Month: February 2026

ဖေဖော်ဝါရီ ၁၁ – ၂၀၂၆ SS (VOM) ကရင်ပြည်နယ်၊ ဖာပွန်မြို့အခြေစိုက် အစိုးရတပ်ရဲ့ စစ်ဗျူဟာအခြေချ (စဗခ – ၁) ဝန်းကျင်ကို ကရင်အမျိုးသား လွတ်မြောက်ရေးတပ်မတော် (KNLA) ပူးပေါင်းတပ်တွေက လက်ရှိအချိန်အထိ ဝိုင်းဝန်း ပိတ်ဆို့ထားဆဲဖြစ်ပြီး တိုက်ပွဲ ဆက်လက် ပြင်းထန်နေတယ်လို့ စစ်ရေး သတင်းရင်းမြစ်တွေက ပြောပါတယ်။ KNLA ပူးပေါင်း တပ်ဖွဲ့တွေဟာ ၂၀၂၄ ခုနှစ်၊ ဧပြီလ ၂၄ ရက်နေ့မှ စတင်ကာ ဖာပွန်ဗျူဟာကုန်းကို ဝိုင်းဝန်း ပိတ်ဆို့ထားခဲ့တာဖြစ်ပြီး ပြီးခဲ့တဲ့ ၂၀၂၅ ခုနှစ်၊ ဒီဇင်ဘာလ ၂၄ ရက်နေ့မှာတော့ အပြီးသတ် သိမ်းပိုက်နိုင်ရေး တကျော့ပြန် ထိုးစစ်ဆင် တိုက်ခိုက်နေခြင်း ဖြစ်တယ်လို့ သိရပါတယ်။ “လက်ရှိ တိုက်ပွဲ အခြေအနေကတော့ KNLA ဘက်က ထိုးစစ်အရှိန် မြှင့်ထားတယ်လို့ ပြောရမယ်။…

ဖေဖော်ဝါရီ ၁၁ ၊ ၂၀၂၆ GG (VOM) တနင်္သာရီတိုင်း ၊ မြိတ် – ထားဝယ်ကားလမ်းမှာ ဖြစ်ပွားနေတဲ့ စစ်ရေးအခြေအနေကြောင့် ကား လမ်းပိတ်နေပြီး ကားတွေ ရာနဲ့ချီပိတ်မိနေတယ်လို့ စုံစမ်းသိရှိ ရပါတယ်။ လက်ရှိမှာ မြိတ်ကနေ ထားဝယ်ကို အတက်လမ်းဖြစ်တဲ့ ပလောက်မြို့အကျော် ဆင်ထိုးရွာမှာ လမ်းပိတ်ထားသလို ထားဝယ်ကနေ မြိတ်ကိုအဆင်း သရက်ချောင်းမြို့ အကျော်ရှိ ပိတိုင်ရွာမှာလည်း လမ်းပိတ်ထားတာကြောင့် လမ်းတဖက်စီမှာ ကားတွေ ပိတ်မိနေတာ ဖြစ်တယ်လို့ သိရပါတယ်။ ” အခုထိ ပိတ်နေတုန်းပဲ ။ မြေပြင်အခြေအနေမှာ တိုက်ပွဲ ဖြစ်တာမျိုးက တအားကြီး မရှိဘူးလို့တော့သိရတယ်။ စစ်ရေးအခြေအနေအရ ပိတ်ထားတာလားတော့ မပြောတတ်ဘူး ။ ပိတ်ထားတာက ဒေသတွင်းလက်နက်ကိုင်အဖွဲ့ဘက်က ပိတ်ထားတာပါ။ ” လို့ ဒေသခံက ပြောပါတယ် ။ ဖေဖော်ဝါရီ ၈…

