Month: July 2024

  ထရီပိုလီ၊ ဇူလိုင်-၂၉-၂၀၂၄ မျိုးဆက်(VOM) လစ်ဗျားနိုင်ငံမှာ ပြီးခဲ့တဲ့ စက်တင်ဘာလအတွင်းက လူပေါင်း ၄၀၀၀ ကျော်သေဆုံးခဲ့တဲ့ ဆည်ကျိုးမှုကြောင့် ဖြစ်ပွားခဲ့တဲ့ ရေဘေးနဲ့ ပတ်သက်ပြီး လစ်ဗျားတာဝန်ရှိသူ ၁၂ ယောက်ကို အာဏာပိုင်တွေက ထောင်ဒဏ် ကိုးနှစ်ကနေ ၁၂ ထိ ချမှတ်လိုက်ပါတယ်။ ဆည်ကျိုးမှုကြောင့် ဒါနာမြို့ရှိ ရပ်ကွက်တစ်ခုလုံး ရေကြီးနစ်မြုပ်ခဲ့ပြီး ဘေးလွတ်ရာ ရွှေ့ပြောင်း ကြိုးပမ်းနိုင်ခြင်းမရှိခဲ့ပါဘူး။ ပြစ်ဒဏ်ချမှတ်ခံရသူတွေဟာ ရေအရင်းအမြစ် စီမံခန့်ခွဲဖို့နဲ့ ဆည်တွေကို ထိန်းသိမ်းဖို့ တာဝန်ရှိသူတွေဖြစ်ပါတယ်။ ဒီကိစ္စနဲ့ပတ်သက်ပြီး တာဝန်ရှိသူတွေကို ပေါ့ဆမှု၊ လူသေစေမှု၊ ပြည်သူ့ဘဏ္ဍာဖြုန်းတီးမှုအပါအဝင် ရာဇဝတ်မှုဆိုင်ရာ စွဲချက်တွေနဲ့ တရားစွဲဆိုခဲ့ပြီး သူတို့ထဲက သုံးယောက်ကိုတော့ တရားသေပြန်လွှတ်ပေးခဲ့ပါတယ်။ ဆည်ကျိုးပေါက်မှုဟာ လစ်ဗျားမှာ ဆယ်စုနှစ်တခုကြာဖြစ်ပွားခဲ့တဲ့ ပဋိပက္ခတွေအတွင်း ဆည်တွေကို ပြုပြင်ထိန်းသိမ်းညံ့ဖျင်းတာတွေရဲ့ တစိတ်တပိုင်းဖြစ်တယ်လို့ ဇန်နဝါရီလအတွင်းက ထုတ်ပြန်တဲ့ နိုင်ငံတကာ အစီရင်ခံစာတရပ်မှာ ဖော်ပြထားပါတယ်။ ဒါနာဆည်ကျိုးပေါက်မှုကြောင့်…

  တဲလ်အဗစ်၊ ဇူလိုင်-၂၉-၂၀၂၄ မျိုးဆက်(VOM) အစ္စရေးတို့ သိမ်းပိုက်ထားတဲ့ ဂိုလန်ကုန်းမြင့်မှာ ဘောလုံးကစားနေစဉ် ဒုံးကျည်ကျရောက်မှုကြောင့် ကလေးနဲ့ လူငယ် ၁၂ ယောက်သေဆုံးပြီးနောက် လက်ဘနွန်ရှိ ဟဇ်ဘိုလာအဖွဲ့ရဲ့ ပစ်မှတ်တွေကို အစ္စရေးက တိုက်ခိုက်ခဲ့ပါတယ်။ ဒရူဇီမြို့မှာ စနေနေ့က ဖြစ်ပွားခဲ့တဲ့ ဒီတိုက်ခိုက်မှုဟာ အီရန်ကျောထောက်နောက်ခံပြု ဟဇ်ဘိုလာအဖွဲ့ လက်ချက်လို့ အစ္စရေးက