Day: August 2, 2024

  ဩဂုတ် ၁ – ၂၀၂၄ GG (VOM) နစက တာဝန်ယူတဲ့ သုံးနှစ်ကျော်ကာလအတွင်းမှာ ပြည်တွင်းဆန်စျေးကွက်အခြေအနေက သုံးဆလောက်အထိမြင့်တက်သွားတယ်လို့ ဆန်ရောင်းဝယ်ရေးလုပ်ကိုင်သူတွေဆီကသိရပါတယ်။ နစက တာဝန်မယူခင် NLD အစိုးရလက်ထက် ၂၀၂၀ ခုနှစ် နှစ်ကုန်ကနေ ၂၀၂၁ ခုနှစ်ဇန်နဝါရီလအထိကိုပင် ပြည်တွင်းစားသုံးမှုရှိတဲ့ ဆန်ကြမ်းတပြည်ကိုမှ ငွေကျပ် ၈၀၀ ကျပ်သာရှိပြီး ဆန်၂၄ ပြည်တအိတ်ကိုမှ ၂၀၀၀၀ ဝန်းကျင်သာရှိခဲ့ပါတယ်။ အလားတူ အမြင့်ဆုံးဆန်ဖြစ်တဲ့ ရွှေဘိုပေါ်ဆန်းကိုမှ ၂၀၂၁ ခုနှစ်ဇန်နဝါရီလအထိကိုပင် ၅၀၀၀၀ ကျပ်အထက်သာရှိခဲ့ပြီး ဧရာဝတီတိုင်းကထွက်တဲ့ ပေါ်ဆန်းဆန်ကလည်း ၄၀၀၀၀ ကျပ်အောက်စျေးတန်းမှာပဲရှိခဲ့သလို မကွေးတိုင်းကထွက်တဲ့ ဧရာပဒေသာဆန်ကလည်း ၂၄ ပြည်တအိတ်ကိုမှ ၄၀၀၀၀ ကျပ်ဝန်း ကျင်သာရှိခဲ့ပါတယ်။ အဲဒီနောက် နစကတာဝန်ယူလိုက်တဲ့ ၂၀၂၁ ခုနှစ် ဖေဖော်ဝါရီကစပြီး ဆန်စျေးနူန်းတွေ တရိပ်ရိပ်မြင့်တက်ခဲ့ပြီး လက်ရှိ ၂၀၂၄ ခုနှစ် ၊ဩဂုတ်လမှာတော့…

  ဩဂုတ် ၂ – ၂၀၂၄ GG (VOM) ရန်ကုန် – မော်လမြိုင် ကားလမ်းပေါ်က ဘီးလင်း-သထုံကြားရှိ ကမာဆိုင် ကွက်သစ်ကျော်တံတတား ဒီနေ့ဩဂုတ်လ ၂ ရက်နေ့မှာ မိုင်းခွဲခံရပြီး ပျက်စီးသွားတယ်လို့သိရပါတယ်။ ဒါကြောင့် လတ်တလောမှာ ရန်ကုန်-မော်လမြိုင် ကားလမ်းသွားလာလို့မရတော့တဲ့အခြေအနေဖြစ်တယ်လို့သိရပါတယ်။ ” တံတားမိုင်းခွဲခံရလို့ ခုမနက်မှသိရတာ။အခုတော့ ပြည်ထောင်စုလမ်းမကြီးကနေသွားမရဘူး။တံတားကအသေးဆိုပေမယ်လည်းလုံးလုံးပျက်စီးသွားတော့ သွားမရတဲ့အခြေအနေပါ ။တံတားကသံကူကွန်ကရစ်တံတားပါ။” လို့ သထုံ​ဒသခံကပြောပါတယ်။ အဆိုပါ တံတားဟာ အရင်တခါဖျက်ဆီးခံရတဲ့ မစောတံတားအနီးမှာရှိပြီး ရွာပတ်လမ်းတွေကနေသွားလို့ရပေမယ့် မိုးရွာသွန်းပြီး ရေကြီးထားတာကြောင့် လမ်းတွေပျက်စီးနေတဲ့အတွက် ကျေးရွာပတ်လမ်းကလည်းအဆင်မပြေနိုင်ဘူးလို့သိရပါတယ်။ ဒါကြောင့်လက်ရှိ ရန်ကုန် -မော်လမြိုင် ပြည်ထောင်စုလမ်းမကြီးပေါ်ရောက်ရှိတဲ့ကားတွေကတော့ သထုံမြို့ တဖက်တချက်မှာသွားလာမရဘဲပိတ်မိနေတယ်လို့သိရပါတယ်။ ဇူလိုင်လ ၁၇ ရက်နေ့ကလည်း ရန်ကုန်-မော်လမြိုင် အဝေးပြေးလမ်းမကြီးပေါ်ရှိ ကရင်လေးဆိပ်တံတား မိုင်းခွဲခံရပြီးပျက်စီးခဲ့ပါတယ်။ မေလထဲတုန်းကလည်း ရန်ကုန် – မော်လမြိုင်အဝေးပြေးကားလမ်းမပေါ်ရှိ ကျုံအိတ်တံတား မိုင်းခွဲဖျက်ဆီးခံခဲ့ရသလို မစောတံတားလည်း…