မန္တလေး၊ ဖေဖော်ဝါရီ- ၁၂-၂၀၂၆ Voice Of Myanmar ၂၀၂၆ ခုနှစ်အတွက် မန္တလေးတိုင်း တိုင်းရင်းသားစည်းလုံးညီညွတ်ရေးပါတီ(တစည)က ကြီးမှူးကျင်းပတဲ့ (၇၉ )နှစ်မြောက် ပြည်ထောင်စုနေ့ အခမ်းအနားကို မန္တလေး ချမ်းအေးသာစံမြို့နယ်မှာရှိတဲ့ မန္တလေးတိုင်း တစည ပါတီရုံးခန်းမမှာ ကျင်းပခဲ့ပါတယ်။ ဒီအခမ်းအနားမှာ တစညပါတီဗဟို ဥက္ကဌ ဦးဟန်ရွှေပေးပို့တဲ့ ၇၉ နှစ်မြောက် ပြည်ထောင်စုနေ့ သဝဏ်လွှာကို ဖတ်ကြားပြီးမန္တလေးတိုင်း တစည ပါတီ ဥက္ကဋ္ဌ ဒေါ်သောင်းသောင်းနု က မန္တလေးတိုင်း အတွင်း ရွေးကောက်ပွဲအနိုင်ရရှိခဲ့တဲ့ ကိုယ်စား လှယ် ၁၁ ဦးကို လွှတ်တော်တွင်းမှာ ဆောင်ရွက်ရမယ့် အချက် အလက်တွေကို ရှင်းလင်းပြောကြားခဲ့ပါတယ်။ တိုင်းရင်းသားစည်းလုံးညီညွတ်ရေးပါတီ အနေနဲ့ ရွေးကောက်ပွဲမှာ မန္တလေးတိုင်းအတွင်း လွှတ်တော်ကိုယ်စားလှယ် ၉၀ ဦး အဆိုပြုလွှာ တင်သွင်းခဲ့ပြီး တဦး က အသက် ကန့်သက်ချက်နဲ့…

ဖေဖော်ဝါရီ ၁၂ ၊ ၂၀၂၆ KKL(VOM) နိုင်ငံတော်အတွင်း တရားဥပဒေစိုးမိုးရေး လွတ်လပ်ခြင်းနဲ့ ညီမျှခြင်းစတဲ့ လောကပါလတရားတွေ ထွန်းကားနိုင်အောင် တိုင်းရင်းသားလက်နက်ကိုင်အဖွဲ့တွေနဲ့ ထာဝရ ငြိမ်းချမ်းရေးတည်ဆောက်နိုင်အောင် အားလုံးက ဝိုင်းဝန်းကြိုးပမ်းဆောင်ရွက်ကြဖို့ ပြည်ထောင်စုသမ္မတ မြန်မာနိုင်ငံတော် ယာယီသမ္မတ ဗိုလ်ချုပ်မှူးကြီး မင်းအောင်လှိုင်က ဒီကနေ့ ​နေပြည်​တော်မှာကျင်းပတဲ့ ပြည်ထောင်စုနေ့မှာ ပေးပို့တဲ့ သဝဏ်လွှာကနေ တိုက်တွန်းပြောဆိုလိုက်ပါတယ်။ ဒီကနေ့ ၂၀၂၆ ဖေဖော်ဝါရီလ ၁၂ ရက်နေ့မှာ ကျရောက်တဲ့ ပြည်ထောင်စုသမ္မတမြန်မာနိုင်ငံတော်ရဲ့ (၇၉)နှစ်မြောက် ပြည်ထောင်စုနေ့ အခမ်းအနားကို နိုင်ငံတော်ယာယီသမ္မတ ဗိုလ်ချုပ်မှူးကြီးမင်းအောင်လှိုင်ပေးပို့ခဲ့တဲ့ သဝဏ်လွှာကို ပြည်ထောင်စုသမ္မတ မြန်မာနိုင်ငံတော် နိုင်ငံတော်ဝန်ကြီးချုပ် ဦးညိုစောက ပြန်လည်ဖတ်ကြားခဲ့တာမှာ ပါရှိခဲ့တာဖြစ်ပါတယ်။ အဲ့ဒီလို ပြည်ထောင်စု မြန်မာနိုင်ငံတော်ကြီး တည်တန့်ခိုင်မြဲဖို့အတွက် တိုင်းရင်းသားပြည်သူ တစ်ရပ်လုံးကလည်းနိုင်ငံတော်အစိုးရ၊တပ်မတော်နဲ့ တစ်သားတည်း ရပ်တည်ပြီး ပြည်ထောင်စုမပြိုကွဲရေးအတွက်နိုင်ငံတော် ကိုကာကွယ်စောင့်ရှောက်ကြရန်လိုအပ်တဲ့အ​တွက် တိုင်းရင်းသားလူမျိုးများအားလုံးကို ပါဝင်ပူးပေါင်းဖို့ကိုလည်း သဝဏ်လွှာမှာပါရှိခဲ့ပါတယ်။ အဲ့ဒီတိုက်တွန်းမှုနဲ့အတူ…