စွပ်စွဲထားပေမယ့် ဟဇ်ဘိုလာအဖွဲ့ကတော့ ပြင်းပြင်းထန်ထန် ပယ်ချထားပါတယ်။ ဒီအတွက် လက်တုံ့ပြန်တဲ့အနေနဲ့ အစ္စရေးစစ်တပ်ဟာ လက်ဘနွန်ရှိ ဟဇ်ဘိုလာပစ်မှတ် ခုနှစ်ခုကို လေကြောင်းကနေတိုက်ခိုက်ခဲ့ပြီး သေဆုံးဒဏ်ရာရမှု အခြေအနေကို ရှင်းလင်းစွာမသိရသေးဘူးလို့ ထုတ်ပြန်ထားပါတယ်။ ဂါဇာရှိ ဟားမတ်စ်တို့ကို ထိုးစစ်စတင်ခဲ့တဲ့ ပြီးခဲ့တဲ့နှစ်အောက်တိုဘာလနောက်ပိုင်းမှစ၍ အစ္စရေးနဲ့ လက်ဘနွန်အခြေစိုက် ဟဇ်ဘိုလာတို့ နယ်စပ်ဖြတ်ကျော်အပြန်အလှန်ပစ်ခတ်မှုတွေ မြင့်တက်လာပြီး အရှေ့အလယ်ပိုင်းမှာ နောက်ထပ်စစ်ပွဲဖြစ်လာမှာကို စိုးရိမ်ပူပန်မှုတွေရှိနေပါတယ်။ ဒရူဇီမြို့ ဘောလုံးကွင်းမှာ ဖြစ်ပွားခဲ့တဲ့ သေဆုံးမှုကတော့ ပြီးခဲ့တဲ့ အောက်တိုဘာလနောက်ပိုင်း အသေအပျောက်အများဆုံး…

  ပေကျင်း၊ ဇူလိုင်-၂၉-၂၀၂၄ မျိုးဆက်(VOM) အီတလီဝန်ကြီးချုပ် ဂျော်ဂျီယာမယ်လိုနီဟာ ဝန်ကြီးချုပ်တာဝန်ယူပြီးနောက် ပထမဆုံးအကြိမ်အဖြစ် တရုတ်နိုင်ငံကို ရောက်ရှိနေပြီး တရုတ်နိုင်ငံနဲ့ ဆက်ဆံရေးပြန်လည်စတင်ဖို့ ကတိပြုပြောဆိုလိုက်ပါတယ်။ သူ့ရဲ့ ငါးရက်ကြာ တရုတ်နိုင်ငံခရီးစဉ်အစမှာတော့ တရုတ်ဝန်ကြီးချုပ် လီချန်းနဲ့ တွေ့ဆုံခဲ့ပြီး နှစ်နိုင်ငံအကြား စီးပွားရေး ပူးပေါင်းဆောင်ရွက်မှု ခိုင်မာစေဖို့ သုံးနှစ်စီမံကိန်း သဘောတူညီချက်တရပ်ကိုလည်း လက်မှတ်ရေးထိုးခဲ့ကြပါတယ်။ ခရီးစဉ်ဟာ တရုတ်နဲ့ အီတလီနှစ်နိုင်ငံ ပူးပေါင်းဆောင်ရွက်မှု ပြန်လည်စတင်ဖို့ အဆင့်တခုဖန်တီးမယ့် ဆန္ဒကို ဖော်ပြခြင်းဖြစ်ကြောင်း အီတလီဝန်ကြီးချုပ်က ပြောပါတယ်။ လျှပ်စစ်ကားနဲ့ ပြန်လည်ပြည့်ဖြိုးမြဲစွမ်းအင်ဆိုင်ရာ ပူးပေါင်းဆောင်ရွက်မှုကို မြှင့်တင်ဖို့ရည်ရွည်တဲ့ စာချုပ်ကို လက်မှတ်ထိုးခဲ့တယ်လို့ သူကဆိုပါတယ်။ နှစ်နိုင်ငံအကြား သင်္ဘောတည်ဆောက်မှု၊ အာကာသ၊ စွမ်းအင်၊ ဉာဏ်ရည်တုနည်းပညာနဲ့ အသေးစားအလတ်စားလုပ်ငန်းတွေ အပြန်အလှန်ပူးပေါင်းဆောင်ရွက်မှု မြှင့်တင်ဖို့လည်း ရည်ရွယ်ထားကြောင်း အီတလီဝန်ကြီးချုပ်ရုံးက ထုတ်ပြန်ထားပါတယ်။ တရုတ်နိုင်ငံရဲ့ ပိုးလမ်းမသစ်စီမံကိန်းမှာ ပါဝင်မှုငနေ အီတလီနိုင်ငံနှုတ်ထွက်ပြီးနောက် နှစ်နိုင်ငံအကြား ယခုသဘောတူညီချက်ရရှိခဲ့တာဖြစ်ပြီး…

  ဂါဇာစီးတီး၊ ဇူလိုင်-၂၈-၂၀၂၄ မျိုးဆက်(VOM) ဂါဇာအလယ်ပိုင်း အီယာအယ်လ်ဘယ်လာအနီးရှိ စာသင်ကျောင်းတကျောင်းကို အစ္စရေးရဲ့ တိုက်ခိုက်မှုကြောင့် ပါလက်စတိုင်း ၃၀ သေဆုံးပြီး ၁၀၀ ကျော်ဒဏ်ရာရရှိသွားကြောင်း ဟားမတ်စ်တာဝန်ရှိသူတွေက ပြောပါတယ်။ ဟားမတ်စ်တို့ရဲ့ ကွပ်ကွဲမှုနဲ့ ထိန်းချုပ်ရေးဌာနဟာ အဲဒီစာသင်ကျောင်းထဲမှာရှိနေတယ်လို့ အစ္စရေးစစ်တပ်က ပြောပါတယ်။ ဒီနေရာဟာ ဟားမတ်စ်တို့ရဲ့ တိုက်ခို်ကမှုတွေကို ညွှန်ကြားရာနေရာနဲ့ လက်နက်တွေ သိမ်းဆည်းတဲ့နေရာဖြစ်တယ်လို့ ဆိုပါတယ်။ သေဆုံးသူတွေထဲမှာ အမျိုးသမီးနဲ့ ကလေးငယ်တွေပါဝင်တယ်လို့ ဟာမတ်စ်တာဝန်ရှိသူတွေက ပြောပါတယ်။ အဲဒီစာသင်ကျောင်းဟာ ဒုက္ခသည်တွေကို ခိုလှုံခွင့်ပေးထားတဲ့နေရာဖြစ်တယ်လို့ ဆိုပါကြပါတယ်။ ဒီနေရာကို မတိုက်ခိုက်မီ သင့်လျော်တဲ့ လက်နက်ခဲယမ်းအသုံးပြုမှု ၊ ဝေဟင်ကင်းထောက်မှုနဲ့ ထောက်လှမ်းရေးအချက်အလက်တွေကို အခြေခံပြီး အရပ်သားတွေ ထိခိုက်မှုအနည်းဆုံးဖြစ်အောင် လုပ်ဆောင်ခဲ့တယ်လို့ အစ္စရေးကတော့ ပြောပါတယ်။ လက်ရှိတိုက်ခိုက်ခံရတဲ့ ဒီယာအယ်လ်ဘယ်လာနဲ့ ခန်းယွန်နစ်မြို့တို့ကို အစ္စရေးရဲ့ တိုက်ခိုက်မှုကြောင့် မနေ့ကမနက်ပိုင်းနောက် လူ ၅၃ ယောက်သေဆုံးပြီး…