Month: September 2024

ကိဗ်ယက်၊ စက်တင်ဘာ-၂၂-၂၀၂၄မျိုးဆက်(VOM)ရုရှားတပ်ဖွဲ့တွေအတွက် အရေးပါတဲ့ လက်နက်ထောက်ပံ့ပို့ဆောင်ရေးစခန်းဖြစ်တဲ့ လက်နက်သိုလှောင်ရုံတခုကို တိုက်ခိုက်ဖျက်ဆီးခဲ့ကြောင်း ယူကရိန်းစစ်တပ်က ပြောပါတယ်။ရုရှားတောင်ပိုင်း ခရက်စ်နိဒါဒေသရှိ လက်နက်သိုလှောင်ရုံဟာ ရုရှားရဲ့ အကြီးဆုံး လက်နက်သိုလှောင်ရေးစခန်း သုံးခုထဲက တခုဖြစ်တယ်လို့ ယူကရိန်းစစ်ဦးစီးချုပ်က ပြောပါတယ်။တိုက်ခိုက်မှုကြောင့် ဖြစ်ပွားခဲ့တဲ့ ပေါက်ကွဲမီးလောင်မှုတွေကို အေပီသတင်းဌာနကလည်း တင်ပြထားပါတယ်။ အဲဒီလက်နက်သိုလှောင်ရုံကို တိုက်ခိုက်ချိန်မှာတော့ မြောက်ကိုရီးယားက ပေးပို့ထားတာတွေအပါအဝင် လက်နက်ခဲယမ်းမီးကျောက် တန်ချိန် ၂၀၀၀ ရှိနေတယ်လို့ ယူကရိန်းကပြောပါတယ်။ဒီတိုက်ခိုက်မှုအတွင်း လူအသေအပျောက်မရှိကြောင်းနဲ့ သိုလှောင်ရုံအနီးက လူ ၁၂၀၀ ကို ဘေးလွတ်ရာ ရွှေ့ပြောင်းပေးခဲ့ရတယ်လို့ ခရက်စ်နိုဒါဒေသ အုပ်ချုပ်ရေးမှူးက ပြောပါတယ်။ယူကရိန်းတပ်တွေဟာ ရုရှားအနောက်မြောက်ပိုင်းက လက်နက်သိုလှောင်ရုံတခုကိုလည်း တိုက်ခိုက်ခဲ့ကြောင်း မကြာသေးမီက ထုတ်ပြန်ထားပါတယ်။ ယူကရိန်းဟာ ရုရှားတပ်တွေရဲ့ ထောက်ပံ့ပို့ဆောင်ရေးလမ်းကြောင်းတွေကို တိုက်ခိုက်ပြီး ချိနဲ့အောင်လုပ်ဆောင်နေကြောင်း စောင့်ကြည့်လေ့လာသူတွေက သုံးသပ်ပါတယ်။လာမယ့်သီတင်းပတ်အတွင်းမှာတော့ ယူကရိန်းသမ္မတ ဇီလန်စကီးဟာ အမေရိကန်ကို သွားရောက်ပြီး သမ္မတဂျိုးဘိုင်ဒင် ၊ ဒုသမ္မတ ကမလာဟားရစ်တို့နဲ့…

