Day: May 21, 2024

ဒေလီ၊ မေ-၂၁-၂၀၂၄ မျိုးဆက်(VOM) အိန္ဒိယနိုင်ငံမြို့တော်ဒေလီအပါအဝင် နိုင်ငံမြောက်ပိုင်းမှာ ယခုသီတင်းပတ်ကုန်ပိုင်းကစ၍ အပူချိန် ၄၇ ဒီဂရီစင်တီဂရိတ်ထက် မြင့်တက်နေပြီး အပူလှိုင်းဖြတ်သန်းမှုကြောင့် စာသင်ကျောင်းတွေကို နွေရာသီကျောင်းပိတ်ရက်စောပိတ်ဖို့ အာဏာပိုင်တွေက ညွှန်ကြားလိုက်ပါတယ်။ ပြီးခဲ့တဲ့ မေ ၁၉ ရက်မှာ မြို့တော်ဒေလီရှိ နာဂျက်ဖ်ဂရာ့ခရိုင်မှာ အပူချိန် ၄၇ ဒသမ ၈ ဒီဂရီစင်တီဂရိတ်ထိစံချိန်တင်ခဲ့ပြီး ယခုနှစ်နွေရာသီမှာ နိုင်ငံတွင်းမှာဖြစ်ပွားခဲ့တဲ့ စံချိန်တင်အပူချိန်ဖြစ်ပါတယ်။ ယခုသီတင်းပတ်အတွင်းမှာ လည်းအပူချိန် ဆက်လက်မြင့်တက်နိုင်ကြောင်း တာဝန်ရှိသူများကသတိပေးထားပါတယ်။ ဒေလီနဲ့ အိမ်နီးချင်း ဥတာပရာဒေ့ရှ်၊ ဟာယာနာနှင့် ရာဂျက်စ်သန်တို့မှည လည်းအပူချိန် ၄၅ ဒီဂရီစင်တီဂရိတ်ကို ကျော်လွန်ခဲ့ပါတယ်။ ဒေလီမြောက်ပိုင်းမြို့မှာ အမြင့်ဆုံးအပူချိန်ဟာ မေ ၂၁ ရက်မှည ၄၅ မှ ၄၆ ဒီဂရီစင်တီဂရိတ်ကိုကျော်လွန်နိုင်တယ်လို့ ဆိုပါတယ်။ ဇွန် ၄ ရက် ရလဒ်များကြေညာမည့် အိန္ဒိယအထွေထွေရွေးကောက်ပွဲကျင်းပနေချိန်မှာ အပူလှိုင်းဖြတ်မှု ဖြစ်ပေါ်နေတာဖြစ်ပြီး မတ်လမှ…

တီဟီရန်၊ မေ-၂၁-၂၀၂၄မျိုးဆက်(VOM)အီရန်သမ္မတ အီဘရာဟင်ရိုင်ဆီ ရဟတ်ယာဉ်ပျက်ကျ သေဆုံးသွားပြီးနောက်မှာ ဒုတိယသမ္မတဖြစ်သူ မိုဟာမက်မိုဟာဘာက သမ္မတရွေးကောက်ပွဲ မပြီးမချင်း ယာယီသမ္မတအဖြစ် တာဝန်ယူမယ်လို့ အီရန်ဘာသာရေးခေါင်းဆောင် ခါမေနီက ပြောပါတယ်။သမ္မတရိုင်ဆီ၊ နိုင်ငံခြားရေးဝန်ကြီးနဲ့ အခြား ခုနှစ်ယောက်တို့ကို တင်ဆောင်လာတဲ့ ရဟတ်ယာဉ်ဟာ အီရန်အနောက်မြောက်ပိုင်း အရှေ့အဇာဘိုင်ဂျန်ပြည်နယ်မှာ ပြီးခဲ့တဲ့ တနင်္ဂနွေနေ့က ပျက်ကျခဲ့ပါတယ်။ရဟတ်ယာဉ်အပျက်အစီးတွေကို ရှာဖွေတွေ့ရှိခဲ့ပြီး လိုက်ပါသူူအားလုံး သေဆုံးခဲ့တာဖြစ်ပါတယ်။ ဆိုးရွားတဲ့ ရာသီဥတုကြောင့် ရဟတ်ယာဉ်ပျက်ကျခဲ့တာလို့ အီရန်မီဒီယာတွေက ပြောပါတယ်။ဒီဖြစ်စဉ်နဲ့ပတ်သက်ပြီး အီရန်ဘာသာရေးခေါင်းဆောင် ခါမေနီက ငါးရက်ကြာ နိုင်ငံတော်ဝမ်းနည်းကြေကွဲကြောင်း ကြေညာခဲ့ပြီး ရက်ပေါင်း ၅၀ အတွင်း သမ္မတရွေးကောက်ပွဲ ကျင်းပမယ်လို့ ဆိုပါတယ်။ရဟတ်ယာဉ်ပျက်ကျခဲ့တဲ့နေရာအနီးရှိ မြို့တမြို့ ဒီနေ့ဈာပနအခမ်းအနား ကျင်းပနေပြီး ပြည်သူသောင်းပေါင်းများစွာ တက်ရောက်နေပါတယ်။ သေဆုံးသွားတဲ့ သမ္မတရိုင်ဆီဟာ သဘောထားတင်းမာတဲ့ ရှေးရိုးစွဲဝါဒီအဖြစ် လူသိများပါတယ်။သူဟာ ၂၀၂၁ ခုနှစ်မှာ အာဏာရပြီးနောက် အစိုးရဆန့်ကျင်ရေးဆန္ဒပြပွဲတွေကို နှိမ်းနှင်းခဲ့ပြီး ဟားမတ်စ်နဲ့ အစ္စရေးဆန့်ကျင်ရေးအဖွဲ့တွေကို…