Year: 2024

ဝါရှင်တန်၊ ဒီဇင်ဘာ-၁၂-၂၀၂၄ရတီ(VOM)အမေရိကန်သမ္မတ ဒေါ်နယ်ထရန့်ဟာ သူ့ရဲ့သမ္မတကျမ်းသစ္စာကျိန်ဆိုပွဲကို တက်ရောက်ဖို့ တရုတ်သမ္မတ ရှီကျင်းပင်ကို ဖိတ်ကြားခဲ့တယ်လို့ အစိုးရသတင်းရင်းမြစ်တွေကို ကိုးကားပြီး စီဘီအက်စ် သတင်းဌာနက ရေးသား ဖော်ပြထားပါတယ်။ဒီဖိတ်ကြားမှုကို နိုဝင်ဘာ ၅ ရက်သမ္မတရွေးကောက်ပွဲအပြီး များမကြာခင်မှာ ပေးပို့ခဲ့တာဖြစ်ပြီး ဇန်နဝါရီ ၂၀ ရက်မှာပြုလုပ်မယ့် ထရန့်ရဲ့ ကျမ်းသစ္စာကျိန်ဆိုပွဲကို တက်ရောက်ဖို့ကို တရုတ်ဘက်က လက်ခံခြင်းရှိမရှိ ရှင်းလင်းစွာ မသိရသေးပါဘူး။ဝါရှင်တန်ရှိ တရုတ်သံရုံးကလည်း ဒီကိစ္စကိုမှတ်ချက်ပြုပြောဆိုတာမျိုးမရှိသေးပါဘူး။ တရုတ်သမ္မတရှီကျင်းပင်နဲ့ အလွန်ကောင်းမွန်းတဲ့ ဆက်ဆံရေးရှိပြီး မကြာသေးမီကလည်း အဆက်အသွယ်ရှိတယ်လို့ ဒေါ်နယ်ထရန့်က သောကြာနေ့ကပြုလုပ်တဲ့ စီဘီအက်စ်နဲ့ တွေ့ဆုံမေးမြန်းခန်းမှာ ပြောပါတယ်။ထရန့်ဟာ တရုတ်နဲ့ဆက်ဆံရေးအမေရိကန်ရဲ့ ပထဝီနိုင်ငံရေးပြိုင်ဘက်ဖြစ်တဲ့ တရုတ်နိုင်ငံရဲ့ ခေါင်းဆောင်တယောက်ဟာ အမေရိကန်သမ္မတ ကျမ်းသစ္စာကျိန်ဆိုပွဲကို တက်ရောက်ခဲ့တာမျိုးမရှိသေးပါဘူး။တရုတ်နိုင်ငံက ဖန်တနိုင်းမူးယစ်ဆေးတွေ အမေရိကန်ကို မှောင်လိုလုပ်တာတွေကို မတားဆီးမထိန်းချုပ်နိုင်ဘူးဆိုရင် တရုတ်သွင်းကုန်တွေအပေါ် အခွန် ၁၀ ရာခိုင်နှုန်းကောက်မယ်လို့ ရွေးကောက်ခံသမ္မတ ထရန့်က ခြိမ်းခြောက်ထားပါတယ်။ဒီကိစ္စကြောင့် အခွန်တိုးကောက်တာဟာ…

Read More

ဒီဇင်ဘာ-၁၁-၂၀၂၄ ZY(VOM) အောင်ပန်း-ကလော-သာစည်လမ်းမကြီးရှိ ကျွဲတပ်ဆုံစစ်ဆေးရေးဂိတ်မှာ လမ်းပိတ်ဆို့မှုဖြစ်ပွားနေလို့ ရှမ်းပြည်နယ်တောင်ပိုင်းဒေသက ထွက်ရှိတဲ့ အထားမခံတဲ့ကုန်စိမ်းတွေဟာ အခုဒီဇင်ဘာလ၊ ဒုတိယပါတ်အတွင်း ဈေးဆက်တိုက်ကျဆင်းလာနေတယ်လို့ ကုန်သည်တွေထံကနေ သိရပါတယ်။ ရှမ်းပြည်နယ်တောင်ပိုင်းဒေသက ထွက်ရှိတဲ့ ကုန်စိမ်းတွေကို ရှမ်းပြည်နယ်မြောက်ပိုင်း ကားလမ်းကြောင်း တွေကနေ တင်ပို့ဖို့ အဆင်မပြေသေးတဲ့အတွက် ရှမ်းတောင် လမ်းကြောင်းတစ်ခုတည်းကိုသာ အဓိကထား အသုံးပြုနေရပြီး လက်ရှိမှာ ပြောင်းဆံ သယ်ယူတဲ့ ကားတွေ အလွန်များပြားနေတာကြောင့် ယာဉ်ကြောပိတ် နေတာဖြစ်တယ်လို့ သိရပါတယ်။ “ကားက အရမ်းများတာရယ်၊ အစစ်အဆေးကလည်း တော်တော်လေးများတယ်။ ဒါကြောင့် လမ်းက ပိတ်နေတာ။ လမ်းမှာပဲ ကြာနေတော့ ကုန်စည်စီးဆင်းမှုက နှေးကွေးလာပြီး ကုန်စိမ်းတွေ စျေးကျဆင်းလာတာ။ ဒီအတိုင်းဆိုရင် နောက် တစ်ပါတ်၊ နှစ်ပါတ်လောက်အထိ ဈေးထပ်ကျနိုင်သေးတယ်”လို့ ကုန်သည်တယောက်က VOMကို ပြောပါတယ်။ အဲဒီလို လမ်းကြောပိတ်ဆို့နေတာကြောင့် ရှမ်းပြည်နယ်တောင်ပိုင်းကနေ တင်ပို့တဲ့ မုံညှင်း၊ ဘိုစားပဲ၊…

