစ်ဒါနူကာရာက ဧပြီ ၉ ရက်မှာ ထုတ်ဖော်ပြောဆိုထားပြီး ငြိမ်းချမ်းရေးအတွက် စေ့စပ်ညှိနှိုင်းမှုတွေ လုပ်ဖို့ သက်ဆိုင်သူတွေကို…