Year: 2024

  Voice of Myanmar အီရတ်တပ်ဖွဲ့ဝင် တသိန်းသည် ၁၉၉၀ ခုနှစ် ဩဂုတ် ၂ ရက်တွင် ကူဝိတ်ကို ကျူးကျော်တိုက်ခိုက်ခဲ့ပြီး တပ်ဖွဲ့ဝင်များ ရုပ်သိမ်းရန် သမ္မတဆက်ဒမ်ဟူစိန်က ငြင်းဆိုပြီးနောက် အမေရိကန်ဦးဆောင်သည့် နိုင်ငံတကာတပ်ဖွဲ့များက အီရတ်ကို အလျင်အမြန် ချေမှုန်းအနိုင်ယူခဲ့သည့် ပါရှန်ပင်လယ်ကွေ့စစ်ပွဲ စတင်ခဲ့လေသည်။ #Voiceofmyanmar #VOM #ThisDayInHistory #August2

  ဝါရှင်တန်၊ ဩဂုတ်-၂-၂၀၂၄ မျိုးဆက်(VOM) စစ်အေးခေတ်နောက်ပိုင်း ရုရှားနဲ့ အနောက်အုပ်စုနိုင်ငံများအကြား အကြီးမားဆုံး အကျဉ်းသားလဲလှယ်မှုကို ဩဂုတ် ၁ ရက်အစောပိုင်းက ပြုလုပ်ခဲ့ပြီး စုစုပေါင်း အကျဉ်းသား ၂၄ ယောက် ပြန်လည်လွတ်မြောက်ခဲ့ကြောင်း အမေရိကန်က အတည်ပြုပါတယ်။ ဝေါလ်စရိဂျာနယ်သတင်းထောက် အီဗန်ဂါရှ်ကိုဗစ်ချ်အပါအဝင် အမေရိကန်နဲ့ ဥရောပနိုင်ငံတွေမှ အကျဉ်းသား ၁၆ ယောက်ကို ရုရှားက ပြန်လွှတ်ပေးခဲ့ပြီး အပြန်အလှန်အားဖြင့် အမေရိကန်၊ နော်ဝေး၊ ဂျာမနီ၊ ပိုလန်နဲ့ စလိုဗေးနီးယားအကျဉ်းထောင်တွေရှိ ရုရှားအကျဉ်းသား ရှစ်ယောက်ကို ပြန်လွှတ်ပေးခဲ့ပါတယ်။ သူတို့ထဲမှာ ထောက်လှမ်းရေးလုပ်ဆောင်မှုများကြောင့် ဖမ်းဆီးခံရတဲ့ ရုရှားထောက်လှမ်းရေးတွေလည်းပါဝင်ပြီး တူရကီနိုင်ငံ အန်ကာရာလေဆိပ်မှာ အကျဉ်းသားချင်း ဖလှယ်ခဲ့ကြတာဖြစ်ပါတယ်။ ရုရှားဘက်က လွှတ်ပေးလိုက်သူတွေထဲမှာ အမေရိကန်ဝါရင့် မရိန်တပ်သား ပေါလ်ဝီလန်၊ ရုရှား-အမေရိကန် သတင်းထောက် အယ်ဆူကူမာရှီဗာ၊ ရုရှား-ဗြိတိန် တက်ကြွလှုပ်ရှားသူ ဗလာဒီမာကာရာမာဇာတို့ ပါဝင်ကြောင်း အမေရိကန်သမ္မတ ဂျိုးဘိုင်ဒင်က…