Read More

ဒီဇင်ဘာ ၁၁ – ၂၀၂၄ SN (VOM) ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက် ပြင်းထန်နေပြီး မြို့လုံးကျွတ်နီးပါး စစ်ဘေး တိမ်းရှောင်လျက်ရှိတယ်လို့ ဒေသခံတွေဆီက သိရပါတယ်။ ဗန်းမော်မြို့မှာ ပြီးခဲ့တဲ့ ဒီဇင်ဘာ ၄ ရက်နေ့မှစတင်ကာ နစကတပ်နဲ့ ကချင်လွတ်လပ်ရေးတပ်မတော် (KIA) ပူးပေါင်းတပ်တွေ တိုက်ပွဲဖြစ်ပွားနေတာဖြစ်ပြီး ဒေသခံ မြို့လုံးကျွတ်နီးပါး စစ်ရှောင်လျက်ရှိကြသလို သက်ကြီးရွယ်အိုတွေ၊ ကျန်းမာရေး မကောင်းသူတွေနဲ့ ပြောင်းရွှေ့ဖို့ ငွေကြေးမတတ်နိုင်သူတချို့အပါအဝင် အရပ်သား တထောင်ဝန်းကျင်လောက် မြို့ထဲမှာ ကျန်ရှိနေသေးတယ်လို့ သိရပါတယ်။ “ဒီနေ့နဲ့ဆို တိုက်ပွဲက ရှစ်ရက်ရှိလာပြီ။ မြို့ထဲနေရာ တော်တော်များများလည်း မီးလောင်နေတယ်။ ဗန်းမော်ဈေးကြီးလည်း မီးလောင်သွားပြီ။ ရဲစခန်းဘက်ရော၊ ၃ မိုင်ရပ်ကွက်ဘက်က နေအိမ်တချို့ရော၊ ၂ မိုင် ဟင်းခြံဘက်ရှိ နေအိမ်တချို့ရော မီးလောင်နေတယ်။ မြို့ထဲကလူတွေကတော့ ရတဲ့လမ်းကနေ ရသလောက် ထွက်နေကြတာပဲ”…

Read More

ZY(VOM)ဒီဇင်ဘာ ၁၁၊ ၂၀၂၄ရှမ်းပြည်နယ်တောင်ပိုင်း၊ တောင်ကြီးမြို့မှာ မှတ်ပုံတင်သွားရောက်ပြုလုပ်တဲ့ ရှမ်းပြည်နယ်မြောက်ပိုင်းက စစ်ဘေးရှောင်၊ မှတ်ပုံတင် လဲလှယ်သူတွေ၊ အိမ်ထောင်စုဇယားပြုလုပ်သူတွေအနေနဲ့ သတ်မှတ်ထားတဲ့ ငွေကြေးထက် ပိုမိုတောင်းယူတာ ခံနေရတယ်လို့ သတင်းရင်းမြစ်တွေထံကနေ သိရပါတယ်။လားရှိုးမြို့မှာ အရင်က ဖွင့်လှစ်ထားတဲ့ စုပေါင်းရုံးကို တိုက်ပွဲဖြစ်ပွားမှုတွေကြောင့် တောင်ကြီးမြို့ကို ပြောင်းရွေ့ဖွင့်လှစ်ထားတာဖြစ်ပြီး လက်ရှိမှာ အသက်ပြည့်မှတ်ပုံတင်လဲလှယ်သူတွေ၊ မှတ်ပုံတင်နဲ့ အိမ်ထောင်စုဇယား အသစ် ပြုလုပ်သူတွေ၊ ပျောက်ဆုံးမှတ်ပုံတင်နဲ့ အိမ်ထောင်စုဇယား ပြန်လျှောက်သူတွေကို ငွေကြေးသိန်းနဲ့ချီတောင်းခံနေတယ်လို့ ဆိုပါတယ်။“လားရှိုးလဝကရုံးကို တောင်ကြီးမြို့အထွက်နားက မြန်မာနိုင်ငံဆရာဝန်များအသင်းရုံးမှာ ပြောင်းဖွင့်ထားတာ။ လူတွေကတော့ အရင်လားရှိုးရုံးက လူတွေပဲ။ တောင်ကြီးလဝကရုံးမှာ ပေးရတာတော့ မဟုတ်ဘူး။ အရင်က လားရှိုးမှာ လုပ်တုန်းက သောင်းဂဏန်းလောက်ပဲကုန်တယ်။ အခုက သိန်းနဲ့ချီတောင်းနေတာ။ မပေးနိုင်ရင် အချိန်ဆွဲထားပြီး တော်တော်နဲ့ မလုပ်ပေးဘူး”လို့ သတင်းရင်းမြစ်တယောက်က VOMကို ပြောပါတယ်။အဲဒီလဝကရုံးမှာ အထက်ပါကိစ္စတွေသွားရောက်ပြုလုပ်သူတွေအနေနဲ့ ငွေကျပ်၃သိန်းအထိ တောင်းယူခံနေရတာကြောင့် အခက်အခဲဖြစ်နေရသလို အချိန်ကြန့်ကြာအောင်…