တီဟီရန်၊ စက်တင်ဘာ-၂၂-၂၀၂၄ ရတီ (VOM) အရှေ့အလယ်ပိုင်းဒေသ တင်းမာမှုတွေမြင့်တက်နေချိန်မှာ အီရန်ဟာ မြို့တော်တီဟီရန် စစ်ရေးပြပွဲပြုလုပ်နေပြီး အစ္စရေးအနေနဲ့ ဒေသတွင်းမှာ နောက်ထပ် ရာဇဝတ်မှုတွေ မကျူးလွန်ဖို့ အီရန်သမ္မတ မာဆွတ်ပီဇက်ရှကီယန်က သတိပေးလိုက်ပါတယ်။ ၁၉၈၀ ခုနှစ်ကဖြစ်ပွားခဲ့တဲ့ အီရန်-အီရတ် စစ်ပွဲ နှစ်ပတ်လည်နေ့တိုင်း အီရန်ဟာ နိုင်ငံတဝန်းမှာ စစ်ရေးပြပွဲတွေကို နှစ်စဉ်ပြုလုပ်လေ့ရှိပါတယ်။ စည်းလုံးညီညွှန်မှုရှိနေရင် အစ္စရေးဟာ ဒေသတွင်းမှာ ရာဇဝတ်မငတွေ ကျူးလွန်နိုင်မှာမဟုတ်ဘူးလို့ သမ္မတက သူ့ရဲ့မိန့်ခွန်းမှာ ပြောပါတယ်။ လက်ရှိစစ်ရေးပြပွဲမှာတော့ အီရန်စစ်တပ်ဟာ ဒုံးကျည်တွေ၊ တင့်တားတွေနဲ့ အသေခံဒရုန်းအမျိုးအစားသစ်တွေကို ထုတ်ဖော်ပြေသခဲ့ပါတယ်။ Shahed-136B ဒရုန်းအမျိုးအစားဟာ ကီလိုမီတာ ၄၀၀ ကျော်ထိ ပျံသန်းတိုက်ခိုက်နိုင်တယ်လို့ ဆိုပါတယ်။ ဟားမတ်စ်ခေါင်းဆောင် အစ္စမေးလ်ဟာနီယာ အီရန်နိုင်ငံ မြို့တော်တီဟီရန်မှာ ဇူလိုင်လအတွင်းက လုပ်ကြံသတ်ဖြတ်ခံရမှုအပေါ် အစ္စရေးကို လက်တုံ့ပြန်မယ်လို့ အီရန်က ကတိပြုပြောဆိုထားပါတယ်။ မကြာသေးမီက ဟဇ်ဘိုလာအဖွဲ့အခြေစိုက်ရာ လက်ဘနွန်မှာ…

Voice of Myanmarအီရတ်တပ်များသည် အီရန်နှင့် နှစ်နိုင်ငံ ပူးတွဲနယ်စပ်ကို ကျူးကျော်ဝင်ရောက်ခဲ့သည့် ၁၉၈၀ ခုနှစ် စက်တင်ဘာ ၂၂ ရက်တွင် အီရန်-အီရတ်စစ်ပွဲ စတင်ခဲ့ပြီး ၁၉၈၈ ခုနှစ်များထိ စစ်ပွဲဆက်လက်ဖြစ်ပွားခဲ့ကာ ၁၉၉၀ ခုနှစ်၌ တရားဝင် ငြိမ်းချမ်းရေးသဘောတူညီချက်ကို လက်မှတ်ရေးထိုးခဲ့ကြသည်။

ဘရပ်ဆဲလ်၊ စက်တင်ဘာ-၂၁-၂၀၂၄ရတီ(VOM)ဥရောပသမဂ္ဂ (အီးယူ) အနေနဲ့ ထိန်းချုပ်ထားတဲ့ ရုရှားရဲ့ပိုင်ပိုင်မှုတွေကနေ ရရှိတဲ့ငွေတွေကို အသုံးပြုပြီး ယူကရိန်းအတွက် ဒေါ်လာ ၃၉ ဘီလီယံ ထုတ်ချေးမယ်လို့ ဥရောပကော်မရှင်ဥက္ကဌက ကြေညာလိုက်ပါတယ်။ဥရောပကော်မရှင်ဥက္ကဌ ဗွန်ဒါလီယန်ဟာ ယူကရိန်းသမ္မတ ဇီလန်စကီးနဲ့ ကိဗ်ယက်မှာတွေ့ဆုံဆွေးနွေးပြီးနောက် ပူးတွဲသတင်းစာရှင်းလင်းပွဲမှာ အခုလို ကြေညာလိုက်တာဖြစ်ပါတယ်.ဒီချေးငွေဟာ ယူကရိန်းအတွက် ဝန်ထုတ်ဝန်ပိုးမဖြစ်စေဖို့အတွက် ခေတ္တထိန်းသိမ်းထားတဲ့ ရုရှားရဲ့ ပိုင်ဆိုင်မှုတွေရလာတာတွေကို အသုံးပြုမယ်လို့ ဥရောပကော်မရှင်ဥက္ကဌကဆိုပါတယ်။ ချေးငွေနဲ့ပတ်သက်ပြီး ဇွန်လအတွင်းက ပြုလုပ်တဲ့ ဂျီ-၇ ထိပ်သီးဆွေးနွေးပွဲမှာ သဘောတူခဲ့ကြတာဖြစ်ပါတယ်။ဒါဟာ ကြီးမားတဲ့ ခြေလှမ်းတရပ်လို့ ကော်မရှင်ဥက္ကဌ ဗွန်ဒါလီယန်က ဆိုပါတယ်။ ရုရှားအနေနဲ့ ပျက်စီးဆုံးရှုံးတွေ ပြန်လည်တည်ဆောက်ရေးအတွက် ပေးဆောင်ရမယ်လို့ သူကပြောပါတယ်။ဒီချေးငွေတွေကို စွမ်းအင်နဲ့ ကာကွယ်ရေးကိစ္စတွေမှာ အဓိကအသုံးပြုမယ်လို့ ယူကရိန်းသမ္မတ ဇီလန်စကီးက ပြောပါတယ်။လက်ရှိမှာတော့ ယူကရိန်းနိုင်ငံတဝန်းမှာ လျှပ်စစ်ဓါတ်အား ပြတ်တောက်မှုတွေနဲ့ အကြီးအကျယ် ရင်ဆိုင်နေရပါတယ်။သမ္မတ ဇီလန်စကီးဟာ လာမယ့်သီတင်းပတ်မှာ အမေရိကန်ကို သွားရောက်မှာဖြစ်ပြီး…

