ဝါရှင်တန်၊ ဇန်နဝါရီ-၂၃-၂၀၂၅
မျိုးဆက်(VOM)
ယူကရိန်းစစ်ပွဲ အဆုံးမသတ်ဘူးဆိုရင် ရုရှားကို စီးပွားရေး အရေးယူပိတ်ဆိုမှုတွေနဲ့ အခွန်တွေ တိုးကောက်မယ်လို့ အမေရိကန်သမ္မတ ဒေါ်နယ်ထရန့်က သတိပေးပြောကြားလိုက်ပါတယ်။
ရုရှားအနေဖြင့် ဒီရယ်စရာကောင်းတဲ့ စစ်ပွဲကိုအဆုံးသတ်ရမှာဖြစ်ပြီး မဟုတ်ပါက ရုရှားက အမေရိကန်နဲ့ တခြားနိုင်ငံတွေကို ရောင်းချနေတဲ့ ဘယ်ပစ္စည်းကိုမဆို အရေးယူပိတ်ဆို့မှုတွေ အခွန်တွေကောက်ဖို့ကလွဲပြီး တခြားရွေးစရာမရှိဘူးလို့ ဒေါ်နယ်ထရန့်က ပြောပါတယ်။
ထရန့်ရဲ့ သတိပေးမှုနဲ့ပတ်သက်ပြီး ရုရှားက တစုံတရာ တုံ့ပြန်တာမျိုးမရှိသေးပေမယ့် အမေရိကန်အစိုးရသစ်လက်ထက်နဲ့ ညှိနှိုင်းဆွေးနွေးမှုတွေလုပ်ဖို့က အခွင့်အလမ်းအနည်းငယ်သာရှိတယ်လို့ အကြီးတန်းအရာရှိတယောက် မကြာသေးမီရက်ပိုင်းအတွင်းက ပြောပါတယ်။
၂၀၁၄ ခုနှစ်မှ စတင်ခဲ့တဲ့ ယူကရိန်းစစ်ပွဲအဆုံးသတ်ရေး ညှိနှိုင်းဆွေးနွေးရန် ပြင်ဆင်ထားကြောင်း ပူတင်က ထပ်တလဲလဲပြောကြားခဲ့ပေမယ့် လက်ရှိမှာတော့ ယူကရိန်းနယ်မြေ ၂၀ ရာခိုင်နှုန်းကို သိမ်းပိုက်ထားပြီး ယူကရိန်းကို နေတိုးအဖွဲ့ထဲ ဝင်ရောက်ရန်ကိုလည်း ကန့်ကွက်ထားပါတယ်။
အမေရိကန်သမ္မတ ဒေါ်နယ်ထရန့်ကတော့ ပူတင်နဲ့ မကြာခင်ဆွေးနွေးဖို့ရှိနေပြီး စစ်ပွဲအဆုံးသတ်ရေးအတွက် တွေ့ဆုံဆွေးနွေးမှုတွေမလုပ်ရင် အရေးယူပိတ်ဆို့မှုတွေ ထပ်ကျင့်သုံးမယ်လို့ သတိပေးထားပါတယ်။
သူမ္မတဖြစ်နေရင် စတင်ဖြစ်မှာမဟုတ်တဲ့ ဒီစစ်ပွဲအဆုံးသတ်ရေးအတွက် လွယ်တဲ့နည်း ၊ ခက်တဲ့နည်းတွေနဲ့ လုပ်ဆောင်နိုင်ပြီး လွယ်ကူတဲ့နည်းက အမြဲပိုကောင်းတာကြောင့် သဘောတူညီချက်တခု လုပ်ရမယ့်အချိန်တန်ပြီလို့ ဒေါ်နယ်ထရန့်က ပြောဆိုပါတယ်။
Ref:BBC
Photo:AP