  ဘေရွတ်၊ ဩဂုတ်-၂-၂၀၂၄ မျိုးဆက်(VOM) အစ္စရေးရဲ့ လေကြောင်းကနေ ပစ်မှတ်ထားတိုက်ခိုက်မှုကြောင့် ဟဇ်ဘိုလာ ထိပ်တန်းတပ်မှူး ဖော့ဒ်ရှူကရာ သေဆုံးသွားပြီးနောက် အစ္စရေးပဋိက္ခဟာ အဆင့်သစ်တခုရောက်သွားပြီဖြစ်ကြောင်း ဟဇ်ဘိုလာခေါင်းဆောင်က သတိပေးလိုက်ပါတယ်။ အစ္စရေးစစ်တပ်ရဲ့ အဆိုအရ ရှူကရာဟာ ပြီးခဲ့တဲ့ စနေနေ့က ဂိုလန်ကုန်းမြင့်ရှိ ဘောလုံးကွင်းမှာ ကလေးငယ်တွေနဲ့ ဆယ်ကျော်သက် ၁၂ ယောက်သေဆုံးခဲ့တဲ့ တိုက်ခို်ကမှုအတွက် တာဝန်ရှိတယ်လို့ ဆိုပါတယ်/ သူဟာ ဩဇာညောင်းပြီး ကာလရှည်ကြာ ဟဇ်ဘိုလာခေါင်းဆောင်ဖြစ်နေတဲ့ အယ်လ်ဟာ့ဂျ်မိုဆင်လို့ လူသိများတဲ့ ဟတ်ဆန်နာစရယ်လာရဲ့ အနီးကပ်အကြံပေးတယောက်လည်းဖြစ်ပါတယ်။ ဟဇ်ဘိုလာတို့ကတော့ အနီးနားရှိ အစ္စရေးစစ်အခြေစိုက်စခန်းကို တိုက်ခိုက်ခဲ့ပြီး ဒီဖြစ်စဉ်မှာ ပါ-ဝင်ပတ်သက်တာမရှိဘူးလို့ ငြင်းဆိုထားပါတယ်။ ဒါဟာ ပစ်မှတ်လွဲသွားတာဖြစ်နိုင်တယ်လို့ ထင်ကြေးပေးမှုတွေလည်း ထွက်ပေါ်လာပါတယ်။ “အစ္စရေးနဲ့ ပဋိပက္ခက အဆင့်သစ်ကို ရောက်သွားပြီ။ ရန်သူက မျဉ်းနီကိုဖြတ်လာတာကြောင့် ရှောင်လွှဲမရတဲ့ တုံ့ပြန်မှုကို စောင့်ရမယ်”လို့ ဟဇ်ဘိုလာခေါင်းဆောင် ဟတ်ဆန်နာစရယ်လာက ပြောပါတယ်။…

  တိုကျို၊ ဩဂုတ်-၂-၂၀၂၄ မျိုးဆက်(VOM) ဂျပန်နိုင်ငံမှာ ပြီးခဲ့တဲ့ဇူလိုင်လာဟာ နှစ်ပေါင်း ၁၂၆ နှစ်အတွင်း နိုင်ငံရဲအပူပြင်းဆုံးလအဖြစ် မှတ်တမ်းဝင်ခဲ့ကြောင်း ဂျပန်မိုးလေဝသအေဂျင်စီက ပြောပါတယ်။ ပစိဖိတ်သမုဒ္ဒရာမှာဖြစ်ပေါ်နေတဲ့ ရာသီဥတုအခြေအနေဟာ ဇူလိုင်လမှ ပိုမိုပြင်းထန်လာပြီး နိုင်ငံတဝန်း အပူချိန်များ မြင့်တက်ကာ အန္တရာယ်ရှိတဲ့ အဆင့်ထိ ရောက်ရှိခဲ့တယ်လို့ တာဝန်ရှိသူတွေက ပြောပါတယ်။ ဇူလိုင်လမှာ ဂျပန်တနိုင်ငံလုံးရဲ့ ပျှမ်းမျှအပူချိန်ဟာ ပုံမှန်ထက် ၂ ဒသမ ၁၆ ဒီဂရီစင်တီဂရိတ်ထိ မြင့်တက်ခဲ့ပြီး ဒါဟာ ၁၈၉၈ ခုနှစ်မှာ မှတ်တမ်းတွေ ထားရှိပြီးနောက်ပိုင်း အမြင့်ဆုံးဖြစ်ပါတယ်။ ဂျပန်တောင်ပိုင်း၊ ကာဂိုရှီးမားစီရင်စုရှိ အာမာမီဒေသနဲ့ အိုကီနာဝါစီရင်စုတို့မှာ ပျှမ်းမျှအပူချိန်ဟာ ၁၉၄၆ ခုနှစ်နောက်ပိုင်း အမြင့်ဆုံးဖြစ်ခဲ့ပါတယ်။ ဂျပန်အနောက်ပိုင်းနဲ့ မြောက်ပိုင်းဒေသတွေဟာလည်း အပူချိန် မြင့်တက် ဒုတိယမြောက် စံချိန်တင်ခဲ့ပါတယ်။ ကမ္ဘာကြီးပူနွေးလာမှု ဆက်လက်မြင့်တက်လာပါက ဂျပန်နိုင်ငံဟာ ထိခိုက်ခံစားရမယ့် နိုင်ငံတွေစာရင်းမှာ ထိပ်ဆုံးက…