ဧပြီ ၂၆-၂၀၂၂
KK(VOM)
အင်းစိန်အကျဥ်းထောင်မှ နိူင်ငံရေးအကျဥ်းသားအချို့ကို ပြီးခဲ့တဲ့ရက်ပိုင်းအတွင်းက အကျဥ်းထောင်အသီးသီးကို ပြောင်းရွှေ့ခဲ့တယ်လို့ မိသားစုဝင်တွေဆီကသိရပါတယ်။
ဒီလိုပြောင်းရွှေ့ရာမှာ ကျောင်းသားသမဂ္ဂအချို့နဲ့ နိူင်ငံရေးအကျဥ်းသားအချို့လည်း ပါဝင်တယ်လို့ နိူင်ငံရေးအကျဥ်းသားဟောင်းတဦးက ပြောပါတယ်။
” ရတကသ ဗဟိုအလုပ်အမှုဆောင် ကိုအောင်ဖုန်းမော်နဲ့ ရန်ကုန်ပညာရေးတက္ကသိုလ်ကျောင်းသားများသမဂ္ဂ ဒု ဥက္ကဋ္ဌ ကိုဆစ်နိုင်လည်းပါတယ်၊ အခြားနိူင်ငံရေးသမားတွေ NLD ပါတီဝင်တွေလည်းပါတယ်”လို့ သူက ပြောပါတယ်။
နိူင်ငံရေးအကျဥ်းသားတဦးရဲ့မိခင်က”မနေ့က အန်တီသားလေးပြောင်းတယ် သာယာဝတီထောင်ကို၊ သူကထောင်ဆယ်နှစ်ကျတာ ပြောင်းပြီးမှသိရတာ”လို့ ပြောပါတယ်။
ထောင်ပြောင်းရွှေ့ရာမှာ မိသားစုဝင်တွေအနေနဲ့ကြိုတင်မသိရတဲ့အတွက် ထောင်ကျနေသူတွေအတွက် စိုးရိမ်ပူပန်မှုတွေရှိနေတယ်လို့ သူကပြောပါတယ်။
မိသားစုဝင်တွေကို အသိမပေးတာဟာ လုံခြုံရေးအနေအထားရဖြစ်ပြီး ထောင်ပြောင်းပြီးမှသာ မိသားစုကိုအသိပေးခဲ့တာဖြစ်လို့ အကျဥ်းဦးစီးဌာန တာဝန်ရှိသူတဦးက ရှင်းပြပါတယ်။
“လုပ်ငန်းသဘာဝအရ ပြောင်းရွှေ့တဲ့ဦးရေနဲ့ နေရာကိုထုတ်ပြန်ခြင်းမရှိပါဘူး၊ပြောင်းတဲ့အခါမှာ ပုဒ်မခွဲခြားခြင်းမရှိပါဘူး၊လုပ်ထုံးလုပ်နည်းနဲ့အညီ ပြောင်းသင့်သူတွေကိုပြောင်းပါတယ်”လို့ သူကပြောပါတယ်။
အင်းစိန်ထောင်ပြောင်းရွှေ့ရတဲ့အကြောင်းအရင်းဟာ ထောင်အတွင်း ကျပ်တည်းမှုရှိနေတဲ့အတွက် နေရာမပေးနိူင်လို့ နေရာလွတ်နေတဲ့ထောင်တွေကို ပြောင်းရွှေ့ပေးနေတာ အကျဥ်းဦးစီးဌာနကနေ သိရပါတယ်။
နကစကောင်စီလက်ထက် လွတ်ငြိမ်းချမ်းသာခွင့်ပေးတဲ့အရေအတွက် ၇ ကြိမ်ရှိခဲ့ပြီး၂၀၂၁ ခုနှစ်အတွင်းက ဖေဖော်ဝါရီ ၂၁ ရက်မှာ ၂၃,၃၁၄ ဦး၊ ဧပြီ ၁၇ ရက်မှာ ၂၃,၄၀၇ ဦး၊ ဇွန် ၃၀ ရက်မှာ ၂,၂၉၆ ဦး၊ အောက်တိုဘာ ၁၈ ရက်မှာ ၅,၆၃၆ ဦး ၂၀၂၂ ခုနှစ်အတွင်း ဖေဖော်ဝါရီ ၁၂ ရက်မှာ ၈၁၄ ဦး၊ မတ် ၂ ရက်မှာ ၅ ဦး၊ ဧပြီ ၁၇ ရက်မှာ ၁,၆၁၉ ဦးတို့ကို VOM ကပြုစုထားတဲ့ သတင်းအချက်အလက်တွေအရ သိရပါတယ်။
အဲ့ဒီလွတ်ငြိမ်းချမ်းသာခွင့် ၇ ကြိမ်မှာ စုစုပေါင်း ၅၇,၀၉၁ ဦးကို လွတ်ငြိမ်းချမ်းသာခွင့်ရရှိခဲ့ပါတယ်။
ဒီလိုလွတ်ငြိမ်းချမ်းသာခွင့်ပေးခဲ့တဲ့၅၇,၀၉၁ ဦးထဲမှာ နိုင်ငံရေးနဲ့ဆက်နွယ်ပြီး ဖမ်းဆီး၊ ချုပ်နှောင်ခံရသူ ၄,၅၅၆ ဦးခန့်သာ ပါဝင်တာကြောင့် စုစုပေါင်း လွတ်ငြိမ်းချမ်းသာခွင့်ရရှိသူဦးရေရဲ့(၈)ရာခိုင်နှုန်းသာ ရှိခဲ့တယ်လို့ ISP Myanmarရဲ့ ထုတ်ပြန်ထားချက်အရ သိရပါတယ်။
#voiceofmyanmar #VOM #အင်းစိန်ထောင် #ပြောင်းရွှေ့မှု