Read More

ဒီဇင်ဘာ ၁၀ – ၂၀၂၄SS (VOM)ဖလမ်းမြို့တွင်း တိုက်ပွဲကြောင့် ကလေး – ဟားခါးယာဉ်လိုင်း ကားခ သုံးဆနီးပါး မြင့်တက်လာတယ်လို့ အဲဒီလမ်းပိုင်း အသုံးပြုတွေဆီက သိရပါတယ်။တိုက်ပွဲကြောင့် ကလေး – ဟားခါး ယာဉ်လိုင်းတွေကို တလနီးပါးကြာ ရပ်နားခဲ့ရာမှ ပြီးခဲ့တဲ့ နိုဝင်ဘာလ ၂၇ ရက်နေ့မှစတင်ကာ ယာဉ်လိုင်း တလိုင်းတည်းကသာ ရိဒ်လမ်းဘက်မှပတ်ပြီး ပြန်လည် ပြေးဆွဲပေးနေတာဖြစ်တယ်လို့ သိရပါတယ်။“ကားခက အရင်က ဖလမ်းပေါက်တုန်းက တယောက်ကို ကျပ် တသိန်းနှစ်သောင်း။ အခုကတော့ ကျပ် သုံးသိန်းပါ။ ရိဒ်လမ်းက လမ်းလည်းကြမ်းတယ်၊ ဝေးလည်းဝေးတယ်ဆိုတော့ ကားခဈေးတက်သွားတာ” လို့ ဒေသခံတယောက်က ပြောပါတယ်။လက်ရှိ ပြေးဆွဲပေးနေတဲ့ ယာဉ်လိုင်းဟာလည်း တပတ်မှာ နှစ်ကြိမ်လောက်သာ ပြေးဆွဲပေးနေတာဖြစ်သလို လမ်းခရီး အခြေအနေအရ လမ်းမှာ တညအိပ်ပြီး သွားလာနေရတယ်လို့ ကားသမားတယောက်က ပြောပါတယ်။“ဒီခရီးက အရင်က ဖလမ်းကနေသွားရင်…

Read More

ZY(VOM)ဒီဇင်ဘာ ၁၀၊ ၂၀၂၄ရှမ်းပြည်နယ်မြောက်ပိုင်း၊ ကွမ်းလုံနဲ့ သိန္နီလမ်းပိုင်းမှာ ဒီဇင်ဘာလ ၈ရက်၊ နေ့လည်ပိုင်းအချိန်က လက်နက်ခဲယမ်း သယ်ဆောင်လာတဲ့ ကိုးကန့်တပ်ရဲ့ ကားတစီး မီးလောင်ပေါက်ကွဲမှု ဖြစ်ပွားခဲ့ပြီး လူ ငါးယောက်သေဆုံးခဲ့တယ်လို့ ဒေသတွင်းသတင်းဌာန “ဝ” လူငယ့်အသံထံကနေ သိရပါတယ်။ပြီးခဲ့တဲ့ ဒီဇင်ဘာ ၈ ရက်၊ နေ့လည် ၁၂ နာရီ ၂၆ မိနစ်ဝန်းကျင်က ကိုးကန့်တပ်ရဲ့ ကားတစီးဟာ ကွမ်းလုံနဲ့ သိန္နီ လမ်းမပေါ်ရှိ နားတီးဂိတ်မှာ မီးလောင်ပေါက်ကွဲခဲ့တာဖြစ်ပြီး ကားပေါ်မှာ လူ သုံးယေက်၊ ဂိတ်အနီးရှိ လူနှစ်ယောက် သေဆုံးခဲ့သလို ကားပေါ်ပါ တယောက်လည်း ဒဏ်ရာပြင်းထန်စွာ ရရှိခဲ့တယ်လို့ သိရပါတယ်။“သတင်းကတော့ ကြားရတယ်။ ဘာမှထုတ်ပြန်လာတာ မတွေ့ရသေးဘူး။ ငါးယောက်သေတာကတော့ သေချာပါတယ်။ ကျန်တယောက်ကလည်း အသက်အန္တရာယ်စိုးရိမ်ရတယ်”လို့ ဒေသခံတယောက်က VOMကို ပြောပါတယ်။မီးလောင်ပေါက်ကွဲတဲ့ ဖြစ်စဥ် ဖြစ်ပွားပြီးနောက် ကွမ်းလုံ၊ သိန္နီ…

Read More