  ဩဂုတ် ၂ – ၂၀၂၄ GG (VOM) ပဲခူးတိုင်းအနောက်ပိုင်း၊ ပေါက်ခေါင်းမြို့နယ်၊ လှည်းကူးကျေးရွာအုပ်စုမှာ နေအိမ်၁၅လုံးမီးလောင်ခဲ့ပြီး လူနှစ်ယောက်လည်း မီးလောင်သေဆုံးခဲ့ရတယ်လို့သိရပါတယ်။ မီးလောင်သေဆုံးသူနှစ်ယောက်ကတော့ အမျိုးသားနှစ်​ယောက်ဖြစ်ပြီး ဩဂုတ်လ ၁ ရက်နေ့မှာမီးလောင်သေဆုံးခဲ့ရတာဖြစ်တယ်လို့သိရပါတယ်။ ” မနေ့ကဖြစ်တာပါ။ ဘယ်လိုပြောရမလဲရှို့မီးလို့သိရပေမယ့် ရိုးမဘက်ဆိုတော့လှမ်းတယ်ပေါ့ ။အဲ့ဘက်တွေက နယ်မြေမငြိမ်တော့ အသွားအလာသိပ်လုပ်လို့မရဘူး။ပေါက်ခေါင်းကနေအုတ်တွင်းကိုသွားတဲ့ ရိုးမတောင်တွေကိုဖြတ်ပြီးသွားရတဲ့ ပဲခူးရိုးမလမ်းကနေ အတွင်းကို (၉)မိုင်လောက်ဝင်ရတဲ့ရွာပါ။ သွားလာရေးခုကာလမလွယ်ဘူး။” လို့ ပေါက်ခေါင်းမြို့ဒေသခံတယောက်ကပြောပါတယ်။ မီးလောင်ကျွမ်းခဲ့တဲ့နေအိမ်တွေကတော့ သစ်၊ဝါးသုံးထားပြီးထရံကာအိမ်တွေများပြီး ဆိုင်ကယ်အချို့လည်းမီးလောင်ကျွမ်းဆုံးရှုံးမှုရှိခဲ့တယ်လို့သိရပါတယ်။ ပဲခူးရိုးမဘက်ခြမ်းမှာ နစကတပ်တွေနဲ့နယ်မြေခံpdf တွေအကြား မကြာခဏတိုက်ပွဲတွေဖြစ်ပွားလေ့ရှိတဲ့အတွက် ဒေသခံတွေသွားလာမလွယ်တဲ့အခြေအနေတွေဖြစ်ပါတယ်။ ဇူလိုင် ၁၀ ရက်တုန်းကလည်း ပေါက်ခေါင်းမြို့နယ်၊ကြိုပင်ဝိုင်းအုပ်စု၊ရွှေကူရွာနေ အုပ်ချုပ်ရေးမှူး ဝင်းနိုင် သေနတ်နဲ့ပစ်သတ်ခံခဲ့ရပါတယ်။ #Voiceofmyanmar #vom #ပေါက်ခေါင်း #ပဲခူးရိုးမ #အိမ်၁၅လုံးမီးလောင် #လူနှစ်ယောက်သေ

  ဩဂုတ် ၁ – ၂၀၂၄ SN (VOM) တနင်္သာရီတိုင်း၊ တနင်္သာရီမြို့နယ်မှာ စံချိန်တင် ရေကြီးနေပြီး စစ်ရေးလည်း တင်းမာနေတာကြောင့် ကူညီကယ်ဆယ်ရေး အခက်တွေ့နေရတယ်လို့ လူမှုကူညီရေးအသင်း‌တွေဆီက သိရပါတယ်။ တနင်္သာရီမြို့နယ်ရှိ တချို့နေရာတွေမှာ ရွာလုံးကျွတ်နီးပါး ရေဘေးလွတ်ရာရှောင်တိမ်းနေရတယ်လို့ သိရပြီး ရေဘေးသင့်တဲ့ရွာခံတွေအတွက် စားနပ်ရိက္ခာနဲ့ ဆေးဝါးပြတ်လပ်တာတွေအပြင် သောက်ရေရဖို့တောင် ခက်ခဲနေတဲ့ ဒေသတွေလည်း ရှိတယ်လို့ သိရပါတယ်။ “လတ်တလော စစ်ရေးအခြေအနေကြောင့် လမ်းပန်းဆက်သွယ်ရေးက သွားလို့လာလို့မရတဲ့ အနေအထားဖြစ်နေတယ်။ ကျေးရွာများဘက်ကို ရောက်ဖို့က မလွယ်ဘူး။ နောက်ပြီး ရိက္ခာသယ်ယူခွင့် အကန့်အသတ်တွေလည်း ရှိနေတော့ အဆင်မပြေဘူး ဖြစ်နေတယ်” လို့ ဒေသအခြေစိုက် လူမှုကူညီရေးအသင်း တာဝန်ရှိသူက ပြောပါတယ်။ အဲဒီဒေသမှာ ပြီးခဲ့တဲ့ ဇူလိုင် ၂၄ ရက်နေ့မှစတင်ကာ တနင်္သာရီမြစ်ရေ မြင့်တက်မှုကြောင့် မြို့ပေါ်ရပ်ကွက်တွေနည်းအတူ ကျေးရွာ ၁၀ ရွာထက်မနည်း…