တိုကျို၊ စက်တင်ဘာ-၂၁-၂၀၂၄မျိုးဆက်(VOM)ဂျပန်နိုင်ငံတွင် မိုးသည်းထန်စွာရွာသွန်းပြီး ရေကြီးရေလျှံမှုတွေဖြစ်နိုင်ကြောင်း အမြင့်ဆုံး သတိပေးချက် ထုတ်ပြန်ပြီးနောက် နိုင်ငံအလယ်ပိုင်း မြို့ကြီးနှစ်မြို့ရှိ လူထောင်ပေါင်းများစွာကို ဘေးလွတ်ရာပြောင်းရွှေ့ရန် အာဏာပိုင်များက အမိန့်ထုတ်လိုက်ပါတယ်။ဂျပန်မိုးလေဝသအေဂျင်စီဟာ အိုင်ရှီကာဝါစီရင်စု ဒေသအတော်များများမှာ မိုးကြီးပြီး ရေလျှံမယ်လို့ သတိပေးထုတ်ပြန်ထားပါတယ်။ စီရင်စုရှိ မြစ်နှစ် ၁၂ စင်းဟာ မြစ်ကမ်းပါးတွေ ရေလျှံနေပြီလို့ တာဝန်ရှိသူတွေက ပြောပါတယ်။မိုးကြီးပြီး ရုတ်တရက်ရေကြီးနိုင်ခြေကြောင့် ဝါဂျီမာမြို့ရှိ လူဦးရေ ၁၈၀၀၀ နဲ့ ဆူဇူမြို့က ဒေသခံ ၁၂၀၀၀ တို့ကို ယာယီစခန်းတွေမှာ ခိုလှုံဖို့ အာဏာပိုင်တွေက ညွှန်ကြားထားပါတယ်။မိုးသည်းထန်စွာရွာသွန်းမှုကြောင့် ဝါဂျီမာမြို့မှာ လူတယောက်ပျောက်ဆုံးနေပြီး ဆူဇူမြို့နဲ့ ဝါဂျီမာမြို့ကနေ အရေးပေါ်ကယ်ဆယ်ရေးဖုန်းတွေ ခေါ်ဆိုမှုများစွာရှိနေတယ်လို့ တာဝန်ရှိသူတွေက ပြောပါတယ်။ဒီနေ့မွန်းလွဲပိုင်းထိ အိုင်ရှီကာဝါစီရင်စုမှာ အိမ်ထောင်စုပေါင်း ခြောက်ထောင်နီးပါး လျှပ်စစ်ဓါတ်အား ပြတ်တောက်နေကြောင်း တာဝန်ရှိသူများကပြောပါတယ်။ မိုးသည်ထန်စွာရွာသွန်းပြီးနောက်မှာ အိုင်ရှီကာဝါ၊ ယာမာဂါနာနဲ့နီဂါတာစီရင်စုတို့မှာ မြေပြိုမှု သတိပေးချက်တွေကိုလည်း အာဏာပို်ငတွေက ထုတ်ပြန်ထားပါတယ်။လာမယ